1 Korinti 12 : 1 – 7
Thema : Ernanam Man Kerinana
1 Korinti 12 : 1 – 7
Bahasa Karo
12:1 O, senina-senina,
la ateku la ietehndu kerna pemere-pemere si rehna i bas Kesah Si Badia nari.
12:2 Ietehndu maka asum kam perbegu denga, tah
kuga gia deba carana, tapi si e kerina mabai kam gelah papak maka nembah man
berhala-berhala si pekak.
12:3 Arus ietehndu maka labo lit ise pe si ngataken, "Kena
sumpahlah Jesus," adi alu penjemba Kesah Dibata. Bage pe labo lit kalak si
ngasup ngakuken, "Jesus Tuhan kap," adi la alu penjemba Kesah Si
Badia.
12:4 Erbage-bage pemere Kesah, tapi sada nge
Kesah si merekenca e.
12:5 Erbage-bage dahin
guna mereken penampat, tapi sada nge Tuhan si mada dahin e.
12:6 Erbage-bage dahin si man dahin, tapi
sada nge Dibata si mada dahin e, e me si mereken kengasupen man kerina kalak
guna ndahiken dahinna si khusus.
12:7 Guna kerinana nge maka man banta
sekalak-sekalak ibereken pemere si ncidahken maka Kesah erdahin kap.
Sumber photo : https://dailyverse.knowing-jesus.com/1-corinthians-12-1
Fakta Dan Makn
1. O, senina-senina, la ateku
la ietehndu kerna pemere-pemere si rehna
i bas Kesah Si Badia nari. Penjelasan teologis Paulus
man jemaat I Korintus ibas perikop enda
mempunyai makna teologis si sangat sangat mendalam. La ateku la ietehndu = perlu kal ietehndu, (rugi kal kam, ketadingen
kal kam adi la ietehndu). Kerna kai
kerna pemere pemere ibas Kesah Sibadia nari.
Itekankan Paulus maka perlu ieteh, iangkai, iteki kerina kalak Korintus
bahwa lit pemere pemere ibas Kesah Si Badia nari. Jenari ibas 4, 5, 6 iuraiken Paulus alu
sangat mendasar nina
·
Erbage bage pemere Kesah, tapi sada ngenca Kesah I merekenca
·
Erbage-bage dahin guna mereken penampat, tapi sada nge
Tuhan si mada dahin e.
·
Erbage-bage dahin si man dahin, tapi sada nge Dibata
si mada dahin e, e me si mereken kengasupen man kerina kalak guna ndahiken
dahinna si khusus
Jadi arah penjelasan Paulus enda
banci siidah bahwa Kesah mempersatukan, bukan memecah. Kesah e ibereken Dibata, gelah dahin dahin
Dibata banci idalanken kalak sitek nandangi Kesah e
2. Arus ietehndu maka labo lit ise pe si ngataken,
"Kena sumpahlah Jesus," adi alu penjemba Kesah Dibata. Bage pe labo
lit kalak si ngasup ngakuken, "Jesus Tuhan kap," adi la alu penjemba
Kesah Si Badia. Kesah e enggo iperjelas arah ayat enda, bahwa kata kata tahpe sebutan “Kena
sumpahlah Jesus” la mungkin reh ibas penjemba Kesah Si Badia. Sebab Kesah Si Badia sada visi, sada misi, sada
sura sura, sada penggejapen ras TUHAN YESUS, Sebab duana kin IA TUHAN. Emaka adi lit kata kata Jesus Tuhan Kap,
enggo pasti reh ibas Kesah Si Badia nari.
Uga adi sinik ngenca, la ia erbelas ise Jesus e, jelma si bage me si
langa ngangka ise kin Kesah Si Badia e.
Sebab adi enggo iangkana ras tek ia, maka ermburak burak kin ibas
pusuhna lako ngataken Jesus e Tuhan kap.
Penjemba Kesah SI Badia nge maka pang kalak si tek ngatakensa Jesus Tuhan
Kap. Buktiken dage dirindu maka kam ngangkai
dingen tek kal man Kesah SI Badia e, alu ngataken “ Jesus Tuhan Kap”. Kataken usur bas pusuhndu Jesus Tuhan Kap,
Kataken man kalak sideban Jesus Tuhan Kap.
Jesus Tuhan Kap, lukisken kata kata enda ibas pusuhndu si mbagesna kal.
3. Guna kerinana nge maka man banta sekalak-sekalak
ibereken pemere si ncidahken maka Kesah erdahin kap. Lit beda na si sangat mendasar pemere jelma man
bandu ras pe pemere Kesah Si Badia man bandu.
Kai bedana ? Adi pemere jelma man
bandu e ngadi bas kam. Pemere jelma e
hanya man bandu. Contohna piagam. Adi ibereken man bandu piagam, man bandu
ngenca erguna piagam e. Piagamndu asa ndigan
pe la bo lit gunana man aku. Piagam si
man bangku pe, labo lit gunana man bandu.
Bagem adi pemere jelma (Lembaga, sekolah, pribadi simberekensa) gunana
hanya man bandu. Tapi adi pemere Tuhan tah pe pemere Kesah Si Badia, erguna man
kalak sienterem. Ernanam man kalak sienterem. Contoh adi bereken Tuhan man bandu, karunia
ertoto, emaka adi ertoto kam, dame kin mis akap kalak sideban. Adi ertoto kam
mis malem pinakit kalak sideban. Jadi man kalak sienterem kin nanamna karunia
si reh bas Tuhan nari e. Jadi jelas kal
bedana. Emaka salah adi nindu karunia
bas Tuhan nari, tapi la lit dat kalak sideban nanamna. Emaka sadarilah e teman, piga kalak nge enggo
l
lit singataken ernanam kal akapna kegeluhenndu?
Enggo lit ? Adi langa lit pindo pemere Kesah Si Badia, gelah arah
dirindu, arah talentandu, arah karunia si lit bas kam dat kalak sideban nanamma
si entabeh ras si positif. Nanam si
paling tinggi kualitas na bas kegeluhen enda, adi arah dirindu ernaman kal
akap kalak penguatan kinitekenna man Tuhan. Amin ?
Pengkenaina
· Tek lah kita bahwa pemere Kesah Si
Badia lit denga asa gundari, asa ndigan
pe selama kegeluhen lit bas planet enda.
Lit na pemere Kesan Si Badia labo ban I rayu manusia Tuhan, tapi
erkiteken Tuhan nge si kin ateNa mbereken pemere Kesah e. Banci si pindo, tapi
Tuhan nge memutusken untuk mbereken man bandu pemere / Karunia siapai, Tapi labo banci ipelajari pemere Kesah Si
Badia e. Ula akapndu adi erlajar kam, ibereken Tuhan nari nge Kesa Si Badia e
man bandu. Labo bage.
·
Adi ibereken Tuhan pemere Kesah Si
Badia e man bandu, maka si nggejapken nanamna kalak si deban. Keluargandu, teman temanndu sesama pengurus
kategorial, teman temanndu sesama serayan Tuhan, bagepe teman temanndu ibas
ingandu erdahin, tah pe teman temanndu sesama jemaat. Misalna Kam kalak penyabar (Em Pemere Tuhan
man bandu) tentu kalak sideban nge ngenanamisa buah kinisabarenndu e. Atau pemere Tuhan man bandu, karunia penyembuhan. Asal ertoto kam malem nari kin kalak mis, tentu
ma kalak sideban nge nge nanamisa. Emaka
geluh situhu tuhu idemi pemere Tuhan, emkap geluh si ernanam man kalak sideban.
Amin?
Bujur ras mejuah juah kita kerina.
Pt. Analgin
Ginting.
Komentar