1 KRONIKA 23:24-32
Thema : Aron Si Erdahin Ibas Rumah Pertoton
Lukas 2 : 51 – 52
Bahasa Karo
23:24 Enda me kesusuren Lewi rikutken terpuk ras keluargana.
Tep-tep kalak Lewi enggo isuratken rikutken gelarna. Tep-tep sinursur menaken
umur dua puluh tahun ntah lebih, itetapken erdahin i bas Rumah Pertoton TUHAN .
23:25 Nina
Daud, " TUHAN Dibata Israel enggo mereken man bangsaNa dame ras keamanen,
janah Ia jine tetap ringan i Jerusalem rasa lalap.
23:26 E
maka lanai perlu kalak Lewi maba Kemah Perjumpan TUHAN ras barang-barang si
ipake i bas persembahen."
23:27 I
bas perentah Daud si perpudina maka kerina kalak Lewi isuratken erdahin kenca
umurna dua puluh tahun ku das,
23:28 jenari
tetap erdahin bagi si tersena enda: nampati kesusuren
Harun i bas persembahen i bas Rumah Pertoton, pekena-kena kesain ras
bilik-bilik Rumah Pertoton, njagai gelah badia tiap barang-barang si badia;
23:29 nikapken persembahen pangan man Dibata, nikapken tepung si
ipergunaken guna persembahen-persembahen, nikapken cimpa si la tama ragi,
persembahen si ipanggang, ras nikapken tepung si iaduk ras minak saitun dingen
sukat-sukat ras timbangen;
23:30 janah ertoto ras muji TUHAN tiap erpagi-pagi ras karaben
23:31 janah sanga persembahen man TUHAN itutung i bas wari
Sabat, i bas wari Raya Bulan Mbaru ras wari-wari raya si deban. Ibahan
peraturen si netapken teremna kalak Lewi guna ndahiken dahin enda i bas kerina
paksa-paksa.
23:32 Kalak enda itetapken pekena-kena Kemah Perjumpan TUHAN ras
Rumah Pertoton nampati senina-seninana kesusuren Harun i bas rumah persembahen.
Sumber photo : https://gbaringkasanpl.wordpress.com/
Fakta Dan Makna
1. Enda me kesusuren Lewi rikutken terpuk ras
keluargana. Tep-tep kalak Lewi enggo isuratken rikutken gelarna. Tep-tep
sinursur menaken umur dua puluh tahun ntah lebih, itetapken erdahin i bas Rumah
Pertoton TUHAN. Baci jadi satu satunya kesusuren / suku si dahinnna
Dibata sendiri netapkensa emekap Suku Lewi.
Suku Lewi /Kesusuren Lewi (Lewi = salah sada anak Jakub) itetapken
erdahin ibas Rumah Pertoton, janah mulai erdahin adi umurna menaken 20
tahun. Emaka kerina keluarga, terpuk
tep tep kalak Lewi isuratken (ibahan catatanna)
rikutken gelarna terus ku sinursurna.
Jelas siidah maka keluarga Lewi enda tercatat kerina mau sejak awal, she
asa gundari. Tuhan nuruh kalak Lewi jadi
symbol maka Tuhan nuruh kerina jelma (si nggejap pusuhna isuruh) erdahin ibas rumah
pertoton. Labi guna kemualiaan
kesusuren Lewi saja maka Ia itetapken Dibata erdahin I rumah pertoton, tapi
sebagai bukti bahwa ise pe banci suku Lewi I tengah tengah Gereja Tuhan segalam
tempat ras segala jaman.
2.
Daud nekanken
ras njelasken mulihi tugas ras tanggung jawab Kesusuran Lewi I Rumah Pertoton . Salah sada
tugas terpenting Raja Israel emekap memastikan ibadah penyembahan ras pemujian
man Tuhan tetap banci idalanken alu mehuli.
Emaka Daud sediri selaku Raja menekankan tugas tugas kesusuren Lewi
secara detail, ras pe kerina urut uruten tugas tugas I rumah pertoton e.
·
Tuhan ringan I Yerusalem ras lalap.
·
Lanai perlu kalak Lewi mbaba Kemah Perjumpaan Tuhan
·
Kalak Lewi isuratken erdahin kenca umurna masuk ku 20
tahun
·
nampati
kesusuren Harun i bas persembahen i bas Rumah Pertoton,
·
Pekena-kena kesain ras bilik-bilik Rumah Pertoton,
·
Njagai gelah badia tiap barang-barang si badia
·
Nikapken persembahen pangan man Dibata,
·
Nikapken tepung si ipergunaken guna
persembahen-persembahen,
·
Nikapken cimpa si la tama ragi, persembahen si
ipanggang,
·
Nikapken tepung si iaduk ras minak saitun dingen
sukat-sukat ras timbangen
·
Janah ertoto ras muji TUHAN tiap erpagi-pagi ras
karaben
·
Janah sanga persembahen man TUHAN itutung i bas wari
Sabat, i bas wari Raya Bulan Mbaru ras wari-wari raya si deban. Ibahan
peraturen si netapken teremna kalak Lewi guna ndahiken dahin enda i bas kerina
paksa-paksa.
Luar biasa kal intruksi Raja guna ngatur
persembahan man Tuhan. Kerina bangsa
bangsa ibas doni enda perlu kal ngikuti kai sinibahan Daud ibas bangs ana sendiri. Gelah jelas kerina banci idalanken persembahan
man Tuhan simada sinasana. Amin.
3. Kalak enda itetapken pekena-kena Kemah Perjumpan
TUHAN ras Rumah Pertoton nampati senina-seninana kesusuren Harun i bas rumah
persembahen . Kalak Lewi
itetapken erdahin I rumah pertoton, secara total (focus 100 %) kenca umurna 20
tahun. Ertina bage sekalak Lewi enggo she
umuhen emerna erdahin, lanai banci dahikenna dahin si deban selain I Rumah
Pertoton/ Rumah Persembahan man Dibata.
Janari ia man ? Tuhan si ngaturkensa.
Salah sada bagian perpuluhen emekap sumber penghidupan Kalak Lewi. Tuhan sncukupisa. Jelas banci si simpulken bahwa, dahin rembak
ras Tuhan Fokus ngelai Tuhan labo erbahanca sulit ekonomi keluarga, tapi Tuhan Si Melias si ngaturkensa.
Amin. Ula mbiar erdahin I Peken Anggur
Tuhan. Tuhan sendiri si ngatur
rejekinta.
Pengkenaina
·
Sangap kal kalak Lewi, sangap kal
kerina kalak si nggit erdahin ngelai ia secara total dan menyeluruh. Tuhan sendiri si nampati ras si ngasuhi kerina
kalak si berkomitmen erdahin I rumah pertoton.
Pendeta si melayani secara total, misalnya jadi misionaris pasti ikawali
Tuhan kegeluhenna.
·
Kerina kita idilo Tuhan gelah nggit
erdahin I rumah pertoton Tuhan. Mari
sigejapken pendilo Tuhan, jenari ikuti IA.
Pasti Tuhan si nggenapi kerina kebutuhen ta. Amin?
·
Mari erdahin kita bagi kalak si jadi
sada aron I peken anggur Tuhan. Kita harus
ngasup iberi masukan, ikritik, ngaku salah ras nggit terus erlajar ras erlajar
gelah erulina kualitas pendahinta I rumah persembahan. Amin.
Bujur ras mejuah juah kita kerina.
Pt. Analgin
Ginting.
.jpg)
Komentar