(MINGGU
INVOCAVIT: /Erlebuh ia ku Aku)
(Rupa Liturgi : Ungu )
|
Invocatio
|
Tapi kerina kalak
si mindo penampat man TUHAN terkelin kap. Bagi si ikataken TUHAN ,
"Kalak si i Jerusalem terkelin kap deba. Kasa kai kalak si Kupilih tetap
nggeluh.Yoel 2 : 32
|
|
Ogen
|
2 Raja-Raja 20:1-6
|
|
Khotbah
|
Lukas
9:43b-45
|
|
Thema
|
Ituriken
Jesus Kerna KematenNa
|
Lukas 9 : 43b – 45
9 : 43b Asum kemamangen denga jelma si nterem kerna kerina
perbahanen Jesus nina Jesus man ajar-ajarNa,
9:44 "Begikenlah dingen pegermetkenlah kai si Kukataken
man bandu. Anak Manusia si isuruh Dibata iendesken pagi ku bas kuasa
manusia."
9:45 Tapi la ieteh ajar-ajar kai ertina si ibelasken Jesus
e. La tangkas man bana ertina, e maka la iangkana.
Janah nungkunsa man Jesus pe la ia pang
Sumber photo : https://digitalmissioners.com/2019/09/luke-943b-45/
Pembukaan
Syaloom senina ras turang ibas kekelengen
Tuhan ta Jesus Kristus. Mbaru mbaru
denga lit sada artikel si nuriken bahwa Tuhan Jesus labo pernah mate. Sebab enggo Ia leben nangkih ku surga. Si mate ras si isalibken sekalak murid
muridNA si seri kal ayona ras IA. Enda artikel
doni. Uga istuhuna ? Mari si dengkehken ibas
Nas Khotbah ta ibas minggu enda. Sinen
terdauhen…
Fakta dan Makna
1. Asum
kemamangen denga jelma si nterem kerna kerina perbahanen Jesus nina Jesus man
ajar-ajarNa. "Begikenlah dingen
pegermetkenlah kai si Kukataken man bandu. Anak Manusia si isuruh Dibata
iendesken pagi ku bas kuasa manusia."
Tuhan Jesus adalah sekalak si sangat berempati, asum IA ngajar pe baci idahNA uga respon kerina
sihadir terlebih lebih pe respon murid muridNA sendiri. Sangana kemamangen dengan jelma sienterem,
ije ngerana Jesus man murid muridNa guna mbereken penekanen kerna situasi si
bakal ihadapiNa. Nina Jesus “ Begikenlah
dingen pergermetken lah, kai si Kukataken man bandu. Tentu info si ate Jesus ikatakenNa e heh kal pentingna,
maka ikatakenNa “Begikenlah Dingen Pergermetkenlah”. Janah enda ikatakenNa man murid murid. Murid Murid adalah lingkaran paling dalam
Jesus Kristus ibas ndalanken MisiNA bas doni enda. Emaka man kerina serayan, pemimpin
jemaat ras pe pengurus kategorial, Firman
Tuhan, pedah Tuhan e, isadarina min makai a me sasaren utama gelah jelas pengangkanna. Janah kai sikataken Jesus emekap soal akhir
pelayanan Na bas doni enda . “Anak
Manusia si isuruh Dibata iendesken pagi bas kuasa manusia” Enda berkaitan kematen ras kebangkitan Tuhan
Jesus. Jadi peristiwa kematen ras
kebangkitan (kekeken) Jesus ibas si mate nari adalah berita (info) si ssangat
penting untuk disadari kerina pemimpin jemaat, seterusna pe man kerina
jemaat. Peregermetkenlah dingen begiken
o murid murid, o serayan Tuhan , o pengurus kategorial bahwa “Anak Manusia si
isuruh Dibata, iendesken pagi ku bas kuasa manusia. Anak Manusia, enda mengarah ku Jesus Kristus,
bagepe mengarah ku kerina si tek ras si ngikutken Jesus si isuruh Dibata. Emaka kerina kita si nggit ras tersuruh
ngikutken Jesus Tuhan ta, pe iendesken pagi ku kbas kuasa manusia (ibas minggu
tanggal 19 Februari, sada gereja I Lampung terpaksa ipengadi sanga ia
erkebaktian, sebab reh ketua RT kubas gereja e alu merawa rawa mpengadi ibadah e) Tapi pada akhirna, Jesus menang, naluken
kematen e. Gereja I Doni enda ras kerina
serayanNa pe menang nge pagi dungna raduken ras Jesus Kristus. Amin?
2. Tapi
la ieteh ajar-ajar kai ertina si ibelasken
Jesus e. La tangkas man bana ertina, e maka la iangkana. Janah nungkunsa
man Jesus pe la ia pang, Itulisken ijenda maka murid murid la
ngangka, kai si ibelasken Jesus tupung e, la kin tangkas man bana, janah
nungkun Jesus pe la ka ia pang. Jelas
kal ijenda ikatakan murid murid si ndeher ras Jesus pe baci la ngangkai kai
siikataken Jesus. La lit jaminen manusia
baci ngangka perkataan Tuhan Jesus, sekalipun ia ndeher ras Jesus (secara
fisik). Jesus sendiri kange singajarisa,
arah pengalaman pengalaman siidah ras inanami langsung murid murid e gelah
dungna maka iangkana. Kita pe
bage, adi lit Kata Tuhan si langa siangka, sugkun ku Tuhan arah pertoton. Labo mis kal jawab Tuhan, tapi ibabaiNa kari
kita mengalami pengalaman si unik janah arah pengalaman e ijawab Jesus penungkunen ta ndai gelah baci siangka. Baci pengalaman ta langsung, baci ka sibegiken
kesaksian kalak sideban, janah dungna siangka.
Erikteken Keleng Ate Tuhan nge maka kita ndatken pengangkaan kerna
kegeluhen enda. Termasuk Iman ta, Tuhan
nge mbereken sa maka baci kita beriman man TUHAN JESUS si melias e. Emaka kalak situtus ndarami jawaban nge maka ia ngangkai kerina kejadian si lit bas
kegeluhen enda. Nina kata Dibata ibas
Amos, “5:14 Daramilah si mehuli, ola si jahat, maka kam nggeluh. Adi bage
TUHAN Dibata si Mada Kuasa tuhu-tuhu rembak ras kam, bagi si ikatakenndu rusur.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Tuhan
Jesus naluken kerina lawan lawan Na (si jahat) ibas doni enda alu
kematenNa. Pengangkaan doni ibas pertarungan tah pe peperangan bahwa si
menang emekap si melawenna mbulak, si melawenna mate. Sebab adi talu ia, makai a leben mbulak tah
mate. Tapi Tuhan Jesus kebalikenna, IA
menang arah kematenNa, sebab kematenNa e telu wari ngenca dungna medak IA
mulihi. Emaka kerina kalak Kristen menang
ngelawan dosa, menang ngelawan doni enda arah kematenna ibas gelar Tuhan Jesus
Kristus. Nina Kata Dibata ibas
Matius 10:39 Kalak si mpertahanken kesahna
ia kebenen kesah, tapi kalak si kebenen kesah erkiteken Aku, ia ndatken
kelegeluhenna.
2.
Mesera
kal situhuna ngangkai janah tek bahwa Jesus Kristus e enggo iendesken man anak
manusia, janah IA enggo mate ras ipekeke ka ibas si mate nari. La seh logika doni ku je. Emaka mulai kin tangtangna na nari sanga
nggeluh dengan Jesus Kristus bas doni enda, she asa gundari enggo dua ribu
tahun lebih tetap nge melala kal kalak la tek ibas fakta enda. Labo Jesus si mate e, masak Tuhan sendiri baci
mate nina kalak si skeptis. Emaka adi
kam tek bahwa Jesus e enggo mate, ras enggo ka ipekeke, situhuna kal pemere
Tuhan nge maka kam tek. Sebab adi tek kam, maka kam pe enggo iselamatken Tuhan
e. Ngataken bujur lah man Tuhan Jesus ibas kerina kegeluhenndu.
3.
Janah
adi enggo kam tek, tugas ta gundari man kerina kita si baci tek emekap nuriken
kerna ise kin Tuhan Jesus e, uga Ia, ras uga maka kerina manusia harus tek
nandangi IA. Labo tugas kalak ah, tapi
tugas ta nge. Adi melala pe kiniseraan
ibas kita nuriken Jesus e, ula mbiar, ula ngelak. Sebab Jesus sendiri arah Kesah Si Badia,
sinemani kita, si mpetetap kita, ras si ngkelengi kita ibas kerina kegeluhenta.
Amin. Nuriken kiniseraan Jesus, nuriken kematen Jesus gunana gelah ertangkasna
keleng ate Tuhan e man kerina manusia. Amin.
PENUTUP
Adi
nuang jong kita I juma, itanemken biji jaung e ku bas taneh. Janah piga piga wari maka turah sulina.
Bageme iatur kegeluhen enda, mate lebe maka turah. Mate kita ibas gelar Tuhan
Jesus, jenari maka ipemedakNa kita ras nggeluh rembak ras IA rasa lalap. ?
. Bujur Ras mejuah juah kita kerina
Pt Analgin Ginting
Komentar