Bahan Penelaahan
: Lukas 16 : 10 – 12
Thema : Tutuslah
ibas sikitik .
Lukas 16 : 10 – 12
16:10 "Ise pe situtus i bas si kitik, tentu tutus pe ia i
bas si mbelin; ise si la bujur i bas si kitik, tentu pe la ia bujur i bas si
mbelin.
16:11 Dage, adi la kam tutus i bas erta doni, labo ibereken man
bandu erta si tuhu-tuhu.
6:12 Janah adi la kam terteki nandangi sikerajangen kalak ise
nge si nggit mereken ertandu jine man bandu?
Sumber photo : http://renunganpdkk.blogspot.com/2015/11/kesetiaan.html
Fakta, Arti Dan Makna.
1. "Ise
pe situtus i bas si kitik, tentu tutus pe ia i bas si mbelin; ise si la bujur i
bas si kitik, tentu pe la ia bujur i bas si mbelin. Kitik lebe maka galang, mehuli si kitik tentu mehuli
ka adi enggo galang.
Sebab bageme salah prinsip ibas
kegeluhen I doni enda. Ise situtus ibas si
kitik, tentu tutus pe ia ibas si mbelin.
Sesuatu si ibiasaken kitik kitik nari, mehuli terus seh mbelin, seh dewasa
pe. Sebalikna pe bage ka, ise si la
bujur ibas si kitik, emaka ibas si mbelin pe ia labo bujur. Ibas ungkapan enda teridah rahasia si she kal
pentingna. Emaka adi ate jadi kalak si
tutus, tentu harus imulai ibas hal hal sikitik lebe. Tutus lah reh ku PJJ, emaka adi denggo kam
terpilih jadi anggota DPR tah anggota MPR kam pe tetap kalak tutus. Adi la kam bujur ibas hal sikitik, misalna
mbereken persepuluhan, kemungkinan besar adi enggo kam jadi kalak bayak,
pajakndu pe irekayasandu gelah ula melala nggalar. Payo kal tuhu kal bageme kinatana bas doni
enda. Jadi mari kita tutus ibas hal
sikitik, mari kita bujur ibas hal si kitik. Ibas si kitik e kita lebe sukses, emaka ibas
hal si mbelin pe kita sukses. Adi la
kita bujur ibas hal sikitik, emaka tentu
ibas hal si mbelin pe labo kita banci bujur. Mari siperdiateken pedah Tuhanta enda.
2. Dage,
adi la kam tutus i bas erta doni, labo ibereken man bandu erta si tuhu-tuhu. Lebih dalam itekanken Tuhanta Jesus, bahwa adi la kita tutus ibas erta doni, emaka labo
ibereken man banta erta situhu tuhu. Uga
kin tutus ibas erta doni ? Maksudna
tutus ngurus sa erta erta doni. Erta doni harus tutus ras mehuli car
anta ndatkensa ras pe ngurus sa. Ngurus
erta doni, HARUS kal sieteh prinsip na bahwa e erta doni. Labo e sipentingna, kal. Emaka tutus kerna erta doni ertina sieteh
nggunakensa erta doni e. Siinget apai si
harus sibagiken/sisumbangken man gereja ras lembaga lembaga si deban. Emaka adi tutus kita ngurus ras tah emperlakukan
erta doni e, emaka la banci lang, sieteh
batas batas na. Ula min erta erta doni
siutamana kel sibahan ibas geluhta, piah lanai siinget ku gereja tah ku PA Mamre. Amin ?
3. Janah adi la kam terteki nandangi sikerajangen kalak ise nge si nggit
mereken ertandu jine man bandu. Adi la kam tertei nandangi si
kerajangen kala, ise nge si nggit mereken ertand jine man bandu ? Adi sikerajangen kalak ula min si klaim jadi
sikerajangen nta, Sikerajangen kalak, ia
empuna emaka labo banci ate ate ta sibahan.
Tapia di terteki kita ngurus si kerajangen kalak, tentu ia pe berekenna
upahta, imbalanta si jadi erta ta, tah pe sikerajengennta. Amin? Emaka marilah tutus dingen terteki kita ibas
kita ibere tugas ras tanggung jawab ngurusi sikerajangen kalak. Sebab ibas waktuna pe iberekenna nge si jadi
sikerajengenta sekalak sekalak. Amin ?
Pengkenaina.
· Lit proses panjang
ibas ateta sukses bas doni enda, Bagi
nina Tuhan Jesus, ise situtus ibas dahin sikitik, makai a pe tutus ibas dahin
si mbelin. Siinget bahwa kinitutusen ta
e hasil ibas kebiasaan nari. Janah adi
tutus kita bas si kitik e, tentu bas dahin si mbelin e pe tutus ateta. Sebalikna adi la ia tutus ibas hal si kecil,
tentu bas hal si mbelin pe labo ia tutus.
Kita nge ngelatih dirinta jine guna banci tutus ibas dahin dahin si mbelin.
· Hal si mehuli
(positif) bage hal hal si la mehuli (negative) imulai ibas hal sikitik
nari. Lama kelamaan erbelinna
erbelinna. Emaka ula cuba cubaken
ngelakoken hal si mengandung dosa, dungna kari erusurna ras ertetapna kita ngelekokensa
piah dungna nggesuh ras ciga perbahanennta e.
Marilah siarahken dirint laki ngelakoken hal hal si erguna ras positif. Si pake metode, setia bas hal kitik tentu
setia ka ia ibas dahin si mbelin. Amin.
Bujur ras
mejuah juah
Pt Analgin Ginting
.jpg)
Komentar