Catatan Khotbah Minggu 19 Juli 2020. Konsep Pertumbuhan Karakter Dan Spiritualitas

Minggu 6/ Kenca Trinitatis

GBKP Njayo 79 Tahun

Invocatio	" Adi melala buahndu, kam me ajar-ajarKu, janah i bas si e ermulia me BapangKu. Johanes 15 : 8
Ogen	Masmur 119 : 57 - 64
Khotbah	2 Petrus 1 : 3 - 8
Thema	Nggeluh ras erbuah

Khotbah :  2 Petrus 1 : 3-8

1:3      Dibata enggo ndilo kita gelah kita dat bagin i bas kemulian ras kiniulinNa. Alu kuasaNa ras arah penandainta kerna Ia enggo iberekenNa man banta kai keperlunta guna nggeluh nembah man baNa

.

1:4      Arah padan si mbelin dingen meherga si iberekenNa man banta e, ngasup kam mulahi bandu i bas kerincuhen daging nari, si ncedaken si lit i doni enda, jenari dat bagin kam i bas kinidibatanna.

1:5      Erkiteken si e usahakenlah maka irakutkenndu ku kinitekenndu kai si mehuli, tapi aminna gia enggo ibahanndu kai si mehuli, rakutken ka lah ku perbahanen si mehuli e pemeteh kerna Dibata.

1:6      Adi enggo lit pemetehndu kerna Dibata, arus maka irakutkenndu ku pemetehndu e penguasan diri; janah adi enggo ngasup kam ngkuasai dirindu, rakutken ka ku je ate megenggeng. Adi enggo lit i bas kam ate megenggeng, arus irakutkenndu ku ate megenggeng e ate tutus er-Dibata.

1:7      Tapi aminna gia enggo lit i bas kam ate tutus ngikutken sura-sura Dibata, rakutken ka lah ku je ate keleng man teman sapih-sapih Kristen; janah adi enggo lit i bas kam ate keleng nandangi teman-teman sapih-sapih Kristen, arus maka irakutkenndu ku je ate keleng nandangi kerina manusia.

1:8      Enda me kerina biak-biak si iperlukenndu, janah adi biak-biak enda turah alu mehumur i bas kam, si e erbahanca maka pemetehndu kerna Tuhanta Jesus Kristus nggeluh janah erbuah

Pembukaan/Lead

Syaloom mejuah juah kita kerina nande bapa turang ras senina ibas gelar Tuhanta Yesus Kristus. Uga berita ndu kerina ?

Nungkun ateku sitik. Meincuh kam man buah kayu ?  Buah kai kam simerhatna kal ?  Buah Rimo? Buah Manggis ? Tah Buah Durin?

Sekalenda ibas Minggu  Kenca Trinitatis enda, ngerana ngerana kita soal Buah. Eme buah simergana kali bas kegeluhen enda.

Mari sinnen terdauhen….

Fakta

1. Dibata nge si ndilo manusia (similih, sinerapken, si mengistimewaken) manusia, alu Kuasa NA gelah manusia siidiloNA  e ndat bagin ibas kemualiaan ras kiniulinNA. Labo gegeh manusia si erbanca manusia dat kemulaan DIBATA

2. Pendilo Dibata nandangi manusia siipilihNA e, mbereken sada hal si paling luar biasa ibas kegeluhen enda emekap kiningasupen melawan kerincuhen daging. Kerincuhan Daging emekap penyebab kinicedaan si lit bas doni enda.

3. Pendilo DIbata e, harus mendorong,( membawa)  kerina manusia siipilihNa e melakukan sada proses kegeluhen simbabai manusia e banci ngekelengi kerina manusia.

 Makna

1. Tuhan nge si lebih dulu berinisiatif ras bertindak lako ndilo manusia.  E baci terjadi erkiteken TUHAN sierkuasa ibas kegeluhen enda. ERbage bage cara Dibata lako ndilo sekalak manusia masuk kubas kemualiaan ras kiniulinna.   Manusia labo ngasup ras labo layak masuk tah pe bengket kubas kiniulin ras kemuliaan DIBATA e.

2. Kai ertina IDILO DIBATA kubas KemuliaanNA,? Ertina terjadi perubahan pandangan ras sura sura  manusia e.  Lanai Kerincuhen doni enda di jadi perayaken na, janah enggo ia ngasup lako melawan kerina kerincuhen kerincuhen daging si mbabai kecedaan ras kemateen. Enggo kin kita kerina nggejapken tuhu tuhu kita enggo ipilih ras idilo DIBATA e masuk kubas kemuliaanNA amin pe kita nggeluh bas doni enda denga? Mari siuji dirinta sekalak sekalak.  Erusurna kita ngasup ngelawan kerncuhen dagingta, berarti kita enggo nggejapken kita ipilih DIBATA.
3. Pemilihen Dibata nandangi kita, harus sirespon, harus sisikapi alu ngikutken proses bagi siikataken Penulis kitab 2 Petrus 1 : 3-8 enda ndai.   Proses na bagi gambar siteruh enda.

                        

4. Konsistensi ras keteguhen ukurta ngelakoken proses e, janah adi kerina enggo silit bas kita, maka jenari maka erbuah kiniteken ta e ibas doni enda, janah TUHAN pe meriah kal ukurNA

Pengkenaina/Target   

(Pemahaman minimal yang harus didapat jemaat setelah mendengar Firman diKhotbahkan)

1. Kita kerina  jadi ergereja ibas GBKP enda, erkiteken ipilih ras idilo DIBATA.  Janah ersura sura kal DIBATA ta gelah kita ndatken kemuliaan ras kiniulin Dibata ibas kerina dampar geluh ta, bage pe ersura sura kal DIBATA gelah bas GBKP enda kita jumpa ras kiniulin si eggo sikapkenNA man banta ssekalak sekalak.

2. La ate DIBATA kta bage bage saja bas geluhta, la ka bage bage saja kita selaku jemaat.  Tapi kita harus erbuah ibas kegeluhennta arah jabunta, arah pendahinta, arah perkade kadenta.  Bagepa  kita selaku jemaat pe erbuah min ibas pelayanenta ibas GBKP simalem enda.

3. Gelah kita banci erbuah, maka kita harus ngikuti prosesna simbabai kita arah kintekenta nandani TUhanta e.  Lit 8 hal siseharusna sidalahken ibas tep tep wari kegeluhenta emekap

1. KIniteken Nandangi Tuhan
2. Perbahanen simehuli
3. Pemeteh kerna Kata Dibata
4. Penguasaan diri
5. Megenggeng
6. Tutus Erdibata
7. Ngekelengi sapih sapih kalak Kristen
8. Ngkelengi kerina kalak Krsiten.

4. Erbuah lah kita ibas kiniulin Dibata, si lawan kerina kerincuhen dagingta, janah sidalanken si 8 ndai ibas geluhta.

 Respon (Perenungan lebih dalam )

1.      Ersura sura nge kam erbuah ibas gelundu bas doni enda ?

2.      Ngasup nge akapndu  kam erbuah, gelah tuhu tuhu banci nanami kalak buahndu e?

3.      Bas gereja GBKP ta enda, buah pelayanen si kuga nge atandu ihasilkenndu ibas diri ndu nari ?  Pindo pupuk ras kompos na man TuhanDibata, gelah mejile perturahna, ras mejile buah na.   

Power Statement

Tuhan Yesus pernah muas kal Ia ibas sada wari, jenari jumpaina sada pohon ara. DaramiNA buah na, tapi la ia jumpa. Jenari nina, lakam erguna adi la kam erbuah, rempet mate batang Ara ndai.

Amin. Bujur Ras mejuah juah kita kerina  

Pt Analgin Ginting