Markus 10 : 35 - 45
Thema : Pemimpin Si Ngelai
Markus 10:35-45 (KARO) Reh me anak-anak Sebedeus e me Jakup ras Johanes ndahi Jesus, janah nina, "O Guru, lit pemindon kami man BaNdu, ngarap kami gelah IsehkenNdu."
Emaka isungkun Jesus ia, "Kai kin atendu si Kubahan man bandu?"
Erjabap kalak si dua ndai, "Ate kami kami min kundul arah kawes ras KemuhenNdu kune pagi Kam erkuasa i bas KinirajanNdu."
Tapi nina Jesus man kalak ndai, "La kap ietehndu kai si ipindondu e. Ngasup kin kam minem tare calung kiniseran si arus Kuinem e? Ngasup kin kam iperidiken alu peridin si arus Kualoken e?"
Erjabap kalak ndai, "Ngasup. " Nina ka Jesus man bana, "Payo katandu e; kam pe nandangi minem me tare calung kiniseranKu janah kam iperidiken alu peridin si arus Kualoken.
Tapi kerna ise kundul arah kawes ras arah kemuhenKu labo Aku metehsa. E pagi ibereken Dibata man kalak si nggo ItentukenNa."
Sanga ibegi ajar-ajar si sepuluh kalak nari kata e, irawaina Jakup ras Johanes.
Emaka idilo Jesus ia kerina jenari nina, "Nggo ietehndu maka si iakui jadi pemerentah erkuasa nandangi rakyatna janah peminpin-peminpin rate-rate nandangi bawahenna.
Fakta Dan Makna
1. Erjabap kalak si dua ndai, "Ate kami kami min kundul arah kawes ras KemuhenNdu kune pagi Kam erkuasa i bas KinirajanNdu."
Salah sada sura sura si mbelin na kal ibas manusia emekap erkuasa. Mempunyai kedudukan dan power. Terutama kalak si enggo dewasa, kalak berpendidikan, kalak bayak, tokoh tah ise pe ia lit lalap nalurina gelah erkuasa tahpe mpebelin kuasana. Emaka bagi anak anak Sebedeus sidua kalak e erkuasa min atena ia, janah ipidona man Jesus Kristus gelah sada saat pagi duana min ia kundul ras Tuhan Jesus arah kawes ras kemuhen Tuhan Jesus e.
Tersirat maka dua kalak enda kalak si tek, ras beriman man Jesus janah enggo iangkana maka Tuhan Jesus pagi erkuasa. Janah duana ia pe beriman maka ia pe ikut iselamatken Tuhan Jesus. Emaka bagenda pemindonna.
Kepeken paradigma manusia untuk erkuasa usur denga kal domina ibas cara rukur manusia termasuk kalakk si tek pe. Emaka labo ateta mamang adi antar pendeta pe lit nge lalap sura sura gelh erkuasa. Antar pertua diaken pe lit lalap sura sura gelah ia erkuasa, ibas BPMR, BPMK tah pe Moderamen. Lit lalap pemindon manusia gelah erkuasa ibas jabatanna, ibas organisasina, ibas LSM / NGO na, termasuk ibas kabupatenna, propinsina rsd...
2. Tapi nina Jesus man kalak ndai, "La kap ietehndu kai si ipindondu e. Ngasup kin kam minem tare calung kiniseran si arus Kuinem e? Ngasup kin kam iperidiken alu peridin si arus Kualoken e?"
Nah, respon Jesus nandangi pemindon seh kal perluna si renungken ras ras, sebab idah kami enda me Teologi Mindo, Teologi meminta kepada Tuhan. Lit piga piga si harus kal siantusi. Nina Jesus, La kap ietehndu kai siipindo e.
Ertina manusia situhuna la ietehna kai siperlu ipindo na man Tuhan. Sumber hasrat dan keinginan manusia, situhuna lalan si la seri ras pengidah Tuhan nandangi manusia e.
Janah situhuna ka, enggo leben ibereken Tuhan keperlun keperlun manusia e, sangana nina masu masu Adam ras Hawa : Ipasu-PasuNa nina, "Ertuahlah jadi nterem, demi dingen taluken doni enda, kuasai kerina nurung, perik-perik i awang-awang, kerina rubia-rubia i daraten.(Kej 1 : 28) jelas kal ibas ayat enda enggo ibereken Tuhan kerina alat, kecerdasan, teknologi, informasi, alat alat rsd guna ngkuasai doni enda kerina.
Emaka Man Anak anak Sebedeus ndai, (bagepe man kerina manusia si rusur mindo man Tuhan) nina, la kap iangkandu kai pemindon ndu e.
Lakap iangkaindu kai pemindonndu o Ginting mergana ras beru Ginting
La kap iangkaindu kai pemindonndu e Karo mergana, ras beru Karo. O Sembiring mergana ras beru biring, O tambar malem ras beru ribu , o Tarigan mergana ras beru tarigan.
Uga gelah iangka mindo man Tuhan, uga dage situhuna sura sura Tuhan nandangi anak anak Sebedeus ras kerina merga silima, beru silima bagepe kerina anak anak manusia e ? Mari sinen bagian sipeteluken
3. Tapi i bas kam la banci bage. Ise atena i bas kam jadi mehaga, ia arus jadi si ngelai nandangi kam. Ise atena jadi si arah lebe, arus maka ia jadi suruh-suruhen temanna kerina. Sabap Anak Manusia si isuruh Dibata reh labo guna ielai, tapi guna ngelai. Janah IendeskenNa KesahNa guna nebusi nterem jelma."
Nina Tuhan, kam la seri ras penguasa doni enda, kam la seri ras kalak bayak doni enda, kam la seri ras kalak perpangkat bas doni enda. Emaka ise atena ibas kam jadi mehaga, ia arus jadi si ngelai nandangi kam.... Rempet ku inget Paus Fransiskus.
Jadi teologi mindo, pindolah si ngena ate Tuhan idalankenndu bas doni enda.
Pindo lah sesuatu sibanci ngajari ras mabai kam ngelai kalak si deban.
Sue thema ta : jadilah pemimpin si ngelai.
Pemimpin ibas Konteks Kerajan Surga, adalah pemimpin si la lit kursina, gelah ula ia kundul saja bas kursi kerajaan na e. Tapi Pemimpin ibas Konteks kerajaan Surga emekap, pemimpin si la kem, si la mengisolasi diri, si la membuat tembok ras batas man dirina jine, tapi pemimpin si hadir selalu ditengah tengah jemaat na.
Emaka adi ketua kam, ula la balas ndu telpon tah WA, tah pe pertanyaan jemaat ndu. Amin ?
Pengkenaina
• Perlu kal sipahami lebih jelas kai kin sura sura Tuhan bas geluhta ope denga kit mindo man Tuhan, arah pertotonta, bage pe arah kesaksin kesaksin ta.
• Pindolah man Tuhan keperlunndu adi enggo iperjelasndu bandu kai kin situhuna misi siibereken Tuhan man bandu.
• Jadilah pemimpin si ngelai, pemimpin si selalau hadir ibas kerina permasalahan geluh jemaat, tah pe biri birina. Amin ?
Bujur ras mejuah juah kita kerina.
Pt. Analgin Ginting (Magister Ministri)
Komentar