2 Kronika 31 : 4 – 12
Thema : Mere Persepuluhan
2 Kronika 31 : 4 –
12
Bahasa Karo
31:4 Tambah
si e, ikataken raja man kalak si ringan i Jerusalem gelah iberekenna
persembahen-persembahen si jadi bagin imam-imam ras kalak Lewi, gelah alu bage
banci iendeskenna dirina ngidangi TUHAN rikutken si tersurat i bas
Undang-undang TUHAN .
31:5 Kenca perentah enda ndai imomoken, e maka kalak Israel
maba pemerena man imam-imam e me: gandum si mejilena, anggur, minak saitun,
tengguli ras ulih juma si deban. Bage pe man kalak Lewi iberekenna sepersepuluh
i bas kerina si lit i bas ia.
31:6 Kerina
kalak si ringan i kuta-kuta Juda maba sepersepuluh i bas lembu ras biri-birina
bage pe melala ibabana pemere si ipersembahkenna man TUHAN Dibatana.
31:7 Pemere
e mulai rehen i bas bulan si peteluken janah lalap reh empat bulan dekahna.
31:8 Tupung
Raja Hiskia ras pegawaina ngidah kuga buena si enggo ibereken rayatna ipujina
TUHAN dingen ipujina bangsaNa Israel.
31:9 Asum
raja ercakap-cakap ras imam-imam bage pe ras kalak Lewi kerna pemere-pemere
enda,
31:10 nina
Asaria, Imam si Mbelin kesusuren Sadok man raja, "Kenca enggo mulai rayat
maba pemerena ku Rumah Pertoton enggo bias nakan kami janah melala denga ibana.
Si enda kerina jadi erkiteken TUHAN enggo masu-masu bangsaNa."
31:11 Sue ras perentah raja, ibahan kalak enda gudang i
sekelewet Rumah Pertoton e,
31:12 dingen itamakenna kerina pemere ras
persepuluhen e i je guna isimpan. Itugaskenna Konanaia kalak Lewi, ngawasisa janah agina Simei jadi
pembantuna
Sumber photo : https://discover.hubpages.com/religion-philosophy/Faith-To-Give-The-Lord-His-Due
Fakta Dan Makna
1. Tambah si e, ikataken raja man kalak si ringan i
Jerusalem gelah iberekenna persembahen-persembahen si jadi bagin imam-imam ras
kalak Lewi. Raja secara kongkrit teridah ikut membantu dahin imam, alu nuruh kerina
rakyatna mereken persembahan. Batas
antara kerajaan ras Lembaga keagamaan tupung si e sangat sangat dekat ras erat, dingen
saling mndukung bage pe saling membutuhkan.
Raja bertanggung jawab untuk mabai rakyatna guna nggeluh secara damai
ras sejahtera menurut ukuran doni (manusia) janah Imam bertanggung jawab mabai
jemaatna guna nggejapken bahwa Lit Tuhan Dibata singatur kerina kegeluhen ras
simbereken kerina kebutuhen geluh bas doni enda. . Masin kata raja, tersampat kegeluhen Imam,
ermulia Tuhan.
2.
Kenca
perentah enda ndai imomoken, e maka kalak Israel maba pemerena man imam-imam e
me: gandum si mejilena, anggur, minak saitun, tengguli ras ulih juma si deban.
Bage pe man kalak Lewi iberekenna sepersepuluh i bas kerina si lit i bas ia. Kenca
perentah imomoken, kerina kalak Israel maba pemerena man imam-imam, antara gandum
ras anggur si mejilan bagepe minak saitun, tengguli ras ulih juma si
deban. Gandum Si mejilena, ertina lanai lit
pe sitik keraguan ras kerakusan bas kalak Israel lako mere kebutuhen nggeluh
imam imam. Perentah Raja sejajar ras perentah Imam, janah eme igejapken kalak Israel
perentah Tuhan sendiri. Bahkan kalak
Israel mengerti, menyetujui, ras pe melaksanakan mbereken 10 % ibas kerina si
lit ibas ia man kalak Lewi. Luar
biasa.
3. Kerina kalak si ringan i kuta-kuta Juda maba
sepersepuluh i bas lembu ras biri-birina bage pe melala ibabana pemere si
ipersembahkenna man TUHAN Dibatana Ternyata la hanya Kalak Israel , tapi kerina
kalak si ringan I kuta Juda maba sepersepuluh ibas lembu, biri biri, bagepe
melala ibabana pemere si ipersembahken man Tuhan Dibatana. Tergejap man kita arah imaginasi ras
inspirasi si terbit ibas kita ngoge ayat enda bahwa mbereken 10 % ibas kinilitenta
ras pe maba persembahan man Dibata adalah sebuah sukacita. Mbere persembahan adalah sukacita, mbereken
persepuluhan adalah sukacita. Atau pe,
kalak simbereken persepuluhan adalah kalak sinandai tuhu tuhu Dibata.
Emaka erkiteken itandaina Dibata e, ibabana persepuluhenna, janah
tercipta rasa Bahagia ibas dirina. Adi
jarang akapndu damai ras meriah ukur bas geluhndu, bereken persepuluhenndu
jenari maka pasti senang pergeluhndu.
Kalak Israel enggo ngenanami sibage rupana.
4. Sue ras perentah raja, ibahan kalak enda gudang i
sekelewet Rumah Pertoton e, dingen itamakenna kerina pemere ras persepuluhen e
i je guna isimpan. Ternyata dampak pengumuman raja, maka jelas kal pengertin
kalak Israel kerna dasar ras tujuan mere persembahan ras persembahan
persepuluhan, piah dungna enggo melalakal pemere e. Emaka ibahan Gudang lako ingan nimpan pemere
pemere (memang tupung e langa lit kulkas, tapi uga pe kalak Israel punya
teknologi uga erbahanca pemere e la busuk tah macik) Ertina mebere persepuluhen e labo sada masa
tertentu ngenca, tapi selanjutna ras selama nya perlu mere persepuluhen. Labo
tupung perlu kaum Lewi (pendeta) saja perlu mereken persepuluhan. Tapi selama hidup bas doni enda perlu rasa
lalap mere persepuluhan alu sukacita.
Amin.
Pengkenaina
·
Ula nai persoalken persepuluhen e,
sebab perintah persepuluhen enggo jelas reh ibas Dibata nari. Emaka dalankenlah guna ngataken bujur man Dibata
si seh kal perkuahna. Mari erkomitmen
kita lako mereken persepuluhenta. Amin?
·
Ula mbiar, ula jungut jungut, ula
pekulah kulah ibas mbere persepuluhen, tapi berekenlah alu meriah ukur, janah
penggejapen si ermengkah ras ngataken bujur man Tuhan. Semakin taat kita mereken persepuluhenta,
semakin sitandai ise kin tuhu Tuhan e.
·
Idah kami, GBKP perlu kal ngajarken
tentang persepuluhen man anak anak KAKR ta, gelah igejapna ras iangkana kai
dasar mbereken persepuluhen. Janah adi usia
KAKR nari pe enggo iajarken kerna persepuluhen maka lanai pagi akapna sulit mere
persepuluhen e. Kita lakin pernah
sialoken pengajaren kerna perspuluhen e, terlebih labo pernah Pemerintah ta
nuruh jemaat Kristen mere persepuluhen.
Emaka melala kal si erpenulak ia, sebab lakin pernah begi ajar tentang
persepepuluhen e. Jadi perlu kal akap
kami ibereken pengajaren kerna persepuluhen e man anak anak KAKR ta. Amin ?
Bujur ras mejuah juah kita kerina.
Pt. Analgin
Ginting.
.jpg)
Komentar