Passion III/
Reminiscere: Ingetlah Min Perkuah Atendu o Jahwe
(Rupa Liturgi : Ungu )
|
Invocatio
|
Ingetlah o TUHAN
perkuah ateNdu ras keleng atendu si tetap, si nai-nai nari icidahkenNdu.Masmur
25 : 6
|
|
Ogen
|
Yunus 2 : 1- 7
|
|
Khotbah
|
Lukas
18 : 31 – 34
|
|
Thema
|
Tetap Ukur
Mengketi Kiniseraan
|
Lukas 18 : 31 – 34
18:31 Idilo
Jesus ajar-ajarNa si sepuluh dua kalak, jenari nina, "Begikenlah! Genduari
kita i bas perdalanen ku Jerusalem. I je me pagi jadi kerina si enggo isuratken
nabi-nabi kerna Anak Manusia si isuruh Dibata.
18:32 Sabap Ia pagi iendesken man kalak si la nandai Dibata.
Isaling-saling kalak e pagi Ia, igombang-gombangina janah icidurina.
18:33 Iligasina jenari ibunuhna Ia, tapi
i bas wari peteluken nggeluh Ia mulihi."
18:34 Bage gia labo iangka ajar-ajar kai si ikataken Jesus. La
tangkas man bana erti kata e, e maka labo iangkana maksud Jesus
Sumber photo : https://images.knowing-jesus.com/i/luke-18-31-all-things-concerning-the-son-of-man-shall-be-accomplished-white-9740
Pembukaan
Syaloom senina ras turang ibas kekelengen
Tuhan ta Jesus Kristus. Banci kin
sielakken kiniseran ibas kita nggeluh I doni enda ? Janah gelah kita banci megegeh ngalaken
kiniseraan e uga harus sibahan ? Mari
sinen terdauhe arah ayat renungenta ibas minggu enda. …
Fakta dan Makna
1. "Begikenlah!
Genduari kita i bas perdalanen ku Jerusalem. I je me pagi jadi kerina si enggo
isuratken nabi-nabi kerna Anak Manusia si isuruh Dibata. Lukas
menuliskan Tuhan Jesus menyampaikan sebuah info sekaligus ras persinget man
murid muridNA alu nuansa si sangat serius :”Begikenlah” Ertina fokuslah, kosentrasilah, tadingken
kerina pemikiren pemikiren si deban.
Persinget enda ikatakan Jesus tupung Ia ras murid muridNa ibas
perdalanen ku Jerusalem. Berarti tading
piga piga jam nari enggo me ia seh I Jerusalem e. Kai kin sikataken Jesus, hal si super penting
e ? Ikatakan Jesus, I je me pagi (I Jerusalem) jadi kerina si enggo
isuratken nabi nabi kerna Anak Manusia si isuruh Dibata. Jadi ertina
terlaksana, nyata bage, kerina si isuratken Nabi Nabi, perkataan nabi nabi
labo reh ibas perukurenna nari tapi ibas Dibata Nari. Tentang kai ? Tentang Anak Manusia si isuruh
Dibata. Jelas kalimatna, tapi mesera kal
ngangkaisa. Turah bas pemikirenta, banci
kin manusia (nabi nabi) ngeteh rencana DIBATA, kerna DIBATA (Anak Manusia Si Isuruh Dibata) ? banci adi kai si lit bas pemikiren nabi e reh
ibas TUHAN nari. Dung na payo kal kai sikatakan Jesus (mengutip) tentang perkataan
nabi nabi tuhu bage. . Emaka sada fakta paling penting sisuanken bas bas
pusuhta sekalak sekalak, bahwa nabi nabi
bagepe kerina manusia banci ngeteh rencana Dibata bas doni enda, adi
Dibata singataken sa kubas diri manusia e. Banci kin rencana gereja tah pe program
gereja isusun sue ras rencana Dibata? banci. Adi kerina pempimpin gereja tah pe
serayan Dibata ndatken ide, gagasan, kejelasan ibas Dibata Nari. Tapi pe banci ka nge program program e, lebih
dekat kubas pemikiren ras kebeluhen manusia e saja. Adi bage kerina kita, khusus na pemimpin
pemimpin gereja ta perlu kal ndatken rencana Dibata. Pindo man Dibata, kai
rencanana nandangi sector pjj ta, runggun ta, klasista, bagepe moderamenta.
Amin ?
2. Sabap
Ia pagi iendesken man kalak sila nandai Dibata. Isaling-saling kalak e pagi Ia,
igombang-gombangina janah icidurina. Iligasina jenari ibunuhna Ia, Dua Substansi
siikataken Jesus man murid muridNA emekap, (1) Ia pagi iendesken man kalak si
la nandai Dibata. Engkai maka IA
iedesken man kalak si la nandai Dibata, gelah IA I saling salingi (iejek, I
bully), igombang gombangi, iciduri pe, iligasi jenari ibunuh. Kerina enda ilakukan kalak si la nandai
Dibata, untuk mementahkan, untuk menegasiken, untuk mengaburken, untuk
menghilangkan untuk meniadakan KETUHANAN ibas diri Anak Manusia e. Untuk membuktikan bahwa Anak Manusia e,
tetap HANYA manusia, tetap hanya sekalak si labo TUHAN. Gelah alu bage, kai sienggo ilakukan kalak
Jahudi (pemimpin pemimpin / imam imam Jahudi) sudah benar, sudah tepat. Jesus (Anak Manusia) iperlakukan sebagai
orang yang paling hina, paling terkutuk, dituduh menghujat Tuhan, petua tuaken (“katakenNa
ka IA me TUhan e). Emaka labanci lang
harus iukum kalak sibagenda. Emaka uga kin perlakuan si paling hina man sekalak
manusia, bageme ilakukan anak manusia si la nandai Dibata, man Anak Manusia si
Isuruh Dibata. Gundari siidah /sibegi
payo kal enggo bage terlaksana. Tapi
selaku kalak sinandai DIbata, harus sigejapken ras si sadari kal bahwa kerina
si ilakukan Jesus ibas geluhNa, emekap ibas misiNA ndalanken SI Isuruh Dibata
Bapa, lako nyelamatkan manusia perdosa (kam, aku ras kita kerina.) Jadi siidah
ibas perikop enda maka lit dua tandana dosa manusia e… 1. La gejapna dosana nge
si itanggung Tuhan Jesus e (kerina kita manusia contohna) 2. la itandaina Jesus
selaku Tuhan, emaka icidurina, isaling
salingina, iligasna, isiksana ras pe ibunuhna Jesus Kristus e (imam imam ras raja, peimpin si ikut ngadili
ras nyiksa Jesus). La nandai Jesus, tah pe
la nggit nandai Jesus selaku Tuhan adalah dosa (atau akibat dosa). Emaka mari iusahakenkal sekalak sekalak kita
si tandai Jesus selaku Tuhan.
3. Tapi
i bas wari peteluken nggeluh Ia mulihi. Substansi si peduaken
emekap Tuhan Jesus e tuhu terbunuh, mate Ia, tapi dungna keke ibas si mate nari
ibas wari sipeteluken. Puncak kerina penyiksaan, penghinaan,
bully, saling saling, ate segat emekap mematikan kalak e. Puncak penderitaan kerina manusia, termasuk anak
Manusia e emekap mate IA. Kematen adalah
akhir kerina singgeluh. Tapi kai jadi
dungna ? Jesus Tuhan keke ibas si mate nari ibas wari peteluken. Adi bage ise si talu ? Manusia si la nandai Dibata tah Manusia si
isuruh Dibata. Jawab ta seri pada
akhrnya, manusia si Isuruh Dibata eme si menang. Kemenangan sipemena ibas kematen nari idatken sekaligus ibuktiken
Jesus Kristus tah pe Anak Manusia si Isuruh
Dibata. Kemenangan berikutna iberekenNa
man kerina singikutken IA. Ijenda baci
siidah dua makna teologis na :
a. Anak
Manusia si isuruh Dibata banci mate (banci nangaloken kematen) tai TUHAN JESUS
lA BO BANCI MATE. Emaka adi lit kalak
singatkensa bahwa Jesus Labo Surung mate, janah labo Jesus si isalibken I kayu
persilang salah pernyataan enda. Sebab la itandaiNA isekin situhu tuhuna kal
Tuhan Jesus e. JESUS KRISTUS eme Manusia
100 persen ras TUHAN 100 %. Selaku TUHAN
la kin Ia banci mate, tapi selaku manusia Ia banci mate. Sanga TUhan ta Jesus Islibken IA mate ije
istegasken kemanusiaanNA. Sanga IA geluh
mulihi ije ibuktiken Jesus Kristus TUHAN 100%.
Kematen ras kekeken Jesus membuktikan Jesus e manusia 100% ras TUHAN
100%
b. La
hanya Jesus Kristus si ngenanami KIniseran tapi la talu, tapi kerina manusia. Kita pe sada paksa pagi ikut isiksa, I bully,
I fitnah, iciduri dingen ibunuh. Tapi la
erbanca kita talu, justru eme jalan kubas kemenangan. Amin ? Kerina kalak si tek man
TUHAN JESUS selaku TUHAN, maka IA iselamatken alu iman na nandangi TUHAN JESUS
e. Ula pahami Jesus Tuhan ta e hanya
sebagai ilmu pengetahuan saja. Ula
ikuti seminar, ikut pjj, ikut PA kategorial hanya sekedar nambah wawasan
4. Bage
gia labo iangka ajar-ajar kai si ikataken Jesus. La tangkas man bana erti kata
e, e maka labo iangkana maksud Jesus. Lit paksa kerina murid murid kemamangen,
heran, tak mengerti, kerna perkataan Jesus.
Tapi dungna iantusina alu tangkas, seh maka kerina murid murid pe
ngalami kai sialami Tuhan Jesus. Emaka
adi lit si langa iangkandu kerna kiniteken ku TUHAN JESUS e, ula kam surut,
tapi ikuti ras dalanken kai kata TUHAN e, arah e kam ras pe kita kerina ibabai
TUHAN JESUS alu Kesah SI Badia lako ngangkaisa.
Amin ?
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Kiniseraan
bas doni enda man anak anak Dibata labo perlu ielakken (tapi ula ka darami,
hahahah) sebab labo banci ia gegehen asangken Kekelengen Tuhan Jesus e. Emaka bicara uga pe suina, latihna, melingna, dingen keri
ka kita ibas kita konsisten ngikutken Tuhan ta e, maka la banci menang
kemenangen e. labo banci menang si iblis
e nandangi TUHAN ta e. Tetap kita
ikawaliNA, isampatiNA. Amin ?
2.
Erlebuhlah
katawari pe man TUHAN SAJA. Bagi thema ta sekalenda Tetap Ukur Mengketi
Kiniseran, gelah tetap ukurta TUHAN JESUS sibahan penampatta alu erlebuh ku
IA. Adi gegeh ta selaku manusia ngenca
sibahan talu kita. Adi emosi ta sibahan ngelawan kalak si merawa
nandangi kita, nandangi kalak si nokohi kita, latih kal siakap. Lebuh TUHAN, sitotoken ka kalak si nokohi kita
e, ije erdahin Kesah Si Badia e, isampatiNA kita janah kalak sinokohi ndai pe
isadarken TUHAN. Mon mon penderitaan ta
tahpe kiniseranta ipake TUhan lako ngajari kalak sideban. Hidup memang misteri ya.
PENUTUP
Mari
siendeken ras sihayati kal KEE NO 68 ayat 1 saja
Dahindu si mbelin Tuhan, Kerajang kami pe
Ban Kam si mada kerajan la masal lalap e
Tapina bagi page me Gelah Ersuli turah pe
E Mate kap benih lebe bagepe kami krina nge
Nggit mate pe, lah turah page nge
. Bujur Ras mejuah juah kita kerina
Pt Analgin Ginting
.jpg)
Komentar