Esra 7 : 6 – 10
Thema : Mpelajari, Makeken Ras Ngajarken
Bahasa Karo
Esra sekalak si meganjang dingen mbages kal pemetehna kerna Undang-undang si nggo ibereken TUHAN Dibata Israel man Musa. Erkiteken Esra ipasu-pasu TUHAN Dibatana, ibereken raja kerina kai si ipindona. I bas tahun si pepituken pemerentahen Artasasta, berkat Esra i Babil nari ku Jerusalem. Piga-piga kalak Israel pe ikut ras ia, ataupe imam-imam, kalak Lewi, tukang musik Rumah Pertoton, pengawal Rumah Pertoton, dingen si erdahin i bas Rumah Pertoton.
Kalak enda ndai berkat i Babil nari i bas wari si pemena, bulan si pemena janah alu penampat Dibata, seh i Jerusalem i bas wari si pemena bulan si pelimaken.
Gelgel nari nggo tutus kal ate Esra melajari Undang-undang TUHAN, bage pe makekenca i bas geluhna, dingen ngajarken pedah ras peraturen-peraturen si lit i bas Undang-undang e man bangsa Israel.
Fakta Dan Makna
1. Esra sekalak si meganjang dingen mbages kal pemetehna kerna Undang-undang si nggo ibereken TUHAN Dibata Israel man Musa. Erkiteken Esra ipasu-pasu TUHAN Dibatana, ibereken raja kerina kai si ipindona. I bas tahun si pepituken pemerentahen Artasasta, berkat Esra i Babil nari ku Jerusalem. Piga-piga kalak Israel pe ikut ras ia, ataupe imam-imam, kalak Lewi, tukang musik Rumah Pertoton, pengawal Rumah Pertoton, dingen si erdahin i bas Rumah Pertoton.
Enda Esra, ise ia ras kai sinibahanna. Ikataken maka Esra sekalak si meganjang dingen mbages kal pemetehna kerna Undang Undang si nggo iebereken Tuhan Dibata man Israel. Jenari lit dua hal silakoken Esra 1, melala aktivitas ras programna (emaka melala pemindonna man pemerentahen Raja Artasasta) janah 2, ipasu pasu Tuhan ia. Salah sada program Esra emekap mulih i Babil nari ku Yerusalem lako mpekena Rumah Pertoto. Ikut pe ras ia imam imam, kalak Lewi, tukang musik rumah pertoton, pengawal dingen si erdahin i rmah pertoton. Ituduhken man banta, kalak si melala pemeteh, tah pemeteh si meganjangna kal erpenuruh bas pusuh guna erdahin, guna erbahan si mehuli bas kegeluhen enda terlebih erbahan simehuli (memugar, membangun kembali, mempeskap) rumah pertoton. Pemeteh si erganjangna harus membuat seseorang lebih rendah hati. Seorang sarjana, magister, doktor harus lah lebih sering membuat penelitian guna ndatkan sada info ras masuken si terulin man kalak sienterem bas kegeluhen eda. Teridah pe man banta, kalak si ersura sura simehuli pasti ipasu pasu Tuhan. Ibereken Tuhan kerina kebutuhenna, bahkan ope si pindo pe enggo leben ibereken Na (bahan pjj nta minggu si lewat). Ngeteh melala ras mbages haruslah ndorong kita kerina erbahan kegiatan ras program. APAKAH kalak si perkisat, ras si malas erkiteken kurang pemetehna? Hahahah, mari ras ras kita ngukurisa.
2. Kalak enda ndai berkat i Babil nari i bas wari si pemena, bulan si pemena janah alu penampat Dibata, seh i Jerusalem i bas wari si pemena bulan si pelimaken. . Berkat wari si pemena bulan sipemena, seh i Jerusalem wari si pemena bulan sipelimaken. Berarti tepat 4 bulan dekahna ia erdalan. Erdalan Babil nari ku Jerusalem tupung e waktuna sekitar 4 bulan labo kentisik janah labo mesunah. Melewati gurun pasir, si cuacana baci berubah secara ekstrim. Uga nindu merencanaken pangan, inemen,bas dalan selama 4 bulan seh kal luarbiasana. Janah teridahkal man banta ijenda dua hal : 1. dahin pelayanan harus i rencanaken matang matang ope idalanken gelah ula lit muncul hal hal si la terduga. 2. Adi enggo irencanaken harus idalanken kai pe risikona. Janah sada nari harus siinget bahwa la lit si lebih penting bas geluh enda, uga cerdasna pe kita, uga ganjangna pe pemeteh ras pengalamen nta lako erbahan misi mpehuliken gerejanta. Baik gereja secara fisik bas doni, bagepe gereja spiritual, i Yerusalem si mbaru pagi. Ertambah pemeteh, ertambahna lah min ketutusenta lako erbahan kegiatan/program lako empermuliakan Tuhan Dibata ibas Yesus Kristus.
3. Gelgel nari nggo tutus kal ate Esra melajari Undang-undang TUHAN, bage pe makekenca i bas geluhna, dingen ngajarken pedah ras peraturen-peraturen si lit i bas Undang-undang e man bangsa Israel. Enda ma sada si pentingna kal... Prilaku membentuk kebiasaan, kebiasan membentuk karakter dan karekter berbuah. Esra nguasai kerina Undang Undang Musa (buah) erkiteken bagekin (karakter na) erlajar, janah erlajar enda enggo idalankenna gel gel nari (kebiasaan), janah kerina kebiasaan imulai ibas sada perbahanen (prilaku). Janah perlu siperdiateken bahwa cara erlajar si paling efektif emekap, nguasai materi (erlajar), ngelakukan (praktet) ras ngajarken man kalak si deban. Emaka adi setuju kam ras pepatah, “belajar sepanjang hayat” maka carana, baca, kuasai, dalanken jenari ajarken man kalak sideban. Ternyata nguasai Pustaka Sibadia pe bage rumus na, bagi sienggo dalanken Esra. Tutus lah ngoge ras mpelajari Pustaka Si Badia, praktek alu tulus ibas geluhta, jenari ajarken man kerina jelma. Ibas kita ngajarken man kalak sideban terlebih anak anak ras kemputa, bage me kita nadingken tading tadingen man anak anakta kerina. Ajar eme warisan si mehergana kal, terutama ajar kerna Kata Dibata. Amin ?
Pengkenaina
• Perlu kal kita erlajar alu tutus, erlajar kerna erdahin alu bujur ras beintegritas terlebih pe erlajar kerna Kata Dibata. Emaka siapken waktundu gundari nari lako ngoge kata Dibata alu konsisten sepanjang hidupndu.
• Perlu kal kita ngajarken kai sienggo sipelajari e. Tapi ula salah ajar. Gelah ula salah ajar (salah siniajarken kita) perlu lebe siuji alu mpraktekkensa ibas gleuhta . Pelajari, kuasai, pakeken, ras ajarken. Alu eme harus siisi geluhta enda. Amin ?
Bujur ras mejuah juah kita kerina.
Pt. Analgin Ginting.
.jpg)
Komentar