Kotbah : 1 Petrus 2 : 1 – 5
Tema : Reh Dingen Mereken
Diri Majekken Rumah Pertoton Kesah
1 Petrus 2:1-5 (KARO)
Erkitekiteken
si e tadingkenlah kerina si jahat; ulanai erbual, ntah pekulah-kulah, ntah
ercian ate, ntah pe cekurak.
Bagi
anak-anak si mbaru tubuh min kam, si rusur muas nandangi susu pertendin si la
lit campurna, gelah alu nginem susu e reh belinna kam dingen selamat.
Bagi lit tersurat i bas Pustaka Si
Badia, "Nggo inanamindu kap uga ulina Tuhan e."
Dahilah Tuhan, batu si nggeluh si
itulak ras si la iergaken manusia, tapi ipilih dingen iergaken Dibata.
Rehlah kam bagi batu-batu si nggeluh
janah berelah min dirindu ipake guna majekken rumah pertoton kesah. I bas ingan
e me kam erdahin jadi imam-imam si badia, guna mpersembahken man Dibata persembahen
pertendin si ngena ate Dibata erkelang-kelangken Jesus Kristus.'
Sumber Photo : https://www.gotquestions.org/living-stone.html
Fakta Dan Makna
1. Erkitekiteken
si e tadingkenlah kerina si jahat; ulanai erbual, ntah pekulah-kulah, ntah
ercian ate, ntah pe cekurak.Menarik
kal guna sirenungken secara mendalam, khutbah ibas berngi sipeteluken enda,
sinibuat ibas Surat Penggembalaan Rasul Petrus man kerina perpulungen I belang
belang doni. Tadingken kerina si jahat,
: ulanai erbuah, ulanai pekulah kulah (munafik) entah ercian ate, entahpe cekurak. Cekurak hanya buang buang waktu, kerina
kesempatan erdahin, janah pusuh pe kosong, bingung ras la etehna erkaipe. Bagenda me buah man kalak si rusur
cekurak. Ulanai erbual, sebaba kalak si
erbual lupa ka pia Dibata ngidah kerina sinasa lit. Lab terbuali Dibata. Ulanai pekulah
kulah, kalak si usur pekulah kulah, enda
me kalak si bahaya na kal bas kegeluhen enda, sebab akap teman, imbang
kepe. Akap bujur, lat lat kepe. Akap payo, salah kepe. La banci maba dame kalak si pekulah
kulah. La terteki. Kalak sician ate, ndarami pinakit man bana
jine. Hahaha. Cian atendu kalak bayak. Piah la kam tunduh ngukuri ia secara negative, mbukmbuk pusuhndu. Ia mengker ijah. Hahahah.
Ise si rugi ? Kalak si ercian ate
rugi silalap ibas geluhna. Jadi payo kal
pengajaren enda, tadingken sijahat ibas 4 kategori enda ndai. Ma setuju kan turang ras senina ?
2. Bagi anak-anak si mbaru tubuh min kam, si rusur
muas nandangi susu pertendin si la lit campurna, gelah alu nginem susu e reh
belinna kam dingen selamat Anding andingen
entahpe analogi enda she kal payona ikataken Rasul Petrus. Bagi anak si mbaru tumbuh si rusur muas
nandangi susu pertendin si la lit campurna.
Susu Bas nande ta nari, ASI eme si murnina kal. La perlu campur kai pe. Enggo lengkap gizina ras paling lezat nanamna. Emaka terbukti she asa gundari anak anak si
minum ASI lebih sehat, lebih cerdas, lebih tahan, ras lebih megegeh asangkan anak
anak si la minem ASI. Kita pe bage, ASI
= Kata Dibata. Kata Dibata ibas Injil
ras Pustaka SI Badia, eme ASI e nandangi pertumbhen pertendinta. KU je lah kita bereferensi. Kai
pe si jadi bas kegeluhen enda, Versi murni na emekap Kata DIbata. Pengajaren
pengajaren sideban, seri ras susu si melala campurenna, la sehat man
inemen. Ula campur Kopi ras spiritus. Pasti la sehat. Bageme pengajaren e senina ras Turang. Bas Tuhan nari ngenca pengajaren si murnina
ras si si mehulina dingen melam ka pe. Muas lah kita lalap ndatken ASI Tuhan e,
sienggo tertulis alu payu bas 39 Kitab Padan Si ndekah ras 27
Kitab Padan si Mbaru. Amin ?
3. Rehlah kam bagi batu-batu si nggeluh janah berelah
min dirindu ipake guna majekken rumah pertoton kesah. Adi
enggo sitedingken si jahat, ras siinem ASI TUHAN e emaka ergiah giah kita
kerina nddahi Tuhan ta bagi batu batu si nggeluh. Janah geluhta e ipake guna majekken rumah
pertoton kesah. Geluhta jadi Rumah Pertoton
Kesah. Luar biasa, geluhta jadi bukti nyata kekelengen Tuhan
Yesus nandangi doni enda. Pengerana erbahansa malem ate kalak, ras ertambahna
semangatna nggeluh, perciremta nambahi sukacita kalak sideban. Kerajinenta erbahannca tek kalak man kita,
janah adi kita ertoto / mbaba pertoton e, malem kal ate kalak. Bageme adi kita nggit majekken rumah pertoton
kesah e, senina ras turang. Nampati kalak
si lit sinanggelna, bene si nanggelta.
Notoken kalak si sakit, kita nge leben ersehatna. Mbereken penampat/sumbangan nandangi senina
ras turangta si la ngasup, idemi Tuhan nge dompetta. Ngiahken kalak ku gereja,
kita leben enggo she I gereja. Iooh
malem kal kegeluhen kalak si majekken rumah pertoton kesah arah dirina jine.
Pengkenaina
·
Sada perjuangan ta ibas geluh enda emekap
nadingken si jahat. Lanai erbual, lanai
pekulah kulah, lanai rate cian, lanai cekurak
jadi tantangan seumur geluhta. Gelah
kita ngasup, perlu kal kita penampat bas Tuhan nari. Emaka perlu kal kita ndatken Susu murni (ASI)
pengajaren kerna pertendinta emekap kata Dibata. Mari sijadiken ngoge Pustaka Si Badia jadi
kebiasaanta ibas geluh enda.
·
Mari sibenahi car anta rukur ras
erkata kata. Sebab kerina kalak enggo
nadingken kejahatan e, teridak kap arah
perkatanna ras pe perbahanenna. La perlu
sikatakan aku kalak mehuli ninta, tapia di sibahan perbahanen si mehuli maka perbahanenta
e nge si ngerana ndauh kal lebih efektif.
Ibas kita ngelakoken perbahaanen si mehuli, lanai pekulah kulah, lanai
rate cian, lanai erbual, ras lanai provokator) alu bage me kita enggo mbabai
dirinta jadi rumah pertoton kesah. Janah
eme kesangapen geluh situhu tuhuna kal, Amin.
Bujur ras mejuah juah kita kerina.
Pt. Analgin
Ginting
Komentar