Perb Rasul 5 : 1 – 11
Thema : Bujur Ibas Perbeliten (transparansi keuangan)
Perb. Rasul 5 : 1-11
Bahasa Karo
5:1-2 Tapi lit me kalak si
deban gelarna Ananias, ndeharana si Sapira. Idayakenna tanehna selambar tapi
ibunikenna deba tukur taneh e; sada bagin iberekenna man rasul-rasul. Ndeharana
pe meteh kerna si enda.
5:3 Jenari
isungkun Petrus ia nina, "O Ananias ngkai maka ipelepasndu Iblis engkuasai
ukurndu, seh maka ibualindu Kesah Si Badia alu muniken sada bagin tukur taneh
e?
5:4 Kam
kap empu taneh e ope denga idayaken; janah kenca idayaken, duit e pe ate-atendu
empergunakenca. Dage ngkai maka turah ukurndu erbahan si enda? Labo manusia si ibualindu, tapi kam enggo erbual man
Dibata!"
5:5 Kenca ibegi Ananias kata e minter ia mbulak dingen mate
pe. Mbiar kal kerina kalak si megi kejadin e.
5:6 Jenari
tedis piga-piga anak perana si i je, ibalutina mait e, ibabana ndarat guna
ikuburken.
5:7 Kira-kira
telu jam kenca si e, reh ndehara Ananias ku bas, la ietehna kai si enggo jadi
nandangi perbulangenna.
5:8 Nina
Petrus man bana, "Kataken man bangku, tuhu kin enda ngenca tukur taneh si
ialokenndu ras perbulangenndu?" Erjabap ia nina, "Tuhu, ase me
ergana."
5:9 E maka nina Petrus man bana, "Engkai maka ersada
arihndu ras perbulangenndu encubai Kesah Tuhan? Nehenlah, kalak si enggo
engkuburken perbulangenndu tedis i lebe-lebe pintun. Kam pe ibabana me ku
darat."
5:10 Rempet
mbulak Sapira ku nahe Petrus jenari mate. Asum bengket anak perana ndai ku bas
idapetina Sapira enggo mate. E maka ilanjana ndarat jenari ikuburkenna deherken
perbulangenna.
5:11 Mbiar kal kerina perpulungen e, bage pe kerina kalak si
deban si megi kejadin enda.
.
Sumber photo : https://ssnet.org/blog/wednesday-ananias-and-sapphira/
Fakta Dan Makna
1.
Labo manusia si ibualindu, tapi kam enggo erbual
man Dibata! “Kenca ibegi Ananias kata e minter ia mbulak dingen mate pe. Mbiar
kal kerina kalak si megi kejadin e”. Kisah tragis Ananias
itulisken ibas perikop enda. Idayaken
Ananias tanehna selambar alu sepengetahuan ndeharana, tapi la kerina sen na iberekanna
man rasul. Sebagian sen tukur tanehna e
ibunikenna janah ipersokenna man man rasul.
Jenari nina Petrus man Ananias, labo kap manusia si bualindu e, tapi kam
enggo erbual man Tuhan Dibata, nina Petrus alu tegas. Minter mbulak Ananias janah mis kal mate
pe. Ula buali Tuhan, la terbuali manusia. Harus terbuka, harus transparan soal sen,
soal keuangan man Tuhan. Ula lit
ibuniken, tapi laporken kerina uga lit na.
Sebab adi Tuhan ibuali manusia, konskwensi sangat tegas ras mis kal ilaksanakan. Emaka ula sekalipe ibualindu Tuhan kerna sen.
Laporken apa adanya.
2. E maka nina Petrus man bana, "Engkai maka
ersada arihndu ras perbulangenndu encubai Kesah Tuhan? Nehenlah, kalak si enggo
engkuburken perbulangenndu tedis i lebe-lebe pintun. Kam pe ibabana me ku
darat. Kai sinibahan Ananias, bageka pe ibahan
Saphira ndeharana. Asenda ngenca tukur jumaku nina, padahal la
kerina iendeskenna man Rasul. Nina
Petrus man Saphira ndehara Ananias, “
uga maka ersada arihndu ras perbulangenndu ncubai Kesah Si Badia”. Rempet mbulak Saphira ku nahe Petrus, jenari
mate ia. Mbelin kal hukumenna adi
ibuali Kesah Si Badia. Emaka ula erbahan
laporen si la payo kerna sen (perbeliten) tapi laporken lah apa adanya. Ciptakan transfaransi dan keterbukaan soal keuangan
ibas gerejanta. Mberat kal hukumanna adi
la ilaporken seadanya secara jujur.
3. Mbiar kal kerina perpulungen e, bage pe kerina kalak
si deban si megi kejadin enda.
Konsekwensi mengelabui (mbuali) kesah Si Badia mbelin kal
hukumanna. Emaka mbiar lah erbahan
perbahanen si la mehuli soal sen. Begiken kal kata Rasul, ula sekali pe buali tah pe erbahan si la payo soal
keuangan. Mbiarla lah man Tuhan bagi
jemaat sinitulisken ibas perikop bacannta.
Pengkenaina
·
Ula sekali pe sibuali Tuhan kerna sen. Tapi kelolalah alu mehuli kerina perbeliten
tahpe asset asset gereja. Mberat kal
resikona adi erbahan si la payo, terlebih adi lit je pelaporan si la tuhu.
Risikonya sangat cepat, jelas bagi
sinanami Ananias ras Saphira.
Bertanggung jawab lah secara total adi kam ipercaya singaturken
perbelitan gereja, Amin ?
·
Laporken lah secara transparan kerna keuangan
alu pemikiren ras keyakinan kubas perkuah ate Dibata. La
perlu ras la lit gunana adi ibuniken sen, janah la transparan. Sebab man kalak si nggit transparan ras
melaporkan apa adanya, maka Tuhan sendiri si mbereken kerina keperlun
geluh. Erpengendes dingen mbiar man
Tuhan Dibata, perlu siterapken ibas kita ikut muah bagian ngaturken gerejanta.
Amin ?
Bujur ras mejuah juah kita kerina.
Pt. Analgin
Ginting.
.jpg)
Komentar