Kotbah : Perbahanen Rasul 28 : 1 – 10
Tema : Pertoton Si Jadi Pasu Pasu Man Kalak Sideban
Perb. 28 : 1 – 10
28:1 Kenca kerina kami seh ku daraten, ieteh
kami arah kalak si ngiani pulau maka gelar pulau e, e me pulau Malta.
28:2 Mehuli kal kerina anak dusun si ngiani
pulau e man kami. Ialo-alona kami alu mehuli, janah perbahan wari mulai udan
dingen seh kal bergehna e maka ipegarana api.
28:3 Ipepulung Paulus ranting sada mberkis
janah asum itamakenna ku bas api, ndarat sada nipe upar i bas ranting e nari
sabap melas iakapna jenari itagutna tan Paulus.
28:4
Ngidah nipe si molah-olah i bas tan
Paulus nina si ngiani pulau e sapih-sapih ia, "Kalak si itagut nipe e
ugapa pe kalak pemunuh. Sabap enggo pe ia selamat i bas lawit nari la ka bo ia
ipelepas Dewi Keadilen nggeluh."
28:5
Tapi ikupisken Paulus nipe e ku bas
api, janah la ia sitik pe suin.
28:6
Rikutken pengakap kalak e ugapa pe
besar nge kerina daging Paulus ntah pe minter mate. Tapi
kenca ndekah itimaina janah idahna maka Paulus la kaden pe e maka dungna
erkusur ukurna, nina, "Ia sekalak dewa kap."
28:7 La ndauhsa i bas ingan e nari lit sada
juma, pengulu pulau e empuna. Gelarna Publius. Ialo-alona kami alu mehuli janah
telu wari dekahna kami iberena man i bas rumahna e.
28:8 Paksa si e bapa
Publius ampar i bas ingan medem, sabap panas dingen mesui beltekna. E maka
idahi Paulus ia ku bas kamarna. Ertoto Paulus man Dibata janah itamakenna tanna
ku babo si sakit e. E maka malem iakapna.
28:9
Kenca si enda rehen kerina kalak si
sakit i bas pulau e ndahi Paulus. Kerina ipepalem Paulus.
28:10 Melala iberekenna pemerena man kami. Janah
asum kami berkat erlayar icukupina kerina keperlun kami i tengah perdalanen.
Sumber photo : https://soundcloud.com/s4prayer3/paul-was-bitten-by-a-poisonous
Fakta Dan Makna
1. Ipepulung
Paulus ranting sada mberkis janah asum itamakenna ku bas api, ndarat sada nipe
upar i bas ranting e nari sabap melas iakapna jenari itagutna tan Paulus Perlu
kal siukuri mbages mbages kisah kegeluhen Rasul Paulus enda. Sangana ia terombang ambing idatas kapal,
tempa tempat lanai lit harapan selamat dungna terdampar ia ibas sada pulau si
tergelar Malta. Pulau e lit asa gundari
janah pe enggo cukup maju. Perban
mbergeh akapna, ipegara na atena api, tapi sanga ipegarana api, ndarat sada
ular berbisa (upar) ibas ranting e nari janah
janah itagutna tan Paulus. Nipe
sangat berbisa, janah penduduk Malta singidah kejadian enda mperkiraken Paulus uga pa pe mate man bisa nipe si she kal
hantuna e. Jenari mis ibas kalak Malta e
sada kesimpulan ibas pusuhna, bahwa Paulus sekalak pembunuh sebab kiam ia, tapi
nipe upar nagut ia. Emaka timai kalak
enda, katawari kari teparna, ras matena Paulus ban bisa nipe e. Usur kal kita mperkiraken, meramalken
kejadian si la mehuli, man kalak sideban. Si paling parah ka, dirinta pe usur
kal sisi negative nasi pebelin belin.
Janah usurka pe, penderitaan tah musibah kalak si deban sijadiken
tontonen man banta.
2. Tapi kenca ndekah itimaina janah
idahna maka Paulus la kaden pe e maka dungna erkusur ukurna, nina, "Ia
sekalak dewa kap." Paulus I kawali Dibata, janah kesah Si Badia ngarak
ngarak ia, emaka la kena kai pe Paulus aminna pe enggo tagut nipe upar Laut
Tengah, sebab Tuhan ngkawali ia. Perban
idah penduduk Paulus la kena kai pe, kupirkenna saja nipe upar e, emaka mamang kal ate kalak Malta, rempet nina
berguman kerina “Ia sekalak Dewa Kap”, sebab la enggo idahna selamat kalak si
tagut nipe upar. Jenari maka reh kekagumanna
man Paulus, tertunduk ia kerina bas pusuhna.
Mbiar pe deba nandangi “kesaktian” Paulus. Labo Paulus si sakti, tapi singkawali ia nge
si Mada Kuasa. Emaka labo Paulus ngenca
selamat itagut nipe berbisa. Tapi kerina kalak si tek ras ernalem man Tuhan
Yesus pasti ikawali Dibata ibas bisa bisa si paling mematikan si lit bas doni
enda. Amin senina ras turang ?
3.
Paksa
si e bapa Publius ampar i bas ingan medem, sabap panas dingen mesui beltekna. E
maka idahi Paulus ia ku bas kamarna. Ertoto Paulus man Dibata janah itamakenna
tanna ku babo si sakit e. E maka malem iakapna.
Paulus enggo teridah
iselamatken tah pe ikawali Tuhan, emaka ngataken bujur Paulus man Tuhan. Jenari
asum ibegina bapa Publius (pengulu setempat) sakit idahina ku kamarna ertoto
ia, itamakenna tanna ku babo si sakit e jenari malem ia. Mis mbar beritana, semakin sakti akap kalak
Paulus. Paulus jadi pasu pasu man bapa
Publius. Lit telu si idahiken Paulus
a.
Idahina
ku kamar si sakit e
b.
Ertoto
ia
c.
Tamakenna
tanna ibabona
d.
Malem
si sakit e
4. Kenca si enda rehen kerina kalak si
sakit i bas pulau e ndahi Paulus. Kerina ipepalem Paulus. Mbegi kejadian enda, rehen me kerina kalak si bas sakit Pulau e ndahi
Paulus, kerina itotoken Paulus, janah malem kal kerina. Emaka rukur kita janah siidah ijenda bahwa
Pertoton Paulus she kal gegehna, janah malem kerina kalak itotokenna. Pertoton emekap sada pemere si mbelinna, si
la terpesei ras sen, tapia di sibereken ku kalak si deban la lit rugita kai
pe. Notoken kalak, emekap sada pemere si
mbelinna bas geluhta. Tapi perlu siinget
bahwa labo Paulus si mpepalemsa, labo kita si mpepalemsa adi sitotoken kalak si
deban tapi TUHAN YESUS nge si mpepalem kerina kalak si itotoken kita e. Amin senina
ras turang ?
Pengkenaina
·
Mungkin nge la kam pernah totoken
kalak ? Tuhu nge adi ikatakan sada pe
labo pernah lit kalak notoken kam ? La
mungkin. Emaka situasi kegeluhen ta ibas
paksa enda, banci sialami kerina prestasi ras Kesehatan ibas geluhta erkiteken
kita pe pernah itototken kalak. Emaka
kita pe rutang notoken kalak si deban. Maridage
sitotoken kalak si deban, sisampati ia arah pertoton ta. Sue ras thma ibas berngi si pe 6 ken enda, Pertoton
ta jadi pasu pasu man kalak si deban. Amin ?
·
Adi ertoto kita ku Tuhan, tentu
syarat na tek kita ise kin Tuhan ta e.
Jadi Tuhan ta emekap Yesus Kristus, ku IA kita ertoto. Jadilah sesuai dengan imanmu nina kata kata
bijak, bage ka me pertotonta. Adi tek
kita man Tuhan Tuhan Yesus, emaka pertoton ta megegen ras jadi kenyataan ibas paksana. Indah pada waktunya. Mari dage tek kita man Tuhanta Jesus Kristus
si Melias si jadi penebus ta e. Amin.
Bujur ras mejuah juah kita kerina.
Pt. Analgin
Ginting
.jpg)
Komentar