Minggu Passion I/ Estomihi
Jadilah Man Bangku Lingling Kecion
(Rupa Liturgi : Ungu )
|
Invocatio
|
tapi panah Jusup
tetap paguh, janah tanna tetap megegeh, erkiteken gegeh Permakan si Mada Kuasa
Dibata Jakup, Sekawal Israel. Kejadian 49 : 24
|
|
Ogen
|
Matius 16 : 21 – 24 (Responsoria)
|
|
Khotbah
|
Jesaya 50 : 4 – 6 (Tunggal )
|
|
Thema
|
Tuhan Mereken
Pengertin I Bas Kiniseraan
|
Khotbah Jesaya 50 : 4 – 6
50:4 TUHAN si Erdolat enggo ngajari aku ngerana, gelah banci
kupegegehi kalak si latih, alu kata-kata. Tep-tep
erpagi-pagi ipekekeNa ukurku, lako ndengkehken pengajarenNa man bangku.
50:5 Ibereken TUHAN man bangku pengertin e maka la aku surut i
bas Ia nari, la aku ngelawan.
50:6 Kutareken gurungku man kalak si mekpek aku, bage pe
isangku man kalak si ngeruah janggutku. Megombang kalak bangku, icidurina
ayongku, tapi la kulawan, la kutamburi ayongku
Sumber photo : https://heartofashepherd.com/2022/03/16/the-lord-messiah-and-redeemer-isaiah-49-isaiah-50/
Pembukaan
Syaloom senina ras turang ibas kekelengen
Tuhan ta Jesus Kristus. Lit sada penungkunen
si perlu kal siukuri ras ras alu mbages ; “ Adi arah kiniseraan e maka sidat
pengertian simbages sierbahanca erpaguhna kinitekenta, perlu denga nge
sielakken kiniseraan e ? Adi arah sipagit e maka si dat sientebu situhu tuhuna perlu kin berontak kita sanga waktuna
sinanami sipagit e ? Em perlu siukuri ras sidatken arah khotbah ta sekalenda.
Fakta dan Makna
1. TUHAN
si Erdolat enggo ngajari aku ngerana, gelah banci kupegegehi kalak si latih,
alu kata-kata Enda
me kesaksiin nabi Jesaya, bahwa igejapkenna tuhu tuhu bahwa TUHAN si Erdolat
enggo ngajari ia ngerana. Sekalak nabi
memang kata Tuhan si harus ibelskenna. Uga
kata Tuhan e, tentu labo reh ibas pengertian Jesaya tapi TUhan sendiri nge
sinamaken kata NA kubas perbendaharaan kata kata ibas pusuh, otak ras bibir
Jesaya. Kata Tuhan si tamakenNA kubas diri
nabi Jesaya, labo bertentangen ras sifat tah pe sura sura Tuhan ibas IA
ngkelengei manusia. Bagi sijelasken sendiri
nabi Jesaya, bahwa “gelah banci kupegegehi kalak si latih alu kata kata”. Ibas Kata kata TUHAN lit KUASA ras KELENG ATE. Kata TUHAN bersifat ngkelengi ras mpegehi
kalak si latih, latih ibas kegeluhen enda si melala kal penyebabna. Tapi kinilatihen sikugapa pe, KATA TUHAN
ngenca ngasup si mpegehisa. Amin?
2. Tep-tep
erpagi-pagi ipekekeNa ukurku, lako ndengkehken pengajarenNa man bangku. Ibereken
TUHAN man bangku pengertin e maka la aku surut i bas Ia nari, la aku ngelawan. Labo banci ajarkenndu kai si la ietehndu,
labo banci berekenndu man kalak kai si la lit bas kam. Emaka gelah banci sampati ndu kalak, lit lebe
bas kam penampat e. Gelah banci
iajarindu kalak sideban, harus lebe lit bas kam ajar e, gelah banci pegehi ndu kalak si deban harus
lebe lit bas kam gegeh e. Gegeh TUHAN
harus lebe lit ibas serayan TUHAN, ibas Nabi, ibas Rasul, Ibas Imam, Ibas
pendeta, ibas pertua, ibas diaken, ibas pengkhotbah harus lebe lit gegeh ras
kuasa TUHAN e. Janah nina Nabi Jesaya
a. Tep tep
erpagi pagi ipekekeNA ukurku. Tuhan sendiri mpekeke ukur Nabi Jesaya lako
ndatken pengajaren TUHAN. Janah simenarik ikataken Jesaya tep tep erpagi
pagi. Serayan Tuhan PERLU kal mbegiken
pengajaren Tuhan tep tep erpagi pagi.
Jemaat si tersuruh ukurna pe tep tep pagi pagi kal idaramina/ipindona
lebe pengajaren Tuhan ope denga sideban ipindo ras idaramina. Enda me disiplin kalak si nggit mpeseh Sora
Tuhan.
b. Ibereken
Tuhan pengertin maka la aku surut ibas IA nari .
Pas kal, payo kal. Labo kepeke
kecerdasan Jesaya sierbahanca iangkaina ras itekina kal kata Tuhan e, tapi
Tuhan sendiri kin simbereken pengertin e.
KataNA tentu IA ngenca singangkaisa kal.
Janah TUhan labo nggit main tebak tebaken ras manusia, ras nabiNA, ras
serayanNA. Emaka adi isungkunndu Tuhan,
pasti ikatakenNA kai maksudna, kai penegrtianNA. Emaka dua hal siperlu kal sibiasaken ibas
geluhta emekap : Nungkun ku TUHAN ras mbegiken TUHAN erbelas. Sungkun Tuhan, begiken jawaban TUHAN. Aku sendiri adi lakueteh denga kai maksud TUHAN ibas
erbahan catatan khutbah enda, kusungkun
Tuhan, janah kutulis kai sienggo kuangka, janah kugejapken kal bas aku nulis,
ertambahna pengangkaan, janah kugejap sanga aku nulis e kepeken Tuhan ngajari
aku. Puji Tuhan .
3. Kutareken gurungku man kalak si mekpek
aku, bage pe isangku man kalak si ngeruah janggutku. Ibas Nabi Jesaya mpeseh KATA TUHAN ibabai TUHAN ka ia ngalami erbage
pengalamen lako nambahi pengetianna. Usur kal ia ipekpeki kalak, janah nina
kutareken gurungku, bagepe adi kalak
ngeruah jangguku kutareken isangku.
Artina la ia ngelawan, bahkan imasukina pengalaman e alu dem kiniteruken
ukur. Luar biasa kal. Kiniseraan ras Tuhan tuhu tuhu dalan Tuhan nuduhken
pengertin si terbagesen. Emaka situhuna,
adi tiap tiap pagi enggo kita ndarami Tuhan, jenari bicara lit gia kiniseraan
ciger wari, sentudu nge kerina ras rencana TUHAN ngajari kita. Ula elakken, ula merawa, ula dendam, ula terlalu
baperan nina anak singuda. Sebab kepeken
“Tuhan Mbereken Pengertin Ibas Kiniseraan” Kiniseraan fisik labo ndekah
sinanami, sebab uga suina pe kula nta enda, fisik ta enda, tahpe psikis ta,
labo ndekah e. Kentisik nge ngenca.
Sebab Tuhan sendiri nge si mbaluti kerina sui si lit ibas daging kula
ras pe psikista. Kitab Masmur, adi sibaca, sihayati, sitotoken eme kata kata
TUHAN lako nemani kerina ibas paksa kita ngenanami kiniseraan e. Ujungna menang kita, sebab Jesus Kristus sendiri
enggo keke ibas si mate nari bagi si tertulis ibas pengogenta ndai Matius 16 :
21b : Aku ibunuh tapi i bas wari
si peteluken ipekeke ka i bas si mate nari.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Khotbahta,
tah pe pengajarenta kerna Kata Tuhan labo reh ibas otakta nari, tapi TUHAN
sendiri nge singajari ras sinamaken kataNA ibas diri nta. Emaka persikapen si paling penting ibas ateta
mpeseh kata DIBATA, tah nuriken penggejapen ibas PJJ emekap mindo gegeh ku
TUHAN. Pindolah pengertin man TUhan maka
pasti iberekenNA.
2.
Perlu kal siterapken disiplin pribadinta lako nggejapken Tuhan sindilo kita
teptep wari guna imotivasiNA, ras ipegegehiNA.
Gelah kerina kegiatennta banci jadi perpanjangen tangan TUHAN ibas
ngkelengi ras mpegehi kerina kalak si kote.
Mari sisikapken dirinta teptep wari gelah kita ndatken pergegeh ras
kengasupen ibas TUHAN nari lako mpegehi kerina kalak si kote.
3.
Ula
ngelak adi lit kiniseraan, sebab arah kiniseraan si labo kasakai gegehna e, ibabai TUHAN kita lako ndatken pengertian situhu tuhu. Tuhan labo ateNA nyiksa anak anakNa, apalagi
serayanNA. Emaka bicara lit kiniseraan
kentisik nge ngenca, janah arah kiniseraan e, lebih teridah ras tergejap kuasa
TUHAN ta si melias e. Emaka ula sielakken,
tapi sipala palai lah mersan persilang ta masing masing. Amin.
PENUTUP
Tuhan
labo mbereken pencobaan man kita, tapi TUHAN mbereken pengujian gelah kita
kerina erpaguhna. Erserana latihan Kopassus, erhebatna keterampilan kerina
pasukan komandu khusus e, bagepe kita kerina.
Kiniseraan emekap ujian ibas Tuhan nari gelah kita kerina jadi anggota
pasukan khusus Tuhanta. Amin ?
. Bujur Ras mejuah juah kita kerina
Pt Analgin Ginting
.jpg)
Komentar