1 Korintus 14 : 33, 40
Thema : Lakoken Alu Metunggung Dingen Ratur
1 Korintus 14 : 33, 40
Bahasa Karo
14:33 Sabap
Dibata labo Dibata kinilaraturen, tapi Dibata kiniraturen. Bali ras i bas
kerina perpulungen-perpulungen si enggo ikhususken jadi sikerajangen Dibata
14:40 Lakokenlah
kerina alu metunggung dingen ratur.
Fakta
1. Itekanken
Paulus man jemaat I Korinti maka Dibata emekap Dibata si ratur (menyukai ke raturen)
labo Dibata menyukai kinilaraturen.
2. Bali
ras (bage pe ibas ) kerina perpulungen si enggo serapken / ikhususken jadi si
kerjangen Dibata
3. Itutup
Paulus surat na bas pasal 14 enda alu penekanan bahwa kerina harus ilakoken alu
metunggung dingen ratur.
Sumber Photo : https://twitter.com/jesuschristkin6/
Makna .
1. Pasti
lit hubungen etimologis na bas cakap Karo, ratur ras batur. Batur ijuma, biasana ibahan baris baris bas taneh
alu cuan, janah bas batur e kari I suan jong (kentang, tomat, rsd) alu jarak
tertentu. Janah jarak antar batur enda pe
enggo lit dengan sendirina. Kitik kitik
mbarenda aku, kuidah nande erbahan batur batur ingan nuan jong e. Kai manfaat na batur batur e melala kal. Salah sada si pentingna ibas rani denggo,
mesunah kal mperanisa, sebab mejile enggo (ratur) sangana nuan nari pe. Kiniraturen sinibahan perjuma erbahanca
mesunah naka-nakasa, mesunah nama pupukna, mesunah mperanisa. Dibata pe ibas Ia erbahan/menciptaken doni enda ras isina kerina lit ibas prinsip
keraturen, emaka kita manusia pe harus
ratur kerina. Teridah ibas Tuhan Dibata menciptakan
kerina sinasa lit pe wari sipemena, peduaken, peteluken seh ku penemken, ratur
kerina. Uga jarak ras perputaren /
orbit kerina benda benda angkasa, bintang, bulan, planet, satlit, asteroid, kerina
erdalan ibas hukum keraturen misalna, hukum gravitasi. Emaka sada pe la situmburen. Jadi jelas kal bahwa Dibata nta e emekap Dibata
kiniraturen. Amin.
2. Tuhan
Dibata = Dem Kekelengen. Tuhan Dibata =
Ratur, emaka Dem Kekelengen e = Ratur. Jadi
engkai maka kita ipindo Tuhan ratur, sebab arah keraturen e me maler keleng ate
Tuhan ta si melias. Lit Undang Undang, lit
hukum kekelengen, lit amanat agung.
Kerina e pedah Dibata siniharus sidalanken alu ratur.
·
Ratur e teridah ibas perukuren nari seh
ku perbahanen, kebiasaan bagepe tabiatta.
·
Ertoto lebe maka man. Em sada contoh
keraturen.
·
Ridi lebe maka ganti uis.
·
Sintua lebe maka sintengah,
singuda.
·
Beka buluh pakaian dilaki, uis nipis
uis si diberu. E ratur. Tapi a adi itukar, lanai ratur.
·
Kalimbubu namaken bulang bulang e ratur,
anak beru nasakken nakan pangan. Ibas adat pe perlu kal kita ratur gelah
mehuli, dingen metunggung
·
Tentu ibas gereja / rumah Tuhan pe seh
kal perluna kita ratur. Bas gerejanta misalna, khotbah nge lebe maka
mbere kolekte. Sebab kollekte e sebagai
respon pengataken bujur ta man Tuhan si enggo ngerana (mpeseh kataNA) selaku
nakan pertendinta.
·
Warung padang kita man untuk kula ta
pe kita nggalar kenca man, emaka bas gereja pe kenca kita man nakan pertendin
(khotbah kata Dibata) tentu sibereken ka kollekte ta ras persembahen sini bahan
kita. Emaka khutbah nge lebe maka kollekte. Pernah lit idahndu gereja sideban, kollekte
lebe maka khutbah? Adi lit aku pe labo
kuangka kai dasarna.
3. Adi
ratur enggo pasti metunggung dingen mejile.
Tapi si la ratur e, siasak . asaken, si lebe leben, situmburen pasti la
mejile. Emaka ipindo Tuhan, kita ratur. Tuhan simindo man anak anakna gelah
ratur. Jadi semangat ras gegeh erbahanca
ratur reh ibas Tuhan Yesus nari. Ratur lah. Kai pe jabatenta, ise pe kita, marilah siutamaken
keraturen e. Amin ?
Pengkenaina
·
Secara gampang siidah kalak si nggit
matuhi aturen nge sierbahanca ratur. Kalak
si nggit mpersilahken kalak sideban nge sierbahanca ratur bagi Abraham man Lut,
anak seninana “ Adi kam ku kawes aku ku kemuhen, adi kam ku kemuhen aku ku
kawes”. Luar biasa.
·
Emaka kalak si tek man Tuhan, kalak
si rendah hati, kalak si berdisplin, kalak si pentar nge si erbahannca
kiniraturen bas geluh enda. Sipindo
gegeh man Tuhan, gelah kita pe (kam ras aku) jadi kalak si mengutamaken ras ras
terbiasa erbahan keraturen ras kinitunggungen. Bujur ras Mejuah juah kita kerina.
Pt. Analgin
Ginting.
.jpg)
Komentar