Thema : Kata Tuhan Reh Mbarna
Perb. Kisah Para Rasul 13: 44 - 52
Bahasa Karo
I bas wari Sabat si rehna menam kerina anak kuta e reh megiken kata Dibata.
Asum idah kalak Jahudi kalak si nterem e, cian atena. Ikatakenna maka kai si ikataken Paulus e la tuhu janah ihinana pe rasul e.
Tapi ngaloi Paulus ras Barnabas alu la biar-biaren nina, "Tuhu maka arus man bandu lebe Kata Dibata ipeseh. Tapi perbahan itulakndu, janah iakapndu maka la kam metunggung ngaloken kegeluhen si tuhu-tuhu si rasa lalap, emaka lawes kami ku bangsa-bangsa si deban.
Sabap Tuhan nggo nuruh kami alu KataNa, 'Nggo kutetapken kam jadi terang man kalak si la nandai Dibata, arah kam me keselamaten seh ku kerina doni! '
Megi si enda meriah ukur kalak si langa nandai Dibata jenari ipujina Tuhan erkiteken KataNa. Janah kalak si nggo ipilih Dibata gelah ngaloken kegeluhen si tuhu-tuhu si rasa lalap, jadi tek.
Kata Tuhan mbar ku belang-belang daerah e.
Tapi iajuk-ajuk kalak Jahudi diberu-diberu si tergolong ihamati kalak, si tutus nembah man Dibata, bage pe pembesar-pembesar kuta e, gelah ilawanna Paulus ras Barnabas. Emaka mulai me isiksa kalak ndai Paulus ras Barnabas jenari ipelawesna ia i bas daerah e nari.
Iapusi Paulus ras Barnabas abu i bas tapak-tapak nahena jadi sada tanda persinget kempak kalak e. Jenari lawes ia ku Ikoni.
Ajar-ajar si i Antiokia dem alu keriahen dingen Kesah Si Badia.
Fakta Dan Makna
1. I bas wari Sabat si rehna menam kerina anak kuta e reh megiken kata Dibata. Kata Dibata / Firman Tuhan ibarat sinuan sinuan, turah ras erbuah ia. Janah buah Kata Dibata emekap menggerakken pusuh jelma ras mpeturah ketedehen ate man Dibata. Emaka rehen kalak lako megiken kata Dibata. Sebab ibas mbegiken kata Dibata, turah me ketenangan, kedamen ras kemalemen ate. Ise pe si megiken kata Dibata, terlebih simakekensa ibas geluhna, lit datsa kemalemen ate, datsa ketenangen geluh, datsa me siniperlukenna kal ibas geluhna. Emak ibas wari Sabat berikutna (ibas wari minggu berkutna, ibas pjj berikutna, ibas PA berikutna, ibas ibadah ngapuli berikutna) rehen kerina anak kuta e megiken kata Dibata. Haleluya, Puji Tuhan. Kam pe adi begikenndu kata Dibata pasti malem kal atendu.
2. Tapi ngaloi Paulus ras Barnabas alu la biar-biaren nina, "Tuhu maka arus man bandu lebe Kata Dibata ipeseh. Tapi perbahan itulakndu, janah iakapndu maka la kam metunggung ngaloken kegeluhen si tuhu-tuhu si rasa lalap, emaka lawes kami ku bangsa-bangsa si deban. Arah ayat enda icidahken banta, maka lit ka nge kalak si nulak kata Dibata. Kalak siakapna bana ia metunggung, ia layak, ia hebat, ia berpindidikan tinggi, ia sibeluhna, ia sienggo kadena pe tercukupina, punya kecenderungan nulak kata Dibata. Kai dampakna adi itulakndu kata Dibata? TadingkenNa mekam, jumpaiNa kalak / bangsa bangsa si deban si nggit ngalokensa. Emaka kata Dibata ipeseh man kerina kalak si nggit ngalokensa. Emaka sangap kal kita singgit ngaloken kata Dibata ras simakekensa tep tep wari. Sebab ku kalak dibagenda reh usur Tuhan e. Reh ka usul Firman e, reh usur kata Dibata e. Ibabana man bandu ketenangan, optimisme ras kesangapen. Amin ?
3. Megi si enda meriah ukur kalak si langa nandai Dibata jenari ipujina Tuhan erkiteken KataNa. Janah kalak si nggo ipilih Dibata gelah ngaloken kegeluhen si tuhu-tuhu si rasa lalap, jadi tek. Kata Tuhan mbar ku belang-belang daerah e. Kata Dibata e lalap. Move on iya kujapa pe terlebih ndarami kalak si langa nandai Dibata. Janah kalak silanga nandai Dibata pe meriah kal ukurna ibas ia mbegiken kata Dibata e jenari ipujina Tuhan erkiteken kataNA. Kalak simbegiken kata Dibata janah meriah ukurna eme sada pertanda maka ia nggo ipilih Dibata gelah ngaloken kegeluhen si rasa lalap. Woow luar biasa kal . Emaka banci si evaluasi dirinta sekalak sekalak, apakah kita enggo ermeriah ukur ras muji Tuhan ibas kita ngaloken ras mbegiken kataNA. Lo padah sievaluasi kalak sideban, kita sendiri lah sitandai banta, si evaluasi banta. Emaka ula si pandangi kalak adi kita sendiri pe hobby denga mandangi kalak. Hahaha. Sebab kalak si tutus mbegi kata Dibata, merincuh kal ia mbagiken ras mpeseh kata Dibata e man kerina kalak terutama s langa nandai Dibata. Langa nandai Jesus Kristus e anak Dibata, janah ia me Dibata. Jadi kata Dibata harus mbar ke kerina ingan, ku belang belang doni enda, gelah kerina kalak nandai Dibata, ras tutus mbegiken kata Dibata. Hobby kalak sienggo nandai Dibata, meriah ukurna pembarken kata Dibata. Amin.
Pengkenaina
• Arah nas pjj ta berngi enda jelas man banta maka kemalemen ate ras riah ukur situhu tuhuna emekap ibas mbegiken kata Dibata. Rehen ia kerina lako mbegiken kata Dibata ras muji Dibata alu ukur si meriah. Haleluya.
• Perlu kal siprogramkan bas dirinta gelah kita pe ikut pembarken kata Dibata man ise pe, gelah ermbarna kata Dibata, janah erteremna kalak si nandai Dibata. Amin ?
Bujur ras mejuah juah kita kerina.
Pt. Analgin Ginting.
Komentar