Ester 4 : 12 – 17
Thema : Iangkat Guna Nampati
Ester 4 : 12 – 17
Bahasa Karo
4:12 Kenca
ialoken Mordekai kata Ester enda ndai,
4:13 itenahkenna
ka mulihken kata pertenget enda nina, "Ola iarapkenndu maka kam sikapen
asangken kalak Jahudi si deban erkiteken kam ringan i bas istana.
4:14 Adi
sinik pe kam i bas paksa-paksa si bagenda, ugapa pe reh nge penampat man kalak
Jahudi tah i ja nari gia, janah kalak Jahudi e la banci lang selamat nge; tapi
kam ugapa pe mate, janah keluarga si itadingken bapandu imasapken. Banci jadi
guna nampati bangsandu nge maka kam enggo iangkat jadi kemberahen."
4:15 E
maka itenahken Ester perkatan enda man Mordekai,
4:16
"To, pepulunglah kerina kalak Jahudi si lit i kuta Susan enda; ertoto
dingen erpuasalah kam kerina guna aku. Ola kai pe pan tah iinemndu telu wari
telu berngi dekahna. Aku ras suruh-suruhenku si diberu pe bage ka ibahan kami.
Kenca bage lawes aku ndahi raja, aminna gia e ngelanggar aturen. Adi terpaksa
kin aku mate guna si e; mate pe labo dalih."
4:17 Kenca
bage lawes Mordekai, jenari ibahanna kai si nikataken Ester ndai
Fakta Dan Makna
1. Nas
PJJ ta bas berngi enda, emekap sada percakapan jarak jauh (pake perantaraan
surat si itaruhken kalak siisuruh) antara Mordekai (pemimpin informal Bangsa
Jahudi tupung e) ras Ester si enggo iangkat jadi permaisuri / kemberahen
Raja. Kenca ibaca Mordekai surat Ester,
maka nina Kalak si menghadap raja adi la idilo raja, pasti ibunuh. Padahal Ester
ipindo Mordekai menghadap raja gelah ipindo
Ester perkuah atena, gelah ula kalak Jahudi I bunuh ras ikernepken. Tapi ipeseh Ester maka banci ia ibunuh
raja. Emaka nina Mordekan mbalas kata
Ester e “ula akapndu sikapen kam
si tading bas istana e asangken kami
kerina bangsa jahudi. Adi sinik pe kam ibas paksa paksa sibagenda, ugapa pe reh
nge penampat tah ija nari gia, emaka selamat nge bangsa jahudi e. Tapi kam uga
pa pe mate, janah keluarga siitadingken bapandu uga pa pe imasapken. Banci jadi guna nampati bangsandu nge maka
kam iangkap jadi kemberahen” Sangat tajam, filosofis dan penuh dengan
ketegasan balasan Mordekai man Ester janah piga piga makna sibanci si petik
ibas perkataan Mordekai emekap
a. Adi
Ester la nggit namapati, lit nge sinampati entah ija nari, emaka Kalak Jahudi
pasti selamat . Ise pe banci ipake Tuhan lako nampati BangsaNA. Nggit kam tah lang, kam metehsa, tapi kekelengen
TUhan pasti inyataken Dahin dahin pelayanen e pe, adi la kam nggit,
pasti lit kalak si nggit nampatisa.
b. Adi
Ester la nggit nampati, ia uga pa mate nge, janah kesusuren bapana imasapken. La lit ertina kesusuren adi lakin nampati
bangsa pilihen Tuhan. La lit ertina bas nggeluh enda, masap nge mis adi la kin
ngelai TUhan man jelma sienterem.
c. Situhuna
misi terbesar Ester enggo iangkat jadi kemberahen guna nampati Bangsa Jahudi
nge Ertina, kai pe jabatenndu bas geluh
enda, ibereken jabatan e man bandu gelah erhulina pelayanan e, gelah erteridahna
keleng ate Tuhan e.
Sumber photo : https://gbaringkasanpl.wordpress.com/
2. Masuk
kal kupusuh ester perkataan Mordekai enda ndai, emaka itenahkenna katana mulihken
ku Mordekai nina, “to pepulung kerina kalak Jahudi si lit I kuta Susan enda, suruh ia
puasa telu wari telu berngi la banci man kai pe ras minem kai pe. Aku pe ras suruh suruhenku bage ka. Kenca erpuasa lawes aku ngadap ku raja. Adi ban si e kin maka aku mate, mate pe labo
dalih nina Ester. Emaka bage ibahan
Mordekai”. Teridah maka masuk kal (erguna
kal) kata Mordekai man Ester. Tuhu atena, emaka idalankenna erpuasa,
isuruhna arah Mordekai kerina kalak Jahudi gelah erpuasa telu wari, telu berngi.
Jenari nina, kenca she waktu telu wari erpuasa, kudahi Raja, gelah isampatina
kalak Jahudi, janah perban si e kau mate, mate pe labo dalih. Wooow.
Erpuasalah kita, jenari dalanken kai sipayo ibas pelayanenta. Janah bicara mate pe labo dalih. Nina Paulus, adi nggeluh aku emekap guna Kristus,
janah adi mate aku, keuntungen man aku.
Memang bage nge turang ras senina.
La lit ertina nggeluh bas doni enda, adi la kin lit misi khusus
sidalanken kita guna kemulian Tuhanta, ras nampati jelma sienterem siman
sampaten. Ma payo akapndu ? Amin ??
Pengkenaina
·
Ester jadi contoh man banta, ras persinget
man kerina, maka jabatenta e labo lit ertina adi labo lit guna man jelma
sienterem. Terlebih jabatan jabatan pelayanan, labo e guna kinihagaan pribadi.
Ula akapndu adi ketua kita, pertua tah diaken kita, sekretaris tah bendahara
kita bas organisasi pelayanan e, hanya jabatan si mbereken Rasa bangga
saja. Adi la kin si dalanken tupoksi ta
alu sungguh sungguh, maka pasti lit sindalamkensa entah ija nari pe gia. Emaka tupung kita je e, tupung kita si
erjabaten e, dalankenlah misi ta e alu sungguh sungguh.
·
Erpuasa lah lebe, erpengendes lah
secara total man Tuhan ibas ndahiken dahin pelayanan sinibutuhken gereja nta,
enhtape ndalanken misi tah pe amanat agung Tuhan ta e. adi enggo kita erpengendes man Tuhan,
sidalanken dahinta e, adi mate pe kita je, labo dalih. Sebab Tuhan enggo pasti nemani kita. Amin. Bujur ras mejuah juah kita kerina.
Pt. Analgin
Ginting.
Komentar