Lukas 10 : 1 – 10
Thema : Jesus Nuruh Si Erdahin Guna Peranin
Lukas 10 : 1 – 10
Bahasa Karo
Kenca si e, ipilih Tuhan pitu puluh kalak nari jadi ajar-AjarNa. Ajar-ajar enda ndai IsuruhNa dua-dua kalak sendalanen ngelebei Ia ku kerina kuta ras ingan si minter AteNa IdahiNa.
Nina Jesus man kalak e, "Mbelang si man peranin, tapi kurang si ranisa. Dage, ertotolah man si Mada peranin e, gelah IsuruhNa si erdahin guna mperanisa.
Berkatlah! Kusuruh kam lawes bagi anak biri-biri ku tengah-tengah serigala.
Ola baba dompet, gajut-gajut, ntah sepatu, ola kam ngadi i tengah dalan guna ercakap ras kalak.
Adi bengket kam ku bas sada rumah katakenlah lebe, 'Dame man isi jabu enda. '
Janah adi lit i bas rumah e kalak si ngarapken dame, maka dame si isehkenndu ringan i bas ia. Tapi adi la lit, dame si isehkenndu mulih man bandu.
Kesilanglah i bas rumah e, pan dingen inemlah kai si iberekenna man bandu, sabap kalak si erdahin patut kap dat upah. Ola sambar-sambar inganndu kesilang.
Adi bengket kam ku sada kuta janah i je ialo-alo kalak kam, panlah kai si iberekenna man bandu;
janah pepalemlah kalak si penakiten i je. Kataken pe man anak kuta e, 'Kinirajan Dibata nggo ndeher ku tengah-tengahndu! '
Tapi adi bengket kam ku sada kuta janah i je la kam ialoken kalak, laweslah kam ku pasar-pasar, jenari momokenlah,
Fakta Dan Makna
1. Kenca si e, ipilih Tuhan pitu puluh kalak nari jadi ajar-AjarNa. Ajar-ajar enda ndai IsuruhNa dua-dua kalak sendalanen ngelebei Ia ku kerina kuta ras ingan si minter AteNa IdahiNa. Nina Jesus man kalak e, "Mbelang si man peranin, tapi kurang si ranisa. Dage, ertotolah man si Mada peranin e, gelah IsuruhNa si erdahin guna mperanisa. Cara kerja Tuhan Jesus ibas Ia ngkelengi doni enda, ras pe nelamatken kerina isi doni enda emkap cara kerja si ratur, mehuli, sistematis dingen sangat sangat cerdas. Ipilih Tuhan pitu puluh kalak nari jadi ajar ajarNa, janah isuruhNa dua dua sendalanen ngelebei Ia ku ingan si minter ateNa idahiNa. Janah ipesanken Tuhanta enda sada pesan si maha penting, jadi kenyataan lalap bas doni enda nina, “Mbelang si man peranin tapi kurang si ranisa, dage ertotolah man si Mada peranin egelah isusruhNa si erdahin guna mperanisa. Sada analogi si seh kal tajam ras pas kal ikataken Tuhan Yesus. Rani ibas konteks percakapennta enda harus ilakukan dua dua kalak, ula sisada. Lit Teamwork, lit sinergi ras lit kolaborasi. Janah dahin si paling penting bas doni enda ibas konteks kekristenan emekap rani, labo rani page tah sinuan sinuan, tapi rani jelma gelah ibaba kerina ku Jesus Kristus. Janah dahin rani la erkeri kerin, lit lalap siman peranin kidekah doni enda lit. Emaka Tuhan nge si nuruh kalak sierdahin guna mperanisa dari jaman ku jaman, dari generasi ku generasi. Adi lit kalak idilo Tuhan guna erdahin mperani, tapi kalak siniidilo e la nggit, tah la tena tutus, la masalah nina Tuhan, sebab pasti lit kange kari kalak si nggit mperanisa. Pasti lit entah janari gia ia rehna... Some one will come from far away, nina lirik lagu Beegees, si judulna First Of May. Emaka sungkun dirindu teman, nggit kam mperanisa siman peranin si mbelang tah lang? Kam metehsa...
2. Kesilanglah i bas rumah e, pan dingen inemlah kai si iberekenna man bandu, sabap kalak si erdahin patut kap dat upah. Ola sambar-sambar inganndu kesilang. Kalak si ertugas lako mperani e, harus ia tergantung kubas Tuhan saja. Labo baci andalkenna kekuatan kekuatan kai pe selain Kesah Tuhan si nampati ia. Em sebab na ikataken Tuhan bahwa ia harus kesilang, janah panganna ras inemenna kai sinibereken inganna kesilang e. Mperani dahin Tuhan, sue ras standard Tuhan, labo standard manusia. Emaka kesilang nina Tuhan, kesilang kita, ula ka sibahan kinijagonnta ras kinihebatennta ibas kita ikut mperani. Janah adi enggo lita sada inganna kesilang, ula sambar sambar inganndu kesilang nina Tuhan. Konisistensi sangat iperluken ibas dahiken peranin e.
3. Adi bengket kam ku sada kuta janah i je ialo-alo kalak kam, panlah kai si iberekenna man bandu; janah pepalemlah kalak si penakiten i je. Kataken pe man anak kuta e, 'Kinirajan Dibata nggo ndeher ku tengah-tengahndu! Labo hanya si mperanisa iarapken Tuhan kininggitenna, tapi si man peranin e pe bage. Adi nggit ia perani, perani. Kai tandana ia nggit rani? Nina Tuhan, adi bengket kam ku sada kuta janah je ialo alona kam, pan lah siiberekenna janah pepalemlah kalak sipenakiten. Janah kataken man anak Kuta “Kinirajan Dibata enggo ndeher ku tengah tengahndu”. Baci kin kalak sdahinna mperani banci ka ia mpepalem kalak si sakit. La lah banci. Tapi malem kalak sipenakiten e. Sebab Tuhan Yesus sendiri nge si mpepalemsa. Kita sinotokensa, Tuhan Yesus simpepalemsa. Amin. Ma payo akapndu,
4. Tapi adi bengket kam ku sada kuta janah i je la kam ialoken kalak, laweslah kam ku pasar-pasar, jenari momokenlah. Tapi adi bengket kam ku sada kuta nina Tuhan, janah ije la kam ialoken kalak, bengketlah ku pasar pasar jenari momokenlah nina Tuhan. Tuhan la kin nggit maksa ise pe, janah singena ate Tuhan emekap kalak singgit ngelakoken kai pe si ipindo Tuhan. Adi lit kalak si nulak murid murid Na, si isuruhNa (ugapa pe lit ka nge lalap) Tuhan tetap ngkawali ia. Emaka laweslah ku pasar pasar nina. I Pasar bebas kerina jelma. Momoken ije, ma enggo sengget dingen merincuh kerina ia. Sada nari intina adi itulak kalak kita, ula ban jadi masalah darami kalak si nggit. Pasti lit kalak singgit ngalo ngalo murid murid Tuhan. Amin ?
Pengkenaina
• Perlu kal sihayati ayat renungen pjj ta sekalenda. Kita kerina, kam ras aku ras kalak ah pe nggit min kita jadi sierdahin lako mperani jelma bas doni enda. Sebab enggo mbelang siman peranin e, tapi kurang kap simperanisa. Tapi Tuhan tetap menyediaken tenaga tenaga perani si mbaru. Janah man kalak singgit mperanisa e enggo isediaken Tuhan kai kebutuhenna. Amin ?
• Ibas kita ikut mperani tah pe ngelayani idoni enda, ula mbiar kai sipan. Sebab lit kin inganta kesilang. Janah kalak singgit ingan kesilang, pasti ipasu pasu Tuhan. Emaka kai ibereken kalak pangannta aloken alu meriah ukur ras ngataken bujur. Ibas kai sikurangna Tuhan ta Jesus Kristus pasti sinambahisa, gelah lengkap 4 sehat 5 sempurna. Amin?
Bujur ras mejuah juah kita kerina.
Pt. Analgin Ginting.
.jpg)
Komentar