Perb Rasul 6 : 1 – 7
Thema : Musyawarah Warga Sidi Runggun
Perb. Rasul 6 : 1 –
7
Bahasa Karo
6:1 Paksa e, asum reh
teremna kalak si tek man Jesus, turah perubaten i tengah-tengah kalak Jahudi si
make cakap Junani ras kalak Jahudi si make cakap Jahudi. Jungut-jungut kalak e
sabap kalak si mbalu i tengah-tengah kalak Jahudi si make cakap Junani la
ngaloken bagin i bas pemere si arus ialoken tep-tep wari.
6:2 E maka ipepulung rasul-rasul si sepuluh dua e kerina kalak
si enggo tek e, jenari nina, "La metunggung itadingken kami dahin
meritaken kata Dibata erkiteken ngelaken pangan si tep-tep wari e.
6:3 Perbahan si e o senina-senina, pilihlah pitu kalak i bas
kam nari si ietehndu kalak mehuli si dem alu Kesah Si Badia dingen pentar,
gelah ia ngaturken dahin e.
6:4 Alu
bage banci ipergunaken kami kerina waktu kami guna ertoto ras meritaken Berita
Si Meriah."
6:5 Kerina
perpulungen ngaloken kata enda. E maka ipilihna Istepanus si dem kiniteken
dingen Kesah Si Badia. Bage pe ipilihna Pilipus, Prokorus, Nikanor, Timon,
Parmenas ras Nikolaus; ia kalak Antiokia si enggo eragama Jahudi.
6:6 Kalak
enda me pituna ibabana ku lebe-lebe rasul. Jenari ertoto rasul-rasul e janah
kenca bage ipasu-pasuna ia kerina alu namaken tanna ku babona sekalak-sekalak.
6:7 Kata
Dibata reh mbarna janah ertambahna kalak si tek i Jerusalem. Bage pe nterem
imam ngaloken Berita Si Meriah e.
Sumber photo : https://ssnet.org/blog/sunday-appointment-of-seven/
Fakta Dan Makna
1. Paksa e, asum reh teremna
kalak si tek man Jesus, turah perubaten i tengah-tengah kalak Jahudi si make
cakap Junani ras kalak Jahudi si make cakap Jahudi. Turah perubatan antara Kalak Jahudi si make cakap
Junani (perantau) ras kalak Jahudi si make cakap Jahudi (si tetap tading I Jerusalem). Diberu balu balu I tengah tengah Jahudi si
make cakap Junani la ngaloken pemere si ni bagiken tep tep wari. Rubat dua kelompok enda, janah sienda terjadi
iadep adepen 12 rasul Tuhan. Jenari
ipepulunge na kerina kalak Jahudi baik s cakap JUnani bagepe si make Cakap
Jahudi. Lita perubaten I tengah tengahna…
sadari ras aloken fakta enda nina Rasul Rasul…
Emaka sadar ras ngakons=flikku kerina kalak enda. Persoalan persoalan konflik lit nge lalap ibas doni enda. Tapi sadar lah kita uga belinna pe persoalan
e tetap lit nge solusi tah pe jalan keluar.
Persoalah persekutuan akan selalu ada, karena kenyataan kenyataan hidup
yang terjadi secara empiric , Tapi juga
TUhan punya solusi, Tuhan tahu jalan keluar yang akan disampaikannya melalui
anak anakNYA (melalui rasul rasul NYA)
2. E maka ipepulung rasul-rasul si sepuluh dua e
kerina kalak si enggo tek e, jenari nina, "La metunggung itadingken kami
dahin meritaken kata Dibata erkiteken ngelaken pangan si tep-tep wari e. Persoalan
persoalan kegeluhen enda, mehulikal adi iselesaikan alu musyawarah , labo sekalak
sekalak. Sebab Kesah SI Badia hadir tupung
dua tah telu kalak (enterem kalak) ersada ibas gelar Tuhan Yesus. Janah rasul Rasul pe isadarina kekurangan
dirina/keterbatasan na emaka ipebetehkenna kebutuhanna guna isampati. Lit
keterbatasan bas ise pe, bas kerina kalak, uga hebatna kal pe ia. Daud sendiri punya keterbatasan, lit salahna
si la isadarina. Emaka reh Nabi Natan
guna mpersingeti ia. Jadi iasn kita pe, ula min lit kalak si merasa hebat la
lit kelemahenna. Ula min lit serayan (pt
dkn pdt) si la menyadari kelemahenna.
Rasul rasul sendiri menyadari kelemahenna ras menyampaiken kai
kebutuhenna. Ibas kita mengakui
kelemahennta, labo e mengurangi harga dirinta.
Siinget lah e.
3. Perbahan si e o senina-senina, pilihlah pitu kalak i
bas kam nari si ietehndu kalak mehuli si dem alu Kesah Si Badia dingen pentar,
gelah ia ngaturken dahin e. Terpilih 7 kalak si nampati dahin rasul rasul si mbagi
bagiken pemere man kerina diberu balu balu, baik man Kalak Jahudi si cakap
Jahudi bagepe man kalak Jahudi si make cakap Junani. Lit na si pitu kalak e erbahanca kerina rasul
rasul focus ku dahinna ibas ngajar.
Perlu kiita kerina ikut muat bagin, sebab erlala n akita erdahin ras
ras, erhulina ulih pendahinta e. Emaka ise
pe kita si ipilih ibas musyawarah alokenlah dahin tanggung jawab e alu meriah ukur
ras tutus. Ula siakap kita la ngasup,
sebab Tuhan pasti namnpati. Emaka
erdahin ras Tuhan kininggiten nge si pentingna.
Meriah kal min lah ukurndu adi ipilih kam ikut muat bagin ibas dahin
dahin pelayanan. Amin ?
Pengkenaina
·
La lit persoalan persekutuan si la
banci iselesaiken. Lit kerina jalan keluar. Janah kita kerina enggo ieberken Tuhan daya
nalar, kemampuan berfikir si banci sipakai guna ngidah ras memeraken persoalan,
rikut ras jalan keluarna. Emaka kerina
kita si tergabung ibas persekutuan, ibas gerejanta enggo ipasu pasu Tuhan,
gelah kerina persoalan e banci si atasi.
·
Persoalan persoalan gereja banci selesai
adi lit runggu, lit aria arih, lit musyawarah. Sebab arah musyawarah e sipersada tah si
gabungken kerina pengalaman ras kerina pembelajaren ibas kegeluhen enda. Janah
ibas kita ermusyawarah e, hadir Kesah Si Badia si ngajari kerina anak anak sinikelengiNA.
· Ikutilah MSWR lah alu dem kemeterukan
ukur. Daramilah solusi Bersama, labo ndaram
ndarami kesalahan teman ta, tah kesalahan kekurangan serayan Tuhan / pengepkep sector
PJJ ndu. Amin?
Bujur ras mejuah juah kita kerina.
Pt. Analgin
Ginting.
Komentar