Bilangan 24 : 1 - 3
Thema : Kataken Kata Tuhu
Bilangan 24:1-3 (KARO) Genduari nggo ieteh Bilham maka sura-sura TUHAN gelah ipasu-pasuna bangsa Israel. Emaka lanai idaramina tanda i bas Dibata nari, bagi si ibahanna ope denga si e. Itulihkenna ku gurun pasir,
idahna bangsa Israel erkemah rikutken suku-sukuna. Kesah Dibata ngkuasai Bilham,
jenari ibelaskenna nubuat enda, "Pedah si isehken Bilham anak Beor, perkatan kalak si terang pengenehenna,
Fakta Dan Makna
1. Genduari nggo ieteh Bilham maka sura-sura TUHAN gelah ipasu-pasuna bangsa Israel.
Sura sura Tuhan ieteh Bilham, janah sura sura e nandangi Bangsa Israel, labo nandangi Bilham sendiri. Siidah bahwa manusia banci ngeteh sura sura Tuhan. Ertina ieteh Bilham sura sura Tuhan si la berkaitan ras diri subjektif na. Usur kita mindo ngeteh sura sura Tuhan HANYA si berkaitan ras ego ta saja. Tapi adi alit sura sura Tuhan nandangi kalak si deban, usur kal la sisadari e.
Lebih mantap ka, sura sura Tuhan eme gelah ipasu pasuNa bangsa Israel. Luar biasa. Lit kalak si deban si labo kalak Israel, si tangtangna isuruh lako numpahi kalak Israel. Tapi pada kenyataannya pasu pasu si isehken Bilham (Bileam).
Bilham mengatakan sesuatu yang berbeda dan sangat berbeda dari keinginan hattinya.
Jika TUHAN menyuruh sesuatu yang berbeda bisa terjadi.
2. Emaka lanai idaramina tanda i bas Dibata nari, bagi si ibahanna ope denga si e. Itulihkenna ku gurun pasir, idahna bangsa Israel erkemah rikutken suku-sukuna.
Kenca ibegi Bilham sura sura Tuhan nandangi bangsa pilihenNA, lanai idaramina tanda ibas Dibata nari. Semua sudah jelas, labo ia ndarami tanda bas Dibata nari, tapi DIBATA sendiri reh ku Bilham. Enda perlu kal si renungken mbages mbages, labo perlu kal sidarami apalagi si rekayasa tanda bas Tuhan nari, tapi meteruk lah ukur mis pindo ku Tuhan info kai kin atendu sietehndu e. Langsung langsung saja.
Syarat na sada ngenca, meteruk ukur ras nikapken pusuh gelah lit ingan Tuhan ngerana man bandu.
Adi enggo begindu sora Tuhan e, kataken lah e uga lit na. Eme kata tuhu. Tuhu bas Tuhan pasti tuhu bas manusia. Tuhu bas Tuhan butuh proses gelah tengteng man manusia. Sebab kata Tuhan e seri piso bermata dua, banci ngeligas bage pe mpepalem. Kataken situhuna = Kataken kata Tuhan.
3. Kesah Dibata ngkuasai Bilham,jenari ibelaskenna nubuat enda, "Pedah si isehken Bilham anak Beor, perkatan kalak si terang pengenehenna,
Kesah Dibata ngkuasai Bilham, padahal ia ahli tenung (guru peramal) tapi Kesah Dibata e la terbatasi, ise pe la ngasup nolaksa. Dibata erkuasa ibas kalak sikugapa pe, emaka perlu kal kita kerina ngergai manusia e ise pe ia, kai pe agamana, kai pe pendahinna, uga pa pe orat geluhna.
Ise pe baci ipake Tuhan Dibata guna menyatakan kebenaran, termasuk Bilham dari daerah Timur Israel sekitar sungat Efrat. Kesah Dibata ngkuasai ia, emaka ngerana ia situhuna.
Kalak si ngerana erkiteken Kesah Dibata ngukasai ia, payo ras tuhu tuhu sebab terang pengenehenenna. Usur kita gelap dengan info e, sikataken, si bumbui ka. Perkataan sienda igelari HOAX, la mejila. Dem kebohongan ras kepalsuan.
Jadilah sekalak si ikuasai Kesah Si Badia, si kuasai pengenehenen si terang, maka beluh kam mbelasken kata tuhu.
Pengkenaina
1. Kita ipindo lako mbelasken kata tuhu, kata si rehna ibas Dibata nari. Kata tuhu e lanai berkaitan ras ego tah pe kepentinganta secara pribadi.
2. Gelah banci kita mbelasken kata tuhu kita perlu kal ikuasai kesah Si Badia. Emaka kalak si banci mbelasken kata tuhu, ia harus erpengendes ku Dibata. Janah adi enggo ibereken Dibata pengenehenen man banta, enggo jelas kal kerina, eme sibelsken. Amin.
Bujur ras mejuah juah kita kerina.
Pt. Analgin Ginting (Magister Ministri)
Komentar