Minggu 30 April 2023
|
Invocatio
|
1 Sam 4 : 5 . Kenca
Peti Perpadanen e seh, ersurak kal bangsa Israel alu sora megang perban
riahna ukurna seh maka kumeter taneh ibahanna.
|
|
Ogen
|
Masmur 18 : 47 - 51
|
|
Khotbah
|
Ketangkasen 19 : 5 –
8
|
|
Thema
|
Ersurak Janah Meriah
|
Ketangkasen 19 : 5 – 8
19:5 Kenca bage terbegi sora i bas kursi
kinirajan e nari nina, "O
kerina juak-juakNa, subuk si mbelin bage pe si kitik, si erkemalangen man baNa,
pujilah Dibata!"
19:6
Jenari kubegi bagi sora sada
perpulungen si mbelin, bagi sora air sampuren si mbelin nina, "Pujilah Dibata! Sabap Tuhan Dibatanta si Mada Kuasa
e, enggo kap jadi Raja!
19:7
Ersuraklah
kita janah meriahlah siakap. Sipujilah Ia! Sabap enggo seh paksana kerja erdemu
bayu Anak Biri-biri e, janah Pengantin si Diberu enggo dung ersikap guna kerja
e.
19:8
Pengantin si Diberu e enggo make uis
mbentar si erkilat-kilat." (Uis mbentar e, e me perbahanen si mehuli si
ilakoken anak-anak Dibata.
Sumber photo : https://www.seeyouinheaven.life/tag/revelation-195-6/
Pembukaan
Shaloom senina ras turang ibas kekelengen
Tuhan ta Jesus Kristus. Pernah nge ukurindu apai
waktu si lebih penting ras lebih menentuken bas geluhta? Waktu si lewat, waktu
si gundari tah waktu si pepagi ?
Ku je me kita ibabai arah renungen khotbahta
ibas minggu enda.
Fakta dan Makna
1. Kitab
Ketangkasen termasuk kitap Apokaliptik si dem alu symbol symbol sehingga ngantusisa
pe berbeda ras kitab kitab sidebanna. Salah sada kunci guna
ngantusi/memahami Kitab Ketangkasen enda
emkap mpergermeti dimensi waktu ibas kejadian si itulisken. “Terbegi
Sora ibas Kursi Kinirajaan e nari nina : "O kerina juak-juakNa, subuk si
mbelin bage pe si kitik, si erkemalangen man baNa, pujilah Dibata!". Sora enda ibegi Rasul Yohanes sanga ia ndatken
sada pengenehenen, jadi labo enda menggambarken situasi si gundari, tapi
menggambarken situasi si reh pagi. Jadi
labo arah panca indera na begi Yohanes sora e, tah pe idahna kejadian e. Melainkan Situasi si pepagi sinigambarken gundari
nari. Gundari ibegi Yohanes tapi
pagi / denggo langabo ieteh kal ndigan persis na kejadian e. Tentu lit tujuanna lako mpersingeti kerina si
ngoge surat enda, gelah iaturna perbahanenna gundai nari. Endam ia siidah fakta si pertama. Engkai maka gundari ipersingeti tentu palas na
keleng ate Dibata, gelah lit perobahan gundari nari man kerina si mbaca surat /
kitab enda.
2. "Pujilah
Dibata! Sabap Tuhan Dibatanta si Mada Kuasa e, enggo kap jadi Raja! Arah nas enda pe banci siantusi kai pagi si terjadi ibas ujung kegeluhen bas doni
enda. Lit terbegi Rasul Yohanes bas
pengenehen si idahna bahwa Tuhan Dibata Si Mada Kuasa pagi jadi Raja si memimpin kerina si nasa lit. Emaka patutkal Si Puji Dibata. “Pujilah Dibata," mulai gundari nari sipuji Dibata,. sebab
IA pagi jadi Raja e. Bas sienda banci
siidah ras sipahami bahwa sekalipun enda hanya pengenehenen, tapi Dibata jadi
Raja e jadi sada kepastian. Adi lit
Raja, tentu lit rakyatna, adi lit Raja ras Rakyatna tentu lit denga kegeluhen
e. Ise si jadi Raja emekap TUhan Dibata,
ise si jadi Rakyat, tentu kerina manusia si pernah nggeluh bas doni enda, janah
ipilih TUhan si jadi Raja e ia kerina sada persada. Simada Kuasa e lah si menentuken ise si ipilihna
jadi rakyatNA, alu keleng ateNA. Adi
sibegi turi turin enda, nungkun pusuhta
uga maka banci ikut aku mbegi kisah Ketangkasen enda ? Ras banci ka kuangkai ? Tentu perban Tuhan si ngaturkensa, berarti masuk/ikut
aku ibas kalak siikelengi Dibata, emaka
aku me pagi jadi rakyatNa sanga Tuhan Dibata e enggo jadi Raja. Puji Tuhan. Puji Dibata. Adi begindu gundari bas minggu tanggal 30
April 2023 Kitab Ketangkasen enda ikhotbahken, e perban perkuah ate Tuhan
Dibata e. Labo perban tukurndu tiket ndu
masuk kam ku Gereja enda. Terjeng je ma
enggo jelas senina ras turang ?
3. Ersuraklah
kita janah meriahlah siakap. Sipujilah Ia! Sabap enggo seh paksana kerja erdemu
bayu Anak Biri-biri e, janah Pengantin si Diberu enggo dung ersikap guna kerja
e. Uga respon ta adi kita
ipilih Tuhan lako ngidah kerja erdemu bayu Anak Biri Biri e (Tuhan Yesus) janah
pengantin si diberu enggo dung ersikap guna kerja e. Ise pengantin si diberu (Bahasa
symbol) emekap kerina manusia si ipilih Tuhan Dibata simada kuasa si jadi Raja
e. Kam pe aku pe. Adi bage adi kita ipilih gundari nari lako
jadi penganten si diberu pepagin, meriah tah lang ukurta gundari ? Tentu meriah ninta kerina. Adi bage mari ersurak kita ras meriahlah
siakap. Aku meriah kal kuakap bas geluhku,
kam pe meriahlah akapndu nandangi geluhndu, janah kita kerina meriah lah siakap nandangi geluhta. Mari ersurak
kita, mari meriah surakta senina ras turang.
Gundari kita ipilih guna kerja sinandangi reh. Tuhan Dibata Raja ta, kita kerina
rakyatNa. Emaka uga suina pe gundari
siakap bas geluhta, bas paksana pagi jadi "penganten si diberu" kita janah
penganten si dilaki Tuhan ta Jesus Kristus.
Surrrrraaaakkkkkkkk.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Jadi
adi siukuri teluna dimensi waktu e, si enggo
lewat, si gundari si sanga terjadi, ras pe si pepagi apai nge sipaling penting senina
ras turang ? Si gundari lewat jadi enggo lewat, sigundari
menentukan ija kita ibas masa depan. Alu
bage dage si penting na kal bas waktu e emekap sigundari. Yang sekarang, Now atau Present. Emaka “Now” entahpe gundari nge si penting na
kal senina ras turang. Si gundari e nge menentuken kai pagi sitadingken, janah sigundari e nge pagi jadi tah lang kita jadi penganten si diberu
e. Kai si lakukenndu ibas paksa si
gundari, what are you doing in present
day determine your future. Kerina upaya ras sumber daya si lit bas kita
siaturken lah erbahan si mehulina. Atur
sikapta, atur prilakuta, atur per ku gereja ta gelah mehuli sitadingken kita, meriah
lah ukurta.
2.
Ersurak
lah meriah lah… Em dahinta si sipaling
penting selaku kita enggo ipilih Tuhan jadi "penganten si diberu" . Woow sangap
kal kita turang senina, Tuhan ngkelengi kita. Kai gia terjadi ras sinialami kita gundari, tapina pasti nge pagi kita jadi rakyat Tuhan, janah Tuhan sendiri Rajata
ta. Puji TUhan, Puji DIbata, Puji Tuhan
segedang gedang geluhta. Lanai lit si
man biarenken bas doni enda, Surrraaaakkkk meriah kita kerina.
3.
Adi
bage, kai pe sidahiken gundari (now) simehulinalah kerina janah sidahiken alu
total, tutus, la biar biaren, la lit kesangsinnta. Amin ?
. Bujur Ras mejuah juah kita kerina
Pt Analgin Ginting
Komentar