Renungen : Kuankuanen
24 : 3-7
Tema : Jabu Si Dem Kepentaren Ras Pengertiin
Kuankuanen 24 : 3-7
24:3 Jabu
ipanteki erpalasken kepentaren ras pengertin.
24:4 I
ja lit pemeteh, i je lit bilik-bilik kuh ras barang-barang si meherga ras
mehuli.
24:5 Kalak
pentar lebihen asangken kalak megegeh. Pentingen kap pemeteh asangken gegeh.
24:6 Ma
si bahan kin lebe rencana si megermet, ope denga kita lawes ku bas peperangen?
Reh buena kalak si mereken pedah, reh belinna kemungkinen menang.
24:7 Kepentaren
meganjangsa guna ierti kalak longor. La lit belas-belas kalak bodoh tupung
kalak melasken perkara-perkara si penting.
Fakta
1. Kepentaren
melala kal gunana ibas jabu. Janah
kepentaren tah pe pemeteh eme barang
barang simeherga ras simehuli ibas jabu.
2. Pentingen
pemeteh asangkan gegeh, bagepe lebihen kalak pentar asangken kalak megeh.
3. Peperangen
pe memerluken rencana si megermet, janah erbuena kalak simbere pedah reh
belinna kemungkinen menang. Peperangen
si mbelinna terjadi antara kalak pentar ras kalak longor. La lit belas belas
(kalah) kalak bodoh tupung kalak melasken perkara si penting. Perkara si penting, bersumber ibas pengertian ras pemeteh.
Sumber photo : https://www.autom.com/
Makna
1. Perikop
enda menegaskan ras menjelasken kerna kebutuhen sipentingna kali bas jabu. Ikatakan bahwa pemeteh/pengertian lebihen
asangken kai pe ibas jabu. Pemeteh me
sumber kerina barang barang simehergana ibas bilik bilik rumah. Adi la mbue
barang barang ibas rumahndu, ula ukurndu kitik tapi meriah lah akapndu,
sebab labo penting barang barang e, pentingen kap pemeteh tah pe
kepentaren. Janah nina Kuankuanen 1 : 7,
erkemalangan man Tuhan eme bena banana kerina pemeteh/kepentaren.
2. Investasi
artina nanemken sen /harta guna masa depan. Ternyata investasi sipaling penting
siilakoken ibas jabu, labo investasi barang barang, harta, tah kinibayaken,
tapi investasi pemeteh / pengertian.
Pengajaran pengajaren alkitabiah/iman eme sipentingna sinilakoken ibas
jabu, gelah hasil investasi e banci membuahkan hasil sipaling penting siniperluken kerina jabu.
3. Pentingen
kalak pentar asangken kalak megegeh (fisik), melala juara tinju dunia tapi ia
pe tetap iatur managerna. Enda bukti
bahwa kalak pentar nge nguasai kalak megegeh.
Janah kalak pentar adi nuri nuri, kalak longor keri belas belas.
4. Mari
evaluasi jabunta sekalak sekalak, enggo
me ndarami pemeteh ras kepentaren si paling utama sidalanken selama enda? Ibas
perenungen pekan keluarga tahun 2021 enda, harus lah kita pang menyadari
kujakin prioritas jabunta. Janah adi
enggo ievaluasi ulanai pedekah dekah, mis lah perubahan guna ndatken kepentaren
tahpe pemeteh. Jabu si sempabu emekap
jabu sidem pengertin
Pengkenaina
·
Ula akapndu sayang senndu tah ertandu
adi nggalari biaya nambahi pemeteh tah pe pengertian. Bagepe ula pernah akapndu galangsa
kollektendu tah persembahan kerja rani ndu ku gereja, sebab kerina e investasi
ndu kerna pemeteh sipaling penting.
·
Warisken lah semangat erkemalangan
man Tuhan, ku kerina anak anak ras kempundu, sebab kuje me sipentingna usaha
ras semangat nggleuh isalurken. Labo
gelah erlalana erta, tah pe barang barang.
·
Ula tergoda nukuri barang barang
bermerek, sebab e strategi iblis nge, tapi pentingen kal sekolah/kursus ras
mbereken persembahen asangken nukuri barang barang (tas, baju, sepatu)
bermerk. Amin.
Bujur ras mejuah juah kita kerina. I
Pt. Analgin
Ginting
.jpg)
Komentar