Catatan Tambahan PJJ 23 – 29 April 2023

 1 KRONIKA 25 : 1-8

Thema : Pemain Musik Rumah Pertoton                

1 Kronika 25 : 1 – 8

Bahasa Karo

25:1        Raja Daud ras peminpin suku Lewi, milih terpuk-terpuk kalak Lewi mabai kebaktin: Asap, Heman ras Jedutun. Kalak e nehken kata Dibata, radu ras musik kulcapi ras gambus. Enda me daftar kalak si ipilih mabai persembahen rikut ras pendahin tep-tep terpuk bagi si enggo itetapken.

25:2        Empat anak Asap dilaki e me: Sakur, Jusup, Netania ras Asarela. Rikutken perentah raja, kalak i teruh pengaturen Asap enda nehken kata Dibata.

25:3        Enda me enem anak Jedutun si dilaki: Gedalya, Seri, Jesaa, Simei, Hasabia ras Matitia. Iteruh pengaturen bapana kalak enda nehken kata Dibata radu ras musik kulcapi janah ngendeken ende-enden pujin ras pengataken bujur man TUHAN .

25:4        Sepuluh empat anak Heman si dilaki e me: Bukia, Matania, Usiel, Sebuel, Jeremot, Hanania, Hanani, Eliata, Gidalti, Romamti Eser, Josbekasa, Maloti, Hotir, ras Mahasiot.

25:5        Heman e me nabi raja. Man bana enggo ibereken Dibata anak dilaki si sepuluh empat ras telu anak-anak diberu rikutken si enggo ipadanken Dibata, gelah mereken gegeh man Heman.

25:6        Kerina anakna si dilaki main kulcapi ras gambus i teruh pengaturen bapana ngikuti kalak ersembah i bas Rumah Pertoton. Asap, Jedutun, ras Heman lit i teruh perentah raja.

25:7        Kerina lit dua puluh empat kalak si beluh. Seninana suku Lewi enggo ahli main musik. Lit 288 kalak kerina.

25:8        Nentuken tugas si man dahinken ibahan tikam tanduk, subuk man kalak si enggo metua ntah nguda, man guru ntah si erlajar denga.

Sumber photo : https://www.jamaisdesista.com.br/2014/09/i-cr-251-54-davi-separa-para-o.html

Fakta Dan Makna

1.    Raja Daud ras peminpin suku Lewi, milih terpuk-terpuk kalak Lewi mabai kebaktin. Raja langsung turun tangan menentuken  ise si mbabai kebaktian I rumah pertoton.  La sembarangan kalak banci ras metunggung mbabai kebaktian e.  Eme Raja Daud ras pemimpin suku Lewi si enggo iserapken Tuhan ngenca banci pemimpin ibadah.  Salah sada nilai sejarah bas bagian enda emekap “Raja langsung ikut menentuken pemimpin ibadah” Puji Tuhan.

2.    Asap, Heman ras Jedutun. Kalak e nehken kata Dibata, radu ras musik kulcapi ras gambus. Enda me daftar kalak si ipilih mabai persembahen rikut ras pendahin tep-tep terpuk bagi si enggo itetapken .  Emaka sepakat me Raja Daud ras pemimpin Kalak Lewi bahwa si ertugas lako nehken Kata Dibata ras pemimpin pujin emekap Asap, Heman ras Jedutun.  Teridah ijenda maka nehken kata Dibata seri derajatna ras memimpin pujian.  Tugas nehken kata Dibata seri ras (derajat ras kualitas na) ras main kulcapi tah pe gambus.  Kata Dibata reh ibas Dibata nari , kulacapi ras gambus membuat focus, konsentrasi ras pusat pemikiran manusia  benar benar ku Dibata saja.  “ Kelengilah Tuhan Dibatandu asa ukurndu lit”,  uga kin kriteriana “asa ukurndu lit”.  Ibas sada penjelasan si pernah banca kami, Asa Ukurndu lit ertina seri ras suasana hati ras pikiran bagi pemani kulcapi ras gambus.  Seri ras suasana hati sanga kam rende muji Tuhan ras naktak iluhndu, pitpit matandu.  Cubaken min kam rende muji Tuhan, pitpitken matandu, janah hayati kal music ras syair lagu e,  bagi suasana e me situhuna ngkelengi ras nghamati Tuhan “ asa gegeh ku lit”

3.    Kerina anakna si dilaki main kulcapi ras gambus i teruh pengaturen bapana ngikuti kalak ersembah i bas Rumah Pertoton. Asap, Jedutun, ras Heman lit i teruh perentah raja.  Pemain music harus kalak si taat man bapana, sebab bapana nge si ngaturkensa ia main music I rumah pertoton. . Janah pemain music e pe kepeken turun temurun.  Pilihan Tuhan man sekalak permata si pemain Tuhan la lepas ibas toto bapana nari, la lepas ibas teladan orang tuana nari. Emaka sangap kal kerina kalak si ipilih man Musik I rumah pertoton.  Sebalikna pe sekalak bapa harus mpersiapkan anak anak na adi lit bakat music, gelah mehuli ras merandal main music I gereja.  Puji Tuhan.

 

4.    Nentuken tugas si man dahinken ibahan tikam tanduk, subuk man kalak si enggo metua ntah nguda, man guru ntah si erlajar denga.   Man kalak si enggo itentuken banci main music  pertoton, harus iperlakukan secara adil ras merata.  Emaka man kerina  kesusuren Asap, Heman, ras Jedutun si enggo terampil main music kulcapi ras gambus, seri kerina hak na mimpin pujian.  Tapi labo ka sekali main ia kerina. Hahaha.  Guna menentuken ise si ertugas, iundi kalak enda tupung e. (iundi). Bas gerejanta pe gundari si peseri lah hak kerina pemain music ta si terdaftar e.  Adi lit 5 pemain music ta, bahan lah ratur kerina jadwalna, gelah ermulia lalap Tuhan Dibata.

 

 Pengkenaina

·       Peranan peminpin pujian (pemain music) she kal pentingna ibas kebaktian, emaka harus lah ipersiapkan alu mehuli ise saja si memenuhi standar jadipemusik.  Sebab adi musikna mejile ras pas ritme ras waktu/ketuken na maka mejile nari nge pujian e. 

·       Orang tua bertanggung jawab mpersiapkan anak anakna jadi pemusik I gereja.  Sebab perban Asap, Heman ras Jedutun nge maka anak anakna ipercaya lako peminpin pujian.  Mari kita orang tua, sipersiapken alu jalan terbaik mendidik anak anakta pe guna beluh mimpin pujian ibas kebaktian minggu bagepe bas pjj tah PA PA. Amin.

Bujur ras mejuah juah kita kerina.  

Pt. Analgin Ginting.