Catatan Khotbah Minggu 28 April 2024

Minggu Kantate : Rendelah 

Warna Megersing

Invocatio :    “(Masmur 9 : 12)”

Ogen :  1 Samuel 2 : 1 – 3   (Tunggal)    

Khotbah : Ketangkasen 14  : 1 – 5     (Tunggal )    

Thema :   Ende Enden Kalak Si Enggo Iselamatken

        

Khotbah : Ketangkasen 14 : 1 – 5 

 Jenari kuidah tedis Anak Biri-biri e i Deleng Sion, janah ras Ia lit jelma teremna 144. 000 kalak i bas perdempakenna nggo isuratken gelar Anak Biri-biri e ras gelar BapaNa.

Jenari kubegi sora i langit nari bagi sora sampuren si mbelin ntah pe bagi sora lenggur si megang. Sora si kubegi e bagi sora kalak erkulcapi.

Si 144. 000 kalak e tedis ngalaken kursi kinirajan, bage pe ngalaken mahluk si empat ras pertua-pertua e. Kerina ia ngendeken ende-enden si mbaru. Ende-enden e, kalak si nggo itukur i bas doni enda nari ngenca ngasup mpelajarisa.

Kalak enda kerina bersih sabap la icemarkenna bana alu diberu. Tetap ia suci bagi singuda-nguda. Iikutkenna Anak Biri-biri e ku ja gia Ia lawes. Ia nggo itukur i bas manusia si deban nari, janah ia me si pemena ipersembahken man Dibata ras man Anak Biri-biri e.

La ia pernah ketunduken erbual. La lit si man pandangen i bas ia.

Pembukaan 

Syalomm mejuah juah senina ras turang, Salam ibas gelar Tuhanta Yesus Kristus. 

Pernah nge amatindu (pernihenndu) kegeluhen bas doni enda? Janah kai kesimpulenndu ibas hasil pengamatenndu e ? 

Lit idah kami sada fakta bahwa , kerina si lit bas doni enda lit akhirna, erkiteken lit awal na.  Emaka kai pe si lit awalna pasti lit akhirna.  Atau, kai pe si lit akhirna lit ka awalna.  Janah antara awal dan akhir e, ije me situhuna kal kejadian rsa peristiwa peristiwa si lit bas geliuhta enda. Amin ? 

Perlu sieteh bagin akhir e, gelah banci denga si modifikasi kegeluhen ta bas pertengahenna.  Sebab adi enggo ndeher kal ku akhir maka kita sadar, kemungkinen besar lanai lit waktuta untuk memodifikasi .  Amin ? 

Fakta Dan Makna 

Kitab ketangkasen labo nulisken kata kata (Firman) si ndarat bas babah Tuhan nari.  Tapi merupaken sada interpretasi penulis kerna kai si idahna ibas sada penglihatan Surgawi, janah hasil interpretasina e me itulisken ibas kitab enda.  Emaka njelasken kitab ketangkasen pe labo banci kata kata perkata tah kalimat per kalimat.  Tapi imaknai interpretasi penulis si tergelar Rasul Johanes, sanga ia ndatken pengenehenen i pulau Patmos.  Emaka guna khotbah ibas minggu kantata enda lit idah kami telu hal emekap. 

1. Anak Biri Biri ras 144.000 kalak  

Secara umum kitab Ketangkasen enda menceritakan akhir ibas kegeluhen idoni enda, gelah tujunna kai pe siinanami ndatken pemeteh ras kemalemen ate, aminna kai pe situasi ras keadaan siinanamina bas geluh.  Emaka ikataken kitab ketangkasen enda sebagai kitab, apokaliptik.    Ibas jaman akhir e pagi si berkuasa ras si ngatur setiap tahap prosesna emekap Anak Biri Biri Dibata.  Anak Biri Biri mengandung makna, bahwa Jesus Kristus  enggo ikurbanken/ipersembahken arah kematenNa ibas kayu persilang lako nebusi manusia.  Janah Ia enggo nangkih ku Surga.  Ija kin Surga e sada pe jelma la ngetehsa.  Tapi ibas jaman akhir Ia muncul kembali.  Jadi sanga ia nangkih ku surga nadingken murid murid ternyata Ia bermukim ras Bapa i Surga.  Janah bas akhir jama, IA teridah mulihi bagi si ijelasken  oleh Johanes. 

Si menarik, anak anak Biri e lit iadep adepen jelma sienterem si jumlahna berdasarkan interpretasi Johane lit 144.000.  Apakah enda angka si pasti ?  Apakah enda angka manusia tah angka surga ?  Apakah enda angka si basih piga langa sieteh.  (Ibas matematika, lit angka sibasisna mementuken jumlahna.  Basis dua misalna nulis 1 emekap 01, angka 2 nulissa 10, nulis telu 11) ras seterusna. Emaka angka 144.000 labo menyatakan jumlah si asa e, tapi maknana emekap terbatas manusia si ije.  Labo kerina kalak si pernah nggeluh bas doni enda ikut ibas beligan 144.000 e. 

Emaka perlu si renungken mbages mbages ise saja si masuk kubas angka 144.000 e?  Enggo me kam masuk je ? Ibas bagian seterusna enda me ijelasken.  

. 

2. Rende Ende ende si mbaru.   

Kai dahin kalak ndai kerina siiatanken ras anak Biri Biri e?  Ijelasken Johanes ia rende, alu lagu penyembahen ras lagu pujian simbaru, si syair ras lirikna la lit i doni.  Janah lagu e pe la kerina ngasup ras layak ngendekennsa adi la kin kalak pilihen ndai.  Janah kalak si enggo itukur ibas doni enda nari ngenca ngasup ngendeken lagu e, iadep adepen tua tua ras makhluk siidah Johanes e.  Itukur ibas doni enda nari alu penukurna dareh Jesus Kristus Tuhan si iperlakuken sebagai kurban anak Biri Biri si Badiana kal.  Oh Haleluya. 

Ijenda banci simaknai maka kalak si termasuk terpuk 144.000 e, kerina kalak si enggo itukur alu dareh Tuhan Jesus Kristus.  Ia enggo iselamatken.  Emaka kalak enda labo kalak bayak, labo kalak perpangkat, labo preman, labo anggota parlemen, labo anggota kabinet, labo konglomerat.  Tapi kerina kalak si ndatken perkuah ate bas Tuhan Yesus nari, janah ia enggo itukur ibas doni enda.  Banci saja ia sangana i doni ndatken penyiksaan, penderitaan, pembunuhan, penghinaan, si mesangat kal.  Tapi dungna ia nge ras anak Biri Biri e ibas pendungi doni enda.  Janah dahinna ije emekap rende, alu lagu simbaru.   

Emaka marilah kita kerina rende, alu ende enden si mbaru.  Lagu lagu pujian ras penyembahan si lit gundari bas doni endasi endeken lah tanda pengateken bujurta man Tuhanta si melias e.  Amin. Haleluya . 

3. Jelma si rende e enggo iserapken ras ikhususken    

Emaka jelas man banta kerina maka, kalak si rende raduken anak Biri Biri Dibata i surga emekap kerina kalak sienggp ikhususken Tuhan Yesus, janah ia me ijagai Tuhan Yesus sanga ia nggeluh bas doni enda.  Sada hal sipentingna kal emekap, “perayaken kalak si enggo ikhhususken Tuhan e, lanai seri ras perayaken kerina kalak sideban idoni enda.”.  Perayekenna emekap ersada ras Anak Biri Biri ni Dibata.  Emaka bicara kai pe inanamina bas doni enda tetap mata batinna ras jiwana ngenen ku Surga ku Anak Biri Biri Dibata.  Nina Johanes, la lit salah dosana erkiteken diberu,  janah sekali pe ia la pernah ketunduken erbual. 

Hati hati kita si rusur denga erdosa perban diberu (hahahaha) ras pe si nggit denga erbual.   (Alu terjerembab, ibas km 1, km 2, km 3, km 4, km 5, km6 terlebih bas km 7.  Sebab melala dilaki aman ia bas km 1 seh 6 tapi gagal bas km 7).  

Memang ninta lanai bo lit sibujur sada pe lang.   Amin bage gia, ngakuken dosa janah nggit robah nadingken lagu lama, eme situhuna kal bageme cara guna ikut itukur Tuhan Yesus alu darehNa. AMIN ? 

 Pengkenaina

1. Adi langa terbiasa rende, perlu si evaluasi banta engkai maka langa kita terbiasa ras semangat rende?  La lah perban melala denga kal salah dosa ta man Tuhan?  Rende labo masalah sora ras babah, tapi situhuna rende emekap masalah pusuh Pusuh si nembah man Tuhan Yesus, ras nggejapken perkuah ateNa pasti semangat kal ia rende.  Jadi gargari lah pusuhndu teman  turang ras senina... jenari akuken dosa dosa ndu janah rendelah muji Tuhan. Amin ? 

2. Tatap lah ku Tuhan Yesus, janah lit nge pendungina, lit nge akhirna kai pe. Ukur meriah e lit akhirna, ukur gulut e pe pasti lit ujungna, emaka tetap lah semangat, tetaplah erpengarapan, tetap lah tek ras beriman ku Tuhan Yesus saja si igelari Anak Biri Biri e.  Johanes enggo ngidah, ndigan pagi Yesus Kristus reh pedua kaliken. Amin ? 

Bujur ras mejuah juah  kita kerina

Pt Em Analgin Ginting.