Catatan Tambahan PJJ 29 September – 5 Oktober 2024

   1 Timotius 6 : 6 – 10

Thema :  Cukup Erkiteken Kai Si Lit

1 Timotius 6:10-16 (KARO)  Sabap merangap nandangi duit e me sumbul kerina kejahaten. Nggo lit piga-piga kalak si merangap nandangi duit lanai tetap i bas kiniteken janah gulut ukurna ibahan erbage-bage kecedan ate.

Tapi kam, o suruh-suruhen Dibata, tadingkenlah si enda ndai kerina. Usahakenlah ndalanken si ngena ate Dibata, tutus ersembah man BaNa, tetap ernalem ku Ia, cidahken keleng atendu, megenggeng dingen lemah lembut!

Erlumbalah asa gegehndu i bas perlumban kiniteken, guna ndatken kegeluhen si tuhu-tuhu man gunandu. Sabap guna kegeluhen si e me maka ipilih Dibata kam asum iakukenndu kinitekenndu i lebe-lebe nterem saksi.

I lebe-lebe Dibata, si mereken kegeluhen man si nasa lit bage pe i lebe-lebe Kristus Jesus, si erbahan pengakun si tuhu-tuhu i lebe-lebe Pontius Pilatus, kukataken man bandu gelah

ikutkenlah pedah-pedah e dingen jagalah gelah tetap bersih dingen la ceda, seh ku warina Tuhanta Jesus Kristus reh peduakaliken.

KerehenNa pagi Dibata ngaturkenca i bas paksana. Dibata Pemerentah Si Tonggal dingen Badia, Raja i bas kerina raja, dingen Tuhan i bas kerina tuan.

Dibata ngenca nggeluh rasa lalap. Ia nggeluh i bas sinalsal si ise pe la ngasup ndeherisa. Ise pe la pernah ngidah Ia, ise pe la banci ngidah Ia, terpujilah Ia janah iakuilah KuasaNa seh rasa lalap! Amin.

Fakta Dan Makna

1.    Sabap merangap nandangi duit e me sumbul kerina kejahaten. Nggo lit piga-piga kalak si merangap nandangi duit lanai tetap i bas kiniteken janah gulut ukurna ibahan erbage-bage kecedan ate.

Merangap nandangi duit e me sumbul kerina kejahaten.  Enda sada pengajaren si seh kal payona.  Bahwa merangap nandangi duit e, baci mengakibatkan erbage bage kecedaan ate.  Kai sebabna,  salah sada sebab na kalak si merangap nandangi duit, berati labo lit kinitekenna si paguh ras si benar nandangi Tuhan Dibata.  Duit akapna solusi ibas kerina kebutuhenna bas doni enda.

Kuakap melala kal kita si erpengakap bahwa duit me solusi ibas kerina masalahna.  Emaka uga gelah melala dat duit bage saja ibanna kerina pengkebetna.

 Tuhan  Yesus per pernah ngerana, ija hartandu ije me ukurndu.  Kalak si melala harta tah pe duitna, ku je ngenca ukurna.  Tuhan ras kerina persekutuan na la lanai ingetna.  Hati hati.

 Jadi kalak si merangap nandangi duit emekap kalak si merasa ras tek bahwa kerina masalah doni enda baci iselesaikan asal melala duit.  Hati hati ya teman.

Padahal Tuhan Yesus ngenca si banci menyelesaikan kerina permasalahan ibas doni enda.

 2.    Tapi kam, o suruh-suruhen Dibata, tadingkenlah si enda ndai kerina. Usahakenlah ndalanken si ngena ate Dibata, tutus ersembah man BaNa, tetap ernalem ku Ia, cidahken keleng atendu, megenggeng dingen lemah lembut!

Ijenda ibas ayat enda tegas kal Paulus ngajarken Timotius nina, “Tapi kam o suruh suruhen Dibata, tadingkenlah si enda ndai kerina.  Usahakan ndalanken si ngena ate Dibata, tutus ersembah man BaNa, tetap ernalem ku Ia, cidahken keleng atendu, megenggeng ningen lemah lembut!.”

Ajaran enda situhuna sangat dalam makna teologis na, ipindo Paulus man Timotius , tapi kam o suruh suruhen Dibata.  Ijelasken Paulus bahwa Timotius Suruh suruhen Dibata.  Sekalipun nggeluh bas doni enda, tapi Timotius iserapken jadi suruh suruhen Dibata.  Ertina seluruh sikap, karakter, pengkebet cita cita ras keinginan terdalam suruh suruhen Dibata e la seri (berbeda) ras kalak doni enda.

Adi kalak doni enda njadiken Duit solusina, maka suruh suruhen Dibata,  kepatuhan man Dibata jadi solusina.  Ertina suruh suruhen Dibata e sekalipun la daramina duit (bagi kalak Lewi) lit nge lalap sen na guna keperlunna.

 Suruh suruhen Dibata la baci njadiken duit jadi perayakenna. E berlaku la hanya nandangi Timotius, tapi kerina serayan Tuhan seh asa gundari, seh asa ndigan pe, seh rasa lalap bas doni enda la banci merangap nandangi duit.    Tapi nggeluh la apa adanya.  Asalai si lit ase cukup,  adi Thema PJJ ta minggu e

“Cukup erkiteken Kai si Lit “ Enda labo hanya sebuah thema, labo hanya sebuah kalimat.  Tapi enda sebagai sebuhan kenyataan atau kepastian si lit bas doni enda si isediakan Tuhan man kerina suruh suruhenna.

 3.    Erlumbalah asa gegehndu i bas perlumban kiniteken, guna ndatken kegeluhen si tuhu-tuhu man gunandu. Sabap guna kegeluhen si e me maka ipilih Dibata kam asum iakukenndu kinitekenndu i lebe-lebe nterem saksi.

Suruh suruhen Dibata, serayan Dibata ras keluargana kerina enggo iserapken Dibata, maka lanai perayaken doni enda jadi perayakenna, tapi erlumba bas perlumbaan kiniteken.  Erlumba perumbaan kiniteken enda, ertina sepanjang geluhna bas doni enda maka ia lit ibas kiniteken nandangi Tuhan Dibata.  Janah seluruh prestasi kegeluhenna, dasarna adalah iman.  Kai pe si lit ibas ia, idatna erkiteken kinitekenna man Tuhan Dibata.

Kai si jadi ibas ia, erkiteken kinitekenna man Tuhan Dibata

Kai pe sialamina erkiteken kinitekenna man Tuhan Dibata.

La lit kai pe kebiarenna erkiteken kinitekenna man Tuhan Dibata

Kai pe bias man bana erkiteken kinitekenna man Tuhan Dibata.

La lit kaipe sibanci terjadi bas keluargana, bas jabuna adi la kin buah kinitekenna man Dibata.

Kai lit e cukup, janah cukup kerina bas si lit e erkiteken kinitekenna man Tuhan Dibata.  Amin ?

Pengkenaina

1.     Kebayaken bas doni enda, ras kerina harta benda si lit bas doni enda, emas, pirak, sen, dollar, rupiah, riyal,  euro, syikal, yen ras sidebanna situhan lit iteruh Kuasa Tuhanta.  Ulanai kita lupa, kai pe mata uang e baci berekenNA man banta adi perlu akap Tuhan kita.  Emaka la padah siayaki, la padah kita merangap, tetap erpengendes man Tuhan.  Tuhan si ngeteh kerina keperlun anak anakNa, kerian keperlun saat gundari ras pe waktu si reh kerina suruh suruhenna.  Amin ?

2.     Mari si praktekken kerina kita suruh suruhen Tuhan, bahwa cukup ia kai pe lit bas kita.   Selebihna ras pe, sikurangna Tuhan sendiri nge nambahisa.  Sebagi bukti ibas 25 tahun terakhir enda, la lit anak anak pendeta si la mehuli sekolahna.  Kerina sekolahna meganjang ras lulus ibas perguruabn tinggi TOP nari.  Em buktina.   Amin.

  Bujur ras mejuah juah kita kerina.

Pt. Analgin Ginting (Magister Ministri)