Hari 1
Kotbah : Masmur 122 : 1 - 9
Tema : Ertoto Kerna
Rarasen Dibata
Masmur 122 { 1 – 9
122:1
Si Daud empuna. Meriahlah kal ukurku tupung aku iiahken kalak nina, "Ota
kita lawes ku Rumah TUHAN ."
122:2
Genduari enggo kami i je, tedis i pintun gerbang
Jerusalem.
122:3
Jerusalem e me kap sada kuta si enggo ipekena mulihi, alu susunen si mehuli
dingen serasi.
122:4 Ku je me reh kerina suku-suku. Kerina suku-suku TUHAN , ngataken
bujur man TUHAN sue ras si iperentahkenNa.
122:5
I jenda nari me raja-raja Israel, ngerunggui kerina
rayatna.
122:6
Ertotolah gelah Jerusalem dame, "Mejuah-juahlah kalak si erkeleng ate man
bandu.
122:7
Damelah i bas benteng-benteng enda, dingen litlah ketenengen i bas
istana-istanandu."
122:8
Erkiteken kade-kade dingen teman-temanku, ningku man
Jerusalem, "Dame man bandu."
122:9 Erkiteken
Rumah TUHAN , Dibatanta, ertoto aku gelah senang ka
Sumber photo : https://allsaintsparishchurch.org/sermons/psalm-122-longing-for-the-house-of-the-lord/
' Fakta Dan Makna
1.
Genduari enggo kami i je,
tedis i pintun gerbang Jerusalem . Raja Daud meriah kal akapna seh ia I Jerusalem. Emaka kenca ia seh ia I pintun Gerbang
Jerusalem, ipesehna penggejapenna.
Engkai maka meriah ukurna, sebab Jerusalem itandai Daud sebagai Ruman
Tuhan. Jerusalem e ibegi Daud, maka
sebutanna Ruman Tuhan. Bengket ku
Jerusalem, berarti . Jumpa Ras Tuhan,
labo secara fisik jumpa, secara spirit tahpe Roh. Em palasna ertoto, bahwa ertoto jumpa ras
Tuhan secara Roh. Kerina kalak si jumpa
ras Tuhan tentu meriah ukurna. Adi lit
kalak la meriah ukurna, berarti la ia nandai Tuhan, atau pe akapna kin Tuhan e
musuhna. Iblis ngenca akapna Tuhan
musuhna.
2. I
jenda nari me raja-raja Israel, ngerunggui kerina rayatna.. Jerusalem she
asa gundari ijadiken gelarna Kota suci, janah Daud nge mertegas sa maka I Jerusalem
nari me raja raja Israel ngerunggui kerina rayatna. Artina I Ruman Tuhan nari me raja raja /
pemimpin pemimpin Israel ngerunggui rakyatna.
Pemikiren manusia harus dibawah pemikeren TUhan, ibas negrunggui
rakyat. Pemikiren TUHAN harus lebih
tinggi asangken pemikiren sekalak bapa ibas ia memimpin jabuna. Pemikiren TUHAN harus lebih tinggi asangken pemikiren
pertua, diaken pendeta ibas ia ngerancang
Program program
runggunna, program program klasis, program program Moderamen. Uga ndatken pemikiren TUHAN .
· Usur bergaul ras TUHAN
· Usur ertoto ku Tuhan
· Terampil mbegi ras nandai sora TUHAN
· Sura sura na enggo ersada ras sura sura TUHAN
3. Erkiteken kade-kade dingen teman-temanku, ningku
man Jerusalem, "Dame man bandu." Adi senang ukurta ise si ringan ibas perukurenta ? Tentu keluarga ta
ras teman teman ta. Bageme pe si
gejapken Daud. Iengetna teman
temanna. Temanna nge tangtangna si
ngiahken Daud ku Jerusalem (ayat 1) emaka kenca meriah ukurna jumpa ras Tuhan I
rumah pertoton Tuhan I Jerusalem, Pertoto ingetna teman temanna ras keluargana. “Erkiteken kade kade dingen teman temannku,
ningku man Jerusalem “Dame man bandu” .
Pertoton e erhulina adi senang teman temannta. Teman teman ta ras kade kade ta e senang adi
jumpa ka ia ras Tuhan ibas petotonna. Jadi
perlu kita notoken teman teman ras kade kadenta. Eme rarasen Dibata. Notoken Rarasen Dibata jadi sada keriahen
situhu tuhu kali bas geluh ta enda. Amin
?
Pengkenaina
·
Ertoto perlu lit ingan si Badia.
Emaka pesikap lah sada ingan bas dirindu inganndu ertoto. Janah bas ingan e, bage kam kubas mis kal ingetndu
TUHAN DIBATA. Jumpa naring kin akapndu
mis adi kuje kam. Secara spesifik tentu
gereja ikataken rumah pertoton. Jadi banci
ka siban sada ruangan I rumahta ingannta ertoto. Ninta ija nari pe banci kita ertoto, tapi ma
labo ka ibas WC nari kita ertoto ? Sipilih ras si badiaken lah ingan e.
·
Ertoto Memerluken rarasen. Kita kerina saling membutuhkan ibas ertoto,
emaka perlu kal kita saling mendoakan.
Tuhan Yesus sendiri pe perlu kali IA dukungan ajar ajarna sanga IA
ertoto I Getsemane. Tentu kita pe bage.
Saling mendoakan kita kerina.
Sepuluh kalak anggota Moderamen
ta, perlu kal saling mendokan, ditambah doa doa kerina jemaat GBKP.
·
Ertoto Nggejapken Pemere Tuhan. Ibas
ertoto sigejapkenkal pemere ras keleng
ate Tuhanta nandangi kita, emaka perlu kal ngataken bujur ibas ertoto e.
benaken lah pertotonta alu mpeseh pengataken bujurta man TUHAN. Amin.
Bujur ras mejuah juah kita kerina.
Pt. Analgin
Ginting
.jpg)
Komentar