Masmur 25 : 21
Thema : Kiniulin Ras Kebujuren
Masmur 25 : 21
Bahasa Karo
25:21 Kiniulin dingen kebujurenlah si ngkawali aku,
sabap aku ernalem man baNdu
Fakta Dan Makna
1. Nas enda merupakan sada pengakun Pemasmur. Baca ayat
enda 2 tah 3 kali, 4 kali erjilena. Kenca bacandu kai bentuk kalimatna, pertanyaan,
pernyataan tah pengakun ? Payo sada
pengakuun, bahwa kiniulin ras kebujuren nemani / ngkawali pemasmur. La
melala kalak ngaku, sebab lalan nge si la mehuli ras si la bujur
idalankenna.
Sumber Photo : https://www.youtube.com/watch?v=vcVp7HvMRbU
2.
Iakukenna maka
ia kalak mehuli ras bujur. Biasana kalak ipaksa ngakuken si la benar, si
la mehuli si la bujur idalankenna. Ngaku Ko, enggko nangkosa ma payo , ue pak
silap aku, nina ngaloi. Adi nggit ngakuken si la mehuli, pe dungna jadi
mehuli kalak e, apalagi adi ngaku
erbahan si mehuli, tentu kiniulinna berlapis lapis. La piga kalak pang ras nggit ngakui
perbahanenna, ngakui ise ia secara proaktif.
Ije me bedana Masmur enda ndai, iakukenna kiniulin ras kinibujuren si
enggo ilakokenna. Ise kin si bagenda jelmana
? Pasti ia manusia sibujurna, emaka sada
ngenca si pantas ngakuken kiniulin ras kebujuren si enggo idalankenna ras sada
pe la lit kalak pang nimbaksa. Ia me Jesus kristus Tuhan. Pemasmu nuliskensa, sindalankensa Jesus
Kristus. Oh Amin Haleluya.
3. Janah isaksikenna maka kiniulin ras kebujuren e kap
jadi pengawal situhu tuhu. Kiniulin erbuah ken rasa aman dan nyaman. Bahkan keselamatan.
Nina pemasmur ibas kesaksin geluhna, maka kiniulin + kinibujuren e si ngkawali ia situhu tuhuna.
Terkawal ia perbahan mehuli ras sibujur perbahanenna ras perukurenna. Enda jadi sada teologi situhu tuhu bahwa la
perlu kita pengawal sideban, tapi kinibujurenta ras kiniulinta nge akhirna
memberikan keamanan paling tinggi, bahkan keselamatan paling abadi man sekalak
jelma. Adi mehuli ras bujur siban man kerina
kalak, tentu la lit alasen kalak rate segat, rate benci, rate cian nandangi
kita. Adi si pelebe lalap kalak sideban,
kita si arah pudina, ma lanai lit siterpudin ?
Sada bentuk kiniulin emekap rendah hati,
ibas kinata nggeluh kalak si rendah hati la lit alasan kalak sideban rate segat nandangi ia. Nelson Mandela, Mother
Theresia banci sijadiken contoh kalak mehuli bas doni enda. La lit musuhna, la lit imbangna. Sanga ia mate pe, kerina jelma seluruh dunia ikut berduka
cita.
4. Sumber Kiniulin ras krebujuren e emekap ernalem man
Tuhan. Sada rahasia itulisken bas nas enda, bahwa Tuhan ngenca sumber kiniulin
ras kinibujuren. Adi niat diri sendiri,
pasti terbatas ibas ego, Mehuli akapndu,
kai dasarna, kemungkinen besar dirindu sendiri.
Kecenderungen manusia erbahan dosa nge, erbahan si la bujur ras si la
mehuli. Emaka nina Rasul Paulus, lanai
lit si bujur sada pe lang, Sebab kerina manusia lebih mementingken diri
sendiri. Emaka kalak si mehuli ras bujurn
idah kami lit 4 syaratna
·
Tek ku
Tuhan
·
Meteruk
ukurna iadep adepen Tuhan, emaka ngendes ras mindo kiniulin ras kinibujuren
lalap ia ku Tuhan.
·
Konsisten
ia ndalankensa bas geluhna tep tep wari.
·
Segera ia ngakui salah ras lepak ku Tuhan adi gejapnya ia erbahan si la mehuli ras si la
bujur.
Pengkenaina
·
Kalak bujur ras kalak mehuli emekap
kalak si nggit ras pang ngakuken kiniulin
ras kinibujuren ibas geluhna. Ula
mela ngakui kebujuren ras kiniulin Emaka
mari ukuri ras dalanken lah kiniulin ras
kebujuren e, ia kari dungna singkawali kita ibas situasi si mberatna kal. Integritas akan menyelamatkan orag yang
menjalankannya.
·
Tuhan sumber kinibujuren ras
kiniulin. Dahi usur Tuhan, bas PJJ, PA kategorial, ibadah Minggu alu
mbereken kewajiban kewajiban. Ula pernah
si lupaken erpengendes ku Tuhan gelah lalap kita ibabaiNA ras ipengasupNa
ndalanken kiniulin ras kebujuren,
·
Kai pe risiko ibas ndalanken
kebujuren ras kiniulin ula mbiar, sebab Tuhan Yesus sigkawali. Kalak mehuli ras bujur pasti menang pada sesi
terakhir. Kalak si menang sesi terakhir ia memenangkan kerina pertempuren. Amin
Bujur ras mejuah juah kita kerina.
Pt. Analgin
Ginting.
.jpg)
Komentar