Pekan Keluarga 2019 Berngi peempatken (4)

Thema  :  Ranan Jabu Si Maba Kegeluhen

Khotbah Kuan kuanen 11 : 1- 5

15:1      Alu jabap si melias mantak rawa si gara, tapi jabap si merampus pekeke ate merawa.

15:2      Ranan kalak pentar dem alu pemeteh, tapi ranan kalak bodoh la lit ertina.

15:3      Kai pe si jadi idah TUHAN i japa pe, iperdiatekenNa kerina perbahanen si jahat ntah pe si mehuli.

15:4      Ranan mehuli mereken kegeluhen, cakap si ngelukai pusuh erbahanca bene ukur.

15:5      Kalak bodoh la iperdiatekenna ajar bapana, kalak pentar ilakokenna ajar orang tuana.

PEMBUKAAN

Syaloom nande bapa turang ras senina ibas gelar Tuhanta Yesus Kristus. Syaloom, mejuah juah kita kerina.

Li pepatah sangat popular bagenda nina :  Bahasa menunjukan Bangsa.   Setuju nge kam pepatah enda ndai. Si ertina, cara na ngerana menunjukkan ise si ngerana e.   Kalak pentar tah kalak bodoh teridah ibas uga carana ngerana

Ibas Pekan keluarga, berngi si pelimaken enda iajak kita lako jadi kalak pentar ibas berkata kata,... mari sinen terdauhen.

Ilustrasi, Raja Sulaiman Mengadili dua orang wanita yang memperebutkan seorang  Bayi 

FAKTA

1.     Penulis kitab Kuan kuanen mbereken sada pengajaran  tentang orat nggeluh  si  seh kal ulina.  Kerna uga cara berinteraksi ras berkomunikasi. Ikatakenna maka, jabab/respon si melias mantak rawa si gara, tapi sebalikna jabab si merampus pekeke ate merawa.

2.     Tole itambahkenna bahwa ranan kalak pentar dem alu pemeteh, tapi ranan kalak bodoh la lit ertina.  Adi ibalikken maka ranan si mesera ngantusisa  ras mesera ndarami makna na banci jadi erkiteken reh na ibas kebodohen nari.

3.     Kai pe si terjadi ibas kegeluhen enda TUHAN ngidah ras ngetehsa, janah TUHAN mperdiateken kerina perbahenen jahat ras perbahanen si mehuli.

4.     Ranan si mehuli mereken kegeluhen, mebereken semangat, mampu merubah putus asa jadi keyakinan ras optimisme, sebalikna cakap si ngelukai pusuh erbahanca bene ukur, bene sura sura, bene semangat, bene pe kerina harapan ras kebanggaan diri.

5.     Kalak si pentar ras kalak si bodoh sitik kal bedana.  Kalak pentar  iperdiatekenna ranan bapana, kalak bodoh lang. 

MAKNA

1.     Ibas sda paksa Tuhan Yesus mbereken pengajaran maka ‘ Manusia labo hanya memerlukan roti saja”, tapi melala kal hal si deban si lebih ibutuhken manusia ibas geluhna.  Selain memerlukan Firman TUHAN , maka manusia pe membutuhkan kepentaren, khususna kepentaren ibas ngerana tah pe berkomunikasi.

2.     Ibas paksa sekalak jelma merawa, naik dareh, emosi kali a, satu satunya cara untuk meredam sa emekap ngerespon / njabab ia alu lemah lembut ras melias.   Jawaben si melias ras lemah lembut melala ibas kalak si pentar, kalak si gedang rukur, kalak si berwawasan luas, kalak si “enggo dung ras dirina jine”.  Tapi kalak si cepat merespon, salah ka, ras kai pe atena pesehna ia ngenca ngantusisa akan membuat kalak sideban er rawana.  Lit teman ndu sibage rupana?  Hahahahhhha.

3.     Gelah ula kita kerina pedas naik gula, merawa rawa tapi terdorong  untuk sabar, metenget, teratur ras cenderung erbahan si mehuli;  maka HARUS ras HARUS kal siinget ras sigejap bahwa TUHAN Yesus ngidah kerina perbahanen manusia e.  La lit sada per terbuni ibas mata NA nari.  Kai pe ieteh TUHAN, baik perbahanen, bagepe niat manusia e enggo jelas kal iidah TUHAN.  

•      Lanai lit ingan cebuni tah cimucuk, kuja pe kam laws.  Syair Lagu “Jahwe”  si itulis MUham Sembiring payo kal.  Kuja banci aku lawes, maka terligen ibas mataNDU o Jahwe.  Kuja pe lanai banci .  Emaka bicara puas pe  akapndu ibas kata kata merampus sibelaskenndu, sierbahanca kalak mbiar,    tapi Bas Catatan Tuhan beda nge impal, senina, turang... Hahahha

4.     Kegeluhen akan terulin adi kalak pentar erlalana janah cara berkomunikasina pe erhulina;  kata kata si mbereken semangat, motivasi, apresiasi,  optimisme, solusi ras pe ide ide si kreatif ras siinovatif.  Kata kata bagelah terlalan si produksi ibas dirinta sekalak sekalak.

Jokowi mecium tangan Gubernur Jawa Tengah

PENGKENAINA

·      Mari kita saling memberikan kata semangat, alu kata kata si bernas ras berisi.  Ula nai kita mbelasken kata kata kosong, bohong, hoax ras kerina si la mehuli.

·      Salah sada cara na gelah ulanai kita mbelasken kata kata kosong e, emekap sipebue melasken pertoton.  Siperbue mbereken pasu pasu man kalak si deban.

·      Khususna ibas jabunta sekalak sekalak, marilah kata  kata pentar, kata kata PUSTAKA SI BADIA saja si belasken.  SI create/ciptakan nuansa si mbaru ras positif i tengah jabunta sekalak sekalak gelah jabu jabunta e, jadi uniersitas kegeluhen dalanta ianganta erlajar uga mpeseh kata kata simbereken semangat nggeluh ras membangun kiniteken man TUHAN ta saja.

PENUTUP

Sangana Pak Jokowi jadi walikota denga i Solo, pernah ia perubat wartawan ras Gubernur Jawa Tengah.  Perban la ia nggit mbebasken Taneh gelah i bangun Mall si galang, emaka ikataken Gubernur na ia Bodoh.  Ipeseh wartawan man bana maka nina wartawan e, “ Pak Jokowi  la atendu ngilas adi ikataken Gubernur ah kam kalak bodoh?   Reh nina Jokowi njabab penungkunen Wartawan e....... Memang bodoh kin aku.   Sengget kal wartawan, tapi sada pe lanai pang erbelas.  Sebab Pak Jokowi enggo merespon kalak merawa alu jawaben si lembut ras si melias.  Emaka ... mari kita erlajar, adi lit kam si ersura sura jadi Presiden, maka harus mampu njawab rawa kalak alu melias.  Hahahaha. Amin. Mejuah juah kita kerina.