1 Korintus 15 : 3 – 7
Thema : Jesus Keke Ibas Si Mate Nari
1 Korintus 15 : 3 –
7
Bahasa Karo
15:3 Si pentingna kal enggo kupeseh man bandu, e me kai
si enggo kualoken: maka Kristus enggo mate erkite-kiteken dosanta, bagi si
tersurat i bas Pustaka Si Badia.
15:4 Maka Ia enggo
ikuburken, jenari i bas wari si peteluken ipekeke Dibata Ia i bas si mate nari,
sue ras kesaksin Pustaka Si Badia.
15:5 Maka Ia enggo encidahken diriNa man Petrus, jenari man rasul
si sepuluh dua kalak.
15:6 Kenca si e icidahkenNa diriNa man ajar-ajarNa, teremna lebih
lima ratus kalak si sangana radu pulung kerinana. Ajar-ajar e teremen denga
nggeluh seh asa genduari, janah piga-piga kalak denga ngenca si enggo mate.
15:7 Jenari icidahkenNa diriNa man Jakup, bage pe man kerina
rasul-rasulenda.
Sumber photo : https://garydavenport.org/2022/03/24/11406/
.
Fakta Dan Makna
1. Si pentingna kal enggo
kupeseh man bandu, e me kai si enggo kualoken: maka Kristus enggo mate
erkite-kiteken dosanta, bagi si tersurat i bas Pustaka Si Badia. Lit berita si penting, si
sangat penting ras si kurang penting tah pe la penting. Ibas jaman 5.0 enda, berjuta juta informasi
isuguhken man kita kerina tiap tiap wari.
Tentu kita harus bijak/ pentar untuk menseleksi apai berita si penting
man banta. Ibas bahan PJJ nta minggu
enda, ikatakan Paulus man jemaat
Korintus berita si sangat sangat penting si perlu kal man kerina kalak
Kristen. Kai berita si penting e? Nina
Paulus bahwa berita si seh kal pentingna emekap “Kristus enggo mate erkite
kiteken dosa manusia, bagi si tertulis ibas Pustaka Si Badia.” Dua penekanan ibas bagian enda, Sipemena emekap Kristus enggo mate
(tuhu tuhu mate, labo igantiken kalak sideban si seri tempas na ras Ia)
erkiteken dosa manusia. Apa dan mengapa sekaligus
dua duana lit ijena.
·
Apa ? Kristus Enggo Mate (Fakta 1)
·
Mengapa?. Karena dosa manusia (Fakta
2)
Penekanan dipeduaken emekap Paulus ibas
mpeseh sa, ialokenna lebe berita enda, irenungkenna secara mendalam janah
tek kal ia. Emaka ibas penekanan
sipeduaken e, perlu kal kita tuhu tuhu merenungkan secara mendalam. “Adi enggo kam tek Kristus e enggo mate
erkiteken dosa dosanta, kai selanjutna makna na man bandu “ Kai atendu ibahanndu adi enggo ialokenndu
bahwa Kristus e enggo mate ? Ope denga
jawabndu, ma eggo me gejapndu bahwa Kristus e mate erkiteken dosa dosa manusia,
terlebih dosa ndu ?
2.
E Maka Ia enggo ikuburken,
jenari i bas wari si peteluken ipekeke Dibata Ia i bas si mate nari, sue ras
kesaksin Pustaka Si Badia jujur. Uga
kin kebiasan ibas kalak si mate, bage ka me ialami (ibahan man Kristus)
ikuburken ia. Turi turin kerna
penguburen Jesus ma terang denga ingetndu ?
Jusuf Arimatea ras Nikodemus dua kalak enda si menghadap Herodes gelah
banci ibuatna Mayat Jesus Kristus ibas salib nari, jenari ikuburken na ibas sada
kuburen (Lubang Batu) si empuna Jusuf Arimatea enda. Substansi berita enda emekap, Kekeken Kristus
ibas si mate nari ibas wari peteluken. Jesus
enggo mate, tapi wari peteluken keke Ia ibas si mate nari. Keke ibas si mate nari enda sada peristiwa si
sangat sangat aneh ibas pengalaman empirik manusia. Langka kal kejadian
sibagenda. Tapi bicara lit pe pernah
sibegi kalak mate ipekeke, enda pasti lit hubungenna ras Jesus Kristus. Kristus
Jesus pernah mpekeke Lazarus ibas si mate nari.
Petrus pernah mpekeke Tabitha ibas si mate nari. Petrus
e murid si sangat dekat ras Jesus Kristus. Enda me fakta, si lanai perlu isangsiken
kerina kalak Kristen pengikut setia Jesus Kristus. Enda aneh ras sangat tidak masuk diakal ibas
kebanyakan manusia si lebih banyak mengandalkan logika na. Man Kalak Kristen, la perlu merasa aneh sebab
situhuna enggo leben ituriken Tuhan Jesus kerna kekekenNA e asum ia nggeluh
denga. Jadi adi melala kalak si la
tek, janah isusunna ka narasi guna
pembenaran bahwa labo mungkin bage, atena je.
Mekuah kal ateta. Janah kalak si
tek Jesus enggo keke ibas si mate nari, situhuna TUhan Jesus nge si enggo nerangi perukurenna maka iantusina
ras tek ia. Kam uga ? Ma labo nina kalak Jesus e enggo keke ibas si
mate nari ? Nindu gia ?
3. Maka Ia enggo encidahken
diriNa man Petrus, jenari man rasul si sepuluh dua kalak . TUhan ta Jesus e igejapna kal maka mesera kal manusia
tek kerna kekekenNA. Emaka ope denga IA
nangkih ku surga, iaturNA lebe sada aktivitas gelah Tek Manusia bahwa IA enggo
Keke ibas si mate nari. Mula mula man
Petrus ituduhkenna diriNa enggo keke, jenari man dua kalak murid si sanga
erdalan ku Emaus, jenari man ajar ajar (rasul ) si sepulu dua, jenari man lebih
500 kalak si sanga pulung enterem.
Jenari man terbuen ras terbuen.
Janah gundari enggo milyaran manusia si tek Jesus Kristus enggo keke
ibas si mate nari. Kam uga teman, kam
gia ma tek ras la lit sangsindu bahwa Jesus Kristus enggo keke ibas si mate
nari. Emaka Tuhanta e nggeluh asa
gundari. Adi pemimpin tah nabi agama si
deban enggo mate kerina. Dagingna e
enggo deba ipangani cacing peh. TUHAN ta
sanga cirem natap kita kerina I Surga nari. Amin ?
Pengkenaina
·
Mari sipegegeh tah si pepaguh kinitekennta bahwa Jesus Kristus e enggot mate erkiteken dosa dos
anta kerina. La lit alasen IA iukum
situhuna sebaba kidekah Ia nggeluh bas doni enda, perbahanan si mehuli nge
lalap idalankenNA. Jadi alasan si paling
logis engkai Ia mate emekap, erkiteken nanggung dosa dosa manusia. Kalak si salah IA iukum. Emaka mari sitanamken ibas pusuhta, Kristus mate
erkiteken dosa dosa ngku, ninta.
·
Fakta si sipeduaken Kristus e enggo
keke ibas si mate nari. Janah Kristus e
enggo nangkih ku surga. Kristus keke ibas
si mate nari, emaka kerina kalak si tek pe ipekeke ka kari seri ras Kristus. Amin ? Emaka
sangat kal kita kerina si ipilih tek maka Kristus e enggo keke ibas si mate
nari. Janah adi kita tek, dingen
ipegeluh, ija pagi kita nggeluh kenca enggo mate ? Enggo sikap kal ibahan TUhanta Jesus. Amin.
Bujur ras mejuah juah kita kerina.
Pt. Analgin
Ginting.
.jpg)
Komentar