Hari 4. Catatan Tambahan Pekan Doa GBKP 2023

 

Kotbah         : Keluaren 2 : 1 – 10  

Tema            :  Ersada Guna Nehi  Sura Sura Dibata   

 

 Keluaren 2 : 1 – 10

2:1         Sanga si e, sekalak suku Lewi erjabu ras sekalak diberu si sada suku ras ia,

2:2         jenari ipupusna me sekalak anak dilaki. Kenca idahna rupa anakna e mejile tuhu-tuhu, e maka ibunikenna telu bulan dekahna.

2:3         Tapi kenca lanai terbunikenca, ibuat nande anak e sada keranjang si ibahan i bas batang rengo nari, jenari ilapisina alu damar gelah ola ku bas lau. Itamakenna anakna ku bas keranjang e, jenari icibalkenna i tengah-tengah dukut si mbages i tepi Lau Nil.

2:4         I dauh-dauh nari tedis turang anak e ngenehen tah kai kari jadi man bana.

2:5         E maka reh me puteri raja ridi ku lau belin e. Sanga ia ridi, erdalan-dalan dayang-dayangna i tepi lau. Rempet idah puteri raja keranjang e i tengah-tengah dukut si mbages, e maka minter isuruhna sekalak suruh-suruhenna si diberu muatsa.

2:6         Italangi puteri raja keranjang e, idahna sekalak anak dilaki i bas. Tangis anak e, e maka mekuah atena. "Ugapa pe anak kalak Heber enda," nina.

2:7         Kenca bage isungkun turangna ndai puteri raja nina, "Ntah kulegiken atendu sekalak diberu bangsa Heber gelah ipepinemna anak enda?"

2:8        "Merandal, to legiken," nina. E maka lawes singuda-nguda ndai ndilo nande anak e.

2:9         Ikataken puteri raja man nande anak e nina, "Baba anak enda, pekena-kena, kubereken pagi upahndu." E maka ibabana ras ipekena-kenana anak e.

2:10      Kenca enggo cukup umur anak e, e maka itaruhkenna man puteri raja. Ibahanna jadi anak angkatna. Nina i bas ukurna, "Kuangkat ia i bas lau nari, e maka kubahanlah gelarna Musa."

Sumber photo : https://miriamscup.com/tanakh/

Fakta Dan Makna

1.    Sanga si e, sekalak suku Lewi erjabu ras sekalak diberu si sada suku ras ia jenari ipupusna me sekalak anak dilaki. Kenca idahna rupa anakna e mejile tuhu-tuhu, e maka ibunikenna telu bulan dekahna. Perikop sijadi bahasen tahpe renungen ta ibas berngi si peempatken enda emekap mengenai kisah kelahiran Musa ras uga ia selamat janah tading iistana Firaunn.   Lit piga piga sejarah ras dialog si sangat mendalam makna teologisna si banci jadi perenungenta terbagesen.  Bapa Musa siidah sekalak suku Lewi janah erjabu ras sekalak diberu si sada suku ras ia (lewi). Jenari ipupusna me sekalak anak dilaki.  Siidah ijenda adi tangtangna ibas perjabun nari pe enggo ia ngikutken Pedah Dibata, emaka jabu e tuhu tuhu ipasu pasu Dibata.  Tubuh anakna diberu ras dilaki, janah siidah ibas kisah berikutna, Musa  mengalami masa kecil si cukup mencekam, tapi Tuhan si ngkawalisa.   Patuhlah man ajaren orang tua si erpalasken keleng ate Tuhan Dibata emaka jabundu ipasu pasu Tuhan, janah iberekenNA  kam anak dilaki ras anak diberu Amin ?

 

2.    Itamakenna anakna ku bas keranjang e, jenari icibalkenna i tengah-tengah dukut si mbages i tepi Lau Nil I dauh-dauh nari tedis turang anak e ngenehen tah kai kari jadi man bana.  Rencana Tuhan lebih powerful, lebih erkuasa nandangi jabu si ikelengiNA.  Lit rencana si jahat ibas kerajaan Mesir nari nandangi anak anak kalak Heber.  Ija kerina anak anak dilaki   kalak Jahudi harus ibunuh, gelah ula nai tambah lalap beligan kalak Jahudi I Mesir. Tapi rencana Tuhan lebih berlandas kekelengen man bangsa pilihenNa.  Emaka selamat Musa aminna pe icibalken ia I tengah dukut dukut I tepi Lau Nil. Selamat Musa  sebab iidah Putri Raja anak sikitik e sanga ia ngandung, ras mekuah ate putri raja.  Tangisan anak anak adalah sinyal kasih sayang si seh  ku pusuh diberu/pernanden. Ise si petubuhsa nomor dua, tapi nomor sad ana, kerina anak anak kitik ngena ras mekuah ate kerina diberu si enggo dewasa.  Tangis anak anak e, la pe megangsa, tapi mis kin ngkenai pusuh penggejapen kerina diberu.  Mekuah ate Putri Raja, iangkatna Musa jadi anak na.  Tapi nggejap ka ia, maka bas ia lang abo lit ASI.

 

3.    Kenca bage isungkun turangna ndai puteri raja nina, "Ntah kulegiken atendu sekalak diberu bangsa Heber gelah ipepinemna anak enda? "Merandal, to legiken," nina. E maka lawes singuda-nguda ndai ndilo nande anak e  Aminna pe Musa ibaba Putri Raja ku Istana tapi nandena sendiri kang singasuhisa.  Sebab Putri tidak mempunyai ASI, si iperluken anak e gelah banci ia bertumbuh alu murni ras sempurna.  Berperan turangna (gelarna Miryam) nina man putri, enta ku dilo diberu si banci ngasuhi (mbere ASI) man anak e.  Lit kerja sama ras kerja Cerdas antara Nande  Musa, turangna ras puteri Raja, lako menempatkan nande Musa sendiri si mbere minem anak e.  Emaka Musa bertumbuh dengan sempurna jadi kalak Lewi ras ndatken ASI kalak Lewi. Sangat sangat jitu ras sangat sangat luar bias acara Tuhan nelamatken kalak Lewi, si ipilih pagi ertugas I rumah pertoton.  La erdahin kai pe, seakatanken ngelai ibadah I rumah pertoton.

 

 

Pengkenaina

·       Lit aturen aturen ibas peradaten perjabun kalak Jahudi.  Janah Kalak Lewi bapa Musa ras nande Musa , emaka Musa pe lahir sebagai kalak Lewi Tulen.  Ibas ketulenan Musa ije me ia iangkat Tuhan jadi pemimpin si bertugas maba Bangsana Jahudi ndarat I Mesir nari.  Musa kalak taat man orang tuana bagepe man seninana anak anak Firauan. Ketaatan anak anak man orang tua, tentu lit hubungenna man ketaatan orang tuana nai man orang tuana ka.

·       Tuhan nelamatken Musa alu menciptakan Kerja Sama antara Miryam turang Musa, Puteri Raja ras nande Musa.  Usur si tolak dahin pelayanan e sebab ninta la aku ngasup, la aku beluh ninta.  Tapi TUhan nampati dahin pelayanan anak anakNa si taat alu menciptakan kerja sama ras kalak si deban.  Adi Tuhan si ngerancangsa ras kalak kai pe, suku kai pe banci ibahan kerja sama.

·       Selaku kalak Kristen si ikelengi Tuhan, harus sitanemken bas pusuhta bahwa ras kalak kai pe, bangsa kai pe, suku kai pe banci kita bekerja sama ras membangun Kolaborasi.  Emaka adi mesera siakap kerja sama kalak sideban, pindo man Tuhan gelah Ia si ngerancang kerja sama, kolaborasi ta ras ise pe. Amin ?

Bujur ras mejuah juah kita kerina.

Pt. Analgin Ginting