Yohanes 13 : 31 – 35
Thema : Sikeleng-kelengen Min Kita
Yohanes 13:31-35 (KARO) Kenca Judas lawes nina Jesus, " Genduari ipetangkas me kemulian Anak Manusia si isuruh Dibata janah kemulian Dibata pe ipetangkas arah Ia.
Adi kemulian Dibata ipetangkas arah Ia maka Dibata pe mpetangkas kemulian Anak Manusia e i bas DiriNa, janah minter me IbahanNa.
O anakku, kentisik nari ngenca Aku ras kam. Idaramindu me pagi Aku. Tapi genduari Kukataken man bandu bagi si nggo Kukataken man kalak Jahudi e, 'Kam labo banci lawes ku inganKu e. '
Kubereken man bandu pedah si mbaru, e me: Sikeleng-kelengenlah kam. Bagi Aku nggo engkelengi kam, kam pe min arus sikeleng-kelengen.
Adi sikeleng-kelengen kam, kerina kalak meteh maka kam ajar-ajarKu."
Fakta Dan Makna
1. Genduari ipetangkas me kemulian Anak Manusia si isuruh Dibata janah kemulian Dibata pe ipetangkas arah Ia.
Enda me sada teologi si harus kal sipahami. Bahwa Motivasi tah dasar kekelengen Tuhan ibas Jesus Kristus (Anak Manusia) gelah ermulia Anak Manusia e, janah serentak ras sekaligus pe ermulia Dibata (Bapa) arah Ia. Ermulia Anak Manusia (la isebut ijenda Anak Dibata) sebagai simbol bahwa manusia e langa bene kemulianna. Manusia pe banci imuliaken ibas tah pe arah diri Tuhan Jesus (anak manusia itekanken ijenda) lako ngangkat manusia e. Pertanyaannya gundari, adi anak manusia (kam ras aku) ibere kemuliaan, apakah klita banci membuktiken bahwa kita memang manusia si ermulia ? Uga kin perbahanen manusia si enggo ipermulikan Dibata, sekaligus mempermulikan Dibata ? jawabanna itegas ken Yohanes selanjutna.
2. O anakku, kentisik nari ngenca Aku ras kam. Idaramindu me pagi Aku. Tapi genduari Kukataken man bandu bagi si nggo Kukataken man kalak Jahudi e, 'Kam labo banci lawes ku inganKu e. '
Idaramindu pagi Aku, kalak si enggo iperliken Tuhan Yesus, lit lalap sura sura na ndarami ras ndahi Tuhan yesus e. Tapi nina erbelas, ikataken Tuhan Yesus man murid muirid seri ras kai sienggo ikatakenNa man kalak Jahudi, bahwa “kam (manusia) labo banci lawes ku InganKu e. Ertina manusia enggo pe ia imuliaken labo banci lawes ku ingan Tuhan e. La banci. Emaka lo padah berupaya alu gegeh sendiri. Timai perkuah ate Tuhan.
Itegasken Tuhan Yesus, la lit gegeh, kemampuan, ide, gagasan, teknologi si banci mbabai manusia ku ingan Tuhan Yesus e.
3. Kubereken man bandu pedah si mbaru, e me: Sikeleng-kelengenlah kam. Bagi Aku nggo engkelengi kam, kam pe min arus sikeleng-kelengen.
Enda inti na kal, ibas manusia e enggo ipermuliaken Tuhan Yesus. Idilo Tuhan Yesus ia alu, o anakku. Jenari nina, enda me pedah simbaru, bahwa anak anak Tuhan Yesus si enggo ipermuliaken e ipindo sikeleng kelengen, seri ras Tuhan Yesus enggo engkelengi ia.
Intina, Tuhan Yesus engkelengi manusia, la nuntuk balas, tapi kai pe ibereke Tuhan Yesus e, alu tulus, alu sempurna, tepat waktu, ras Cuma Cuma, La lit kai pe ipindo Tuhan.
Manusia si enggo nggejap ipermuliakan Tuhan seri pola na ngkelengi ku kam teman teman na manusia ras Tuhan Yesus.
a. Tulus
b. Sempurna / la tanggung tanggung
c. Tepat waktu
d. La menuntut balas
Pengkenaina
1. Manusia si enggo ipermuliakan Tuhan, ipindo Tuhan ka gelah ia mperliaken Tuhan Ka. Jadi ipermulikan Tuhan anak Manusia, gelah Tuhan pe ipermuliaken ibas dirina. Si ganti Anak Manusia ras aku... Maka bagenda kalimatna, Ipermuliakan Tuhan aku, gelah Tuhan pe ipermuliaken arah diriku.
2. Buktina kam ras aku (manusia) enggo ipermuliaken Tuhan, teridah ibas perbahanen sikeleng kelengen. Anak Manusia nggeluh si keleng kelengen, janah adi lit kalak si banci ngkelengi, berarti tah labo ia Anak Manusia ?
Bujur ras mejuah juah kita kerina.
Pt. Analgin Ginting (Magister Ministri)
Komentar