Renungen : Perbahanen
Rasul-Rasul 2:43-47
Tema : PULUNG ERSADA I BAS JABU
(Spiritualitas
Jabu)
Perbahanen Rasul
Rasul 2 : 43 – 47
2:43 Melala
tanda-tanda sengget ras kejadin-kejadin si mejin ibahan rasul-rasul. Perbahan
si e kerina kalak e erkemalangen man Dibata.
2:44 Kerina
kalak si enggo tek man Jesus e tetap pulung ras-ras janah kai si lit i bas ia
ipakena ras-ras.
2:45 Idayakenna
taneh ras erta-ertana janah duitna ibagi-bagikenna sue ras keperlun
sekalak-sekalak.
2:46 Alu
ersada ukur tep-tep wari ia pulung i bas Rumah Pertoton. Ras-ras ia kerina man
i bas rumahna alu meriah dingen ukur meteruk.
2:47 Ipujina
Dibata, janah kerina kalak erngena ate man perpulungen e. Tep-tep wari itambahi
Tuhan ku perpulungen e kalak si iselamatkenNabaNa.
Fakta
1. Iijinken
Tuhan melala tanda sengget arah perbahanan Rasul Rasul, jenari maka enterem
kalak si erkemalangan man Tuhan.
2. Kerina
kalak si tek man Jesus, turah sada ketedehen ibas pusuhna, emaka pulung ia kerina
sapih sapih kalak si tek e. Kai si lit
bas ia kerina, eme ipakena ras ipan kenna ras ras. Idayakenna pe taneh ras erta ertana janah
duitna ibagi bagikenna ras ras guna keperlun sekalak sekalak.
3. Tet
tep wari ia kerina ersada ukur pulung ras ras bas Rumah Pertoton, janah ras ras
ia kerina man ibas rumahna alu meriah dingen meteruk ukur. Ipujina Dibata, janah kerina kalak pe erngena
ate man perpulungen e. Tep tep wari
itambahi Tuhan ku perpulungen e kalak si iselamatken.
Sumber Photo : http://www.hkbpjogja.org/
Makna
1. Bedakal
rencana Tuhan ras rekayasa manusia, ibas
ngiahken kalak reh kubas perpulungen.
Adi rencana Tuhan, ikut pe erdahin kuasa Tuhan si teridah arah tanda
tanda sengget si terjadi. Janah dampak
tanda sengget e turah kedamen ras riah ukur, tapi adi tanda sengget manusia
turah kebiaren ras ukur pe la dame.
Tanda sengget si maba dame melala kal jadi arah perbahanen Rasul Rasul,
bagepe selanjutna arah kerina kalak si tek ras erkemalangan man Tuhan.
2. Dampak
positif si langsung tergejap ibas kalak si tek man TUhan emekap, turah
ketedehen man Tuhan Yesus, bagepa dorongan jumpa ras teman teman sideban gelah
ras ras muji Tuhan. Terjalin hubungan/ikatan
si sangat mendalam nandangi kalak si ras ras tek man Tuhan Yesus. Banci pe ikatakan bahwa ikatakan kekeluargaan
terbentuk alu sangat kuat ibas kita ras ras muji ku Tuhan. Jabu si tetap ras ras muji Tuhan, ndatkan sada kelebihen ija kekelengen sama
sama anggota jabu pe ergegehna, ras tentu saja turah ka pasu pasu terbelinen.
3. Lit
sada informasi simaha penting arah perikop tan enda. Bahwa Rahasia keriahen ukur situhu tuhuna kal
erdaya barang barang, harta benda, tanah ras sidebanna, janah sen na ipake kubas
persekutuan perpulungen. Em rahasia
keriahen ukur situhu tuhunak, erdaya.
Tapi doni enda enggo memutarbalikkan fakta, janah iciptaken lah kondisi
maka Riah Ukur tah pe kesenangan nggeluh arah “nukur” barang barang. Tukuri kerna barang barang siniperluken tah
sini isenangi maka meriah ukur. Enda
salah, enda me strategi iblis, bahwa riah ukur terjadi arah nukur
barang barang. Padahal arah kesaksian
jemaat mula mula, riah ukur terjadi arah erdaya.
Pengkenaina
·
Ciptakan keriahen ukur I tengah
jabundu alu erbahan ibadah ras ras kerina anggota keluarga. Ras ras muji membah Tuhan eme situhuna kal
sumber riah ukur ras dame, bagepe optimisme bas kerina jabu. Jabu si erpengarapan man Tuhan, eme jabu si
harus terjadi bas kerina kalak Kristen.
·
Bahanlah kiniersadaan alu kreatif
gelah alu bage banci ras ras kerina muji ras nembah man Tuhan saja. Labo perlu melala kal barang barang,
dayakenlah barang barang e janah pake senna guna kiniersadaan bas jabu. Bageme
ide ibas kinata nggeluh jemaat mula mula nari.
Amin.
Bujur ras mejuah juah kita kerina. I
Pt. Analgin
Ginting
.jpg)
Komentar