Featured Post

Catatan Tambahan PJJ 16 - 22 Februari 2025

Gambar
  Sermon Berdasarkan 1 Timotius 6:20-21 Thema: Kep-kep Alu Mehuli – Jagalah dengan Baik Pendahuluan Saudara-saudara yang dikasihi Tuhan, dalam perjalanan kehidupan kita, kita sering kali dihadapkan pada tantangan untuk tetap teguh dalam iman dan nilai-nilai yang telah dipercayakan kepada kita. Dalam 1 Timotius 6:20-21 , Rasul Paulus memberikan peringatan dan nasihat penting kepada Timotius, seorang pemimpin muda dalam gereja, agar menjaga apa yang telah dipercayakan kepadanya . Paulus menekankan pentingnya kesetiaan dalam iman, menjauhi perdebatan yang tidak membangun, dan waspada terhadap ajaran yang menyimpang . Nasihat ini tidak hanya relevan bagi Timotius pada zamannya, tetapi juga bagi kita di zaman sekarang. Oleh karena itu, tema kita hari ini adalah “Kep-kep Alu Mehuli – Jagalah dengan Baik” . Seperti seorang penjaga yang bertanggung jawab atas harta yang berharga, kita dipanggil untuk menjaga iman dan ajaran yang benar agar tidak tersesat dalam ajaran-ajaran yang menyesatka...

Catatan Tambahan PJJ 9 – 16 April 2023

 1 Johanes 4 : 7 – 12

Thema : Rutang Si Keleng kelengen               

1 Johanes 4 : 7 – 12

Bahasa Karo

1 Yohanes 4:7-12 (KARO) 

O kam si kukelengi, sikeleng-kelengenlah kita, sabap kekelengen e rehna i bas Dibata nari kap. Kalak si erkeleng ate, anak Dibata kap ia janah itandaina Dibata.

Kalak si la erkeleng ate, labo itandaina Dibata, sabap Dibata kekelengen kap.

Dibata nggo ncidahken KekelengenNa man banta alu nuruh AnakNa Si Tonggal ku doni enda, gelah kita nggeluh arah Ia.

Enda me kekelengen e: labo kita si nggo ngkelengi Dibata, tapi Ia nge si ngkelengi kita. Emaka IsuruhNa AnakNa ku doni enda gelah arah Ia kita iperdameken ras Dibata alu ngalemi dosa-dosanta.

kam si kukelengi, adi bagenda kin kelengna ate Dibata man banta, kita rutang sikeleng-kelengen sapih-sapih kita.

Aminna ise pe la nggo ngidah Dibata, tapi adi sikeleng-kelengen kita, Dibata ringan i tengah-tengahta janah KekelengenNa jadi serta i tengah-tengahta..

Fakta Dan Makna

1.    O kam si kukelengi, sikeleng-kelengenlah kita, sabap kekelengen e rehna i bas Dibata nari kap. Kalak si erkeleng ate, anak Dibata kap ia janah itandaina Dibata.  Rasul Johanes ibas suratna si pemena enda berusaha njelasken ras mendorong perpulungen ngangkai ras mpraktekken si keleng kelengan .  I Mulai na ibas ia nulis surat, O Kam si kukelengi nina. Mari kita si keleng kelengen, sebab kekelengen e rehna ibas Dibata nari. Ijelasken JOhanes bahw kekelengen e rehna ibas Dibata nari.  Ertina praktek si keleng kelengen situhuna ipindo ras ibereken Dibata man manusia.   Janah itegaskenna pe bahwa kalak si erkeleng ate itandaina Dibata sebab ia anak Dibata.  Ngkelengi kalak sideban emekap membutikan diri anak Dibata, ras nandai Dibata.  Labo gelah ngarapken ka ikelengi kalak sideban.  Sebab lit kang enterem jelma “tempa kelengina kalak, tapi situhuna gelah ia pe ikelengi kalak e “ ada udang di balik bakwan”  hahahha.

 

2.    Kalak si la erkeleng ate, labo itandaina Dibata, sabap Dibata kekelengen kap.  Enda me jawaban kerna dasar kalak si egois, kalak si la banci ngkelengi kalak si deban.  Bahwa adi lit kalak si la banci ngkelengi kalak si deban, erkiteken la jelas ia nandai Dibata.  Ia lit ibas biaren lalap bas geluh enda, janah mind set na pe untung rugi.  Labo banci ia ngkelengi alu tulus.  Kai siniberekenna, harus Kembali ka bage, bahkan dengan jumlah yang lebih besar.

 

3.    Dibata nggo ncidahken KekelengenNa man banta alu nuruh AnakNa Si Tonggal ku doni enda, gelah kita nggeluh arah Ia lalap.

Nandai Dibata à Ngkelengi Kalak Sideban.  Nandai Dibata eme awal banci ngkelengi.  Uga maka banci itandai Dibata, man kalak perdosa ?  Tentu Dibata nge lebe mpetandaken diriNA man manusia e.  Janah dasarNa Dibata mpetandaken diriNA, epe erpalasken KekelengenNa si la ersibar.   Lit sada nari syarat emekap “Uga Dibata mpetandaken diriNA janah, manusia banci nandai diriNA.  Harus lah DIBATA e ibas bentuk si banci mesunah itandai manusia, emaka isuruhNA anakNa si Tonggal Jesus Kristus. 

 

4.    Enda me kekelengen e: labo kita si nggo ngkelengi Dibata, tapi Ia nge si ngkelengi kita. Emaka IsuruhNa AnakNa ku doni enda gelah arah Ia kita iperdameken ras Dibata alu ngalemi dosa-dosanta.  Jadi adi ipindo Dibata kita si keleng kelengen, perban IA sendiri leben enggo ngkelengi kita alu nebus dosa dos anta.  Dosa manusia e, itebusi alu Diri anakNa si tonggal e, Syaratna tek maka anakNa si tonggal e TUHAN kap. Tuhan Dibata la pernah nuruh manusia si la kin banci ilakoken manusia e, emaka adi ipindo Tuhan Dibata kam ras aku si keleng kelengen sebab enggo ipengasup ras ipetunggung DIBATA manusia e

·       Ikelengi Dibata Manusia, alu mbereken AnakNa si tonggal, gelah dosa dosa manusia e ibersihken.

·       Adi Manusia e enggo ltebusi ibas dos ana nari, maka lanai ia egois mempertahankan/menyelamatken diri sendiri.

·       Adi egoisme enggo bene, emaka banci manusia ngkelengi Tuhan ras manusia alu payo.

 

Sumber photo : https://www.bible.com/bible/111/1JN.4.7-12.NIV

Pengkenaina

·       Si pentingna kal si banci ilakoken manusia bas doni enda emekap menyadari ras tek bahwa dirina enggo leben ikelengi Dibata ras itebusi Dibata ibas dosa dosa nari.

·       Emaka adi isadari Kelengen Dibata e, maka naktak iluhta nginget ibas IA ngkelengi manusia alu kematen anakNA si tonggal e.  Jenari maka kita harus lah si keleng kelengen .  Mari sibuktiken bahwa kita nandai DIbata si melias e alu kita pe sikeleng-kelengen. 

·       Ibas kita ngkelengi kalak sideban, labo perban mbue bas kita, tapi situhuna kal kita nggalar utang si labo mungkin tergalar kita.  Melala utangta man Dibata, janah sigalari alu si keleng kelengen.  Tapi 1000 tahun pe kita nggeluh bas doni enda labo mungkin tergalari kita “utangta “ man Tuhan Dibata. Amin  

 

Bujur ras mejuah juah kita kerina.  

Pt. Analgin Ginting. 

Komentar

Nangin mengatakan…
Lakin salah bahan pjj e pak
Analgin Ginting mengatakan…
Oh Bas siapai akapndu si salah e ?
Analgin Ginting mengatakan…
Kenca kuulihi ku nen, ternyata li salah ibas aku ngutip ayat na. Kepeken Alkitab Elektronik LAI si berbahasa Karo lit keliruna ibas nulis ayat 1 Johanes 4 : 7 - 12 si berbahasa Karo.
Emaka gundari enggo kusesuaikan.

Bujur ibas persinget ndu si nuduhken ketelitianndu. Salam Hormat.

Postingan populer dari blog ini

Penataan Adat / Matius 15:1-9 (Pekan Penatalayanan Keenam)

Catatan Tambahan PJJ 07 – 13 April 2024