Minggu Sexagesima/Penempuluhken
Jesus Tuhu Tuhu
Ersikap Mengketi Paksa Paksa Kiniseraan
(Rupa Liturgi : Megersing
)
|
Invocatio
|
O TUHAN , nderkuh aku
mindo penampat, Kam TUHAN , Kam kap man inganku cicio. Kam ngenca sura-surangku
i bas kegeluhen enda. Masmur 142 : 6
|
|
Ogen
|
Masmur 69 : 5 – 9 (Tunggal)
|
|
Khotbah
|
Johanes
10 : 22 – 42 (Tunggal )
|
|
Thema
|
Jesus Paguh Ngalaken Kiniseraan
|
Khotbah Johanes 10 : 22 – 42
10:22 Asum
pesta peringeten mengket Rumah Pertoton i Jerusalem, paksa perudan,
10:23 erdalan
Jesus arah serambi Salomo i bas Rumah Pertoton e.
10:24 Pulung kalak Jahudi engkeleweti Ia, jenari nina man
Jesus, "Asakai nari dekahna kami kemamangen ibahanNdu? Katakenlah man kami
terus terang; tuhu kin Kam Mesias si ipadanken Dibata e?"
10:25 Nina
Jesus, "Enggo Kukataken man bandu tapi la kam tek. Perbahanen si Kulakoken
i bas kuasa BapangKu, naksiken kerna Aku kap.
10:26 Tapi
la kam tek perbahan kam la biri-biringKu.
10:27 Biri-biringKu
ibegikenna nge sorangKu. Kutandai nge biri-biringKu e janah ikutkenna Aku.
10:28 Man
biri-biringKu e Kubereken kegeluhen si tuhu-tuhu si la erkeri-kerin. Asa lalap
ia la mate, janah ise pe la ngasup nirangken ia i bas kepkepenKu nari.
10:29 BapangKu
belinen asa kai pe, janah kai si enggo iberekenNa man bangKu ise pe la ngasup
muatsa i bas kepkepen BapangKu nari.
10:30 Bapa
ras Aku sada kap."
10:31 Jenari
ibuat kalak Jahudi e batu, atena menteri Jesus.
10:32 Tapi nina Jesus man bana, "Enggo melala perbahanen
si mehuli Kucidahken man bandu i bas gelar Bapa. Dahin si apai kin erbahanca
maka ibenterindu atendu Aku?"
10:33 Ngaloi
kalak Jahudi e, "Labo erkiteken perbahanen si mehuli e, tapi erkiteken
ipekitik Kam Dibata! Kam sekalak manusia, tapi iakukenNdu maka Kam me
Dibata."
10:34 Nina
Jesus, "I bas Undang-undangndu lit tersurat maka nina Dibata, 'Kam me
dibata-dibata.'
10:35 Sieteh
maka kai si tersurat i bas Pustaka Si Badia tuhu kap. Kalak si man bana ipeseh
kata Dibata, igelari Dibata kap ia: dibata-dibata.
10:36 Payo
kin iakapndu Aku encekuraki Dibata erkiteken ngaku Aku maka Aku me Anak Dibata?
Aku kap si ipilih Dibata dingen si isuruhNa ku doni enda.
10:37 Adi
la kin dahin Dibata Kudahiken ola kam tek man bangKu.
10:38 Tapi
adi dahin Dibata nge Kudalanken, la gia kam tek man bangKu, si lang-langna
teklah kam nandangi kai si Kubahan e gelah ietehndu dingen ngaku kam maka Bapa
e i bas Aku janah Aku i bas Bapa e."
10:39 Sekali
nari icubaken kalak ndai nangkap Jesus, tapi pulah Jesus i bas ia nari.
10:40 Jenari mulihken Jesus ngepari Lau Jordan ku ingan
Johanes mperidiken nai; i je me Ia ringan.
10:41 Nterem
kalak reh ndahi Ia ku je. Nina kalak si nterem e, "Johanes nai la erbahan
tanda-tanda sengget, tapi tuhu kerina si ikatakenna kerna kalak enda."
10:42 E
maka nterem kalak si i je tek man Jesus.
sumber photo : https://www.idisciple.org/post/john-10-22-42-the-shepherd-knows-his-sheep
Pembukaan
Syaloom senina ras turang ibas kekelengen
Tuhan ta Jesus Kristus. Adi ibas sada
ingan si buruk, egois, sitoganen rusur, kerina kalak erlomba lomba ndarami
kemegahen dirina sendiri, janah kita ersura sura ku ingan e mbaba si
mehuli. Uga akapndu hasilna, kai siterjadi ? Jesus reh ku doni enda mbaba berita si
mehuli, uga tanggapen jelma sienterem ?
Em perlu siukuri ras sidatken point pentingna arah khotbah ta sekalenda. mari sinen terdauhen.
Fakta dan Makna
1. Pulung
kalak Jahudi engkeleweti Ia, jenari nina man Jesus, "Asakai nari dekahna
kami kemamangen ibahanNdu? Katakenlah man kami terus terang; tuhu kin Kam
Mesias si ipadanken Dibata e?" Bas ayat enda ijelasken
bahwa kemamangen kal Kalak Jahudi nandangi ise kin Jesus. Sebab kerina pengajaren Jesus payo kal, daram
darami pe kelemahenna la dat dat sa kai kelemahen Jesus. Janah la pernah idahna, la pernah ibegina, la
pernah isadarina jumpa ras sekalak manusia si bagi Jesus Kristus e
jelmana. Emaka sanga ijawab Jesus bahwa
Ia kap tek kam sikubahan e ibas Bapangku, nembeh ate kalak Jahudi she maka
ibenterina atena Jesus. (banci bayangkenndu sekalak
kam itengah kerumunan kalak si menentang bagi sinialami Jesus Tuhanta?. Ia sisada je, I tengah bully kalak si rate
segat nandangi ia. I tengah massa si
merawa banci kai pe si terjadi je, janah adi sikaitken ras Invacoatio bagenda
me situhuna penggejapen Tuhan Jesus tupung ia I tengah tengah kalak Jahudi si
berniat mbenteri ia O TUHAN , nderkuh aku mindo penampat, Kam TUHAN , Kam kap
man inganku cicio. Kam ngenca sura-surangku i bas kegeluhen enda. Masmur 142 :
6). Jawaban
Jesus iakapna mpekitik Dibata Si Badia, ras la kin akapna banci manusia e
Dibata. Lit dua jenis penungkunen,
penungkunen menguji ras penungkunen ingin tahu.
Bas kalak Jahudi si nungkun ku Jesus enggo lit pandangenna kerna Dibata
(enda me contoh penungkunen menguji).
Emaka sanga kataken Jesus jawabNA nembeh atena sebab la seri ras
ukurna. Penungkunen si peduaken
penungkunen ingin tahu. Penungkunen enda
ipeseh alu ukur / pusuh si terbuka, janah tujunna labo menguji, tapi gelah jelas
man bana. Penungkunen sibagenda megah
kal akapna adi ijawab Jesus ia, janah malem kal atena mbegi jawaban Jesus.
Emaka adi
nungkun kam, la akapndu payo jawaban kalak si sungkunndu e banci jadi perban
bas kam pe enggo lit jawabanndu.
Sipayona, enggo pe lit pemetehta adi nungkun kita, sibegiken ras sipake
jawaban kalak e sebagai info tambahen.
Adi bage siban labo nembeh ate ta ise pe aminna pe jawabanna la seri ras
keyakinenta. Payo akapndu ? Emaka penungkunen menguji labo penting
sipelihara bas dirinta, terebih adi ateta mpergegeh kiniersadaan. Man si ngenamani penungkunen menguji marilah
siusih Jesus, tetap sabar, tetap positif ras objketif, tetaplah lit kelenge ate
e bas dirinta.
2. Man
biri-biringKu e Kubereken kegeluhen si tuhu-tuhu si la erkeri-kerin. Asa lalap
ia la mate, janah ise pe la ngasup nirangken ia i bas kepkepenKu nari. Adi siimak lebih dalam
pemungkunen kalak Jahudi enda, tempa nina Jesus, “la pe kam tek si kutaken e,
tapi lit kap biri biringku si tek”, janah kai si kutaken tek ia dingen
ikutkenna katangku e. Lebih jeelas ka
nina Jesus “man biri-biringku e Kubereken kegeluhen si tuhu tuhu, si la erkeri
kerin. Asa lalap ia la mate, janah ise pe la ngasup nirangken ia bas kepkepenKu
nari. Itekan Jesus man Kalak Jahudi si
nungkun ia, kamu bertanya, kamu marah dan ingin melempari aku, tapia da juga
yang bertanya lalu perrcaya dan mereka itu jadi domba dombaku. Poitn si pentingna kal, adi lit
penungkunenndu tentang Jesus, ula min daramindu ka kelemahan kalak si njawab penungkunenndu
e (tah pendeta, pertua, diaken, pengurus kategorial, guru, orang tua). Tapia di lit penungkunenndu kerna Jesus,
harus min mbabai kam lebih sadar bahwa kam me biri biri Tuhanta Jesus kristus,
3. Tapi
nina Jesus man bana, "Enggo melala perbahanen si mehuli Kucidahken man
bandu i bas gelar Bapa. Dahin si apai kin erbahanca maka ibenterindu atendu
Aku?" Kebaikan Jesus la kerina irespon alu mehuli, tapi lit nge lalap si
bersikap negatif ibas kerina perbahanen Tuhan ta si melias dingen si mehuli e. Emaka Gereja akan selalu dicari kelemahannya,
akan selalu disalahkan, akan selalu dibesar besarkan kesalahannya, bahkan
kebaikannya pun diputar balikkan. Bas
Negaranta enda pe, tetap lit tantangan man gereja man kalak Kristen . Erwari natal bas rumahta, bas tapakta pe tetap
lit gangguan bahkan orang yang tidak senang dan melarangnya. Ula mbiar, ula putus asa, ula patah semangat,
ula tadingken iman kinitekenta. Kerina
tantangan percobaan si enggo sinanami , Jesus pe enggo leben ngenanamisa. Tapi hasil akhirna, Jesus nge si Menang. Kristus la banci lang ipermuliakan. Jesus pasti menang.
4. Jenari
mulihken Jesus ngepari Lau Jordan ku ingan Johanes mperidiken nai; i je me Ia
ringan. Aminna pe melala kal
tantangan, tapi tetap lit nge ingan si payo iebreken Tuhan. Bagi ingan Johanes, ije me Tuhanta Jesus
Ringan. Emaka adi kita sangana mbangun
gereja, sangana memperjelasn program rsd, pasti lit ingan si mejile, momentum
si pas, ras pe teman teman si mendukung. Tetap semangat, tetap berusaha, tetap
erpala pala, tetap inovatif sampai pada suatu saat indah paada waktunya. “Lit Ingan Johanes, ingan Jesus Ringan”, lit
saat, tempat, dan ekosistem si mehuli ija iman kinitekennta banci turah alu
mejile.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Melala
kal tantangan ras kiniseraan siihadapi Tuhanta Jesus, tempa Ia talu menghadapi kerina kiniseraan e,
tapi si dung Jesus si menang. Ibas ia
menghadapi pertanyaan uji coba e pe, banci jawabna alu dem kesabaran ras dem
pengajaren si mengandung kebenaran situhu tuhu.
Ula mbiar adi iuji kalak iman ndu.
2.
Tantangan
ras kiniseraan ibas doni enda lit nge lalap.
Mon mon kiniseraan e reh ibas lingkungenta nari, reh ibas keluarga ta
nari, reh ibas temanta sada suku nari Adi ibas Ogen sipemena ndai sinibuat ibas Masmur 69 : 5 – 9 , ituliskan Kalak si ernembeh ate man bangku
la ersebap, teremen asang buk i bas takalku. Kalak si atena encedaken aku
megegeh kap, iserangna aku alu curang. Ipaksana aku ngulihken erta si la
kurampas .
Tapi kebenaran Tuhan Jesus pasti menang.
Emaka guna menghadapi kniniseraan ras tantangan e, dirinta lah
sipegeh. Sitambahi wawasanta, sitambahi
kesabarenta, sitambahi pengalamanta. Ras
sipentingna kal tetap ernalem man Tuhanta Jesus Kristus saja. Paguhlah kita ngalaken kerina Kiniseraan ibas
pelayanenta. Janah Tuhan Jesus si ngkawali kita kerina.
3. Kita enda, kam, aku ras kita kerina biri biri janah Tuhan Jesus permakan ta situhu tuhu. Kita enggo ipilihNa jadi biri biriNa sindatken keleng ateNA si la erkeri kerin seh asa ndiga pe. Emaka kiniseraan ras percobaan si kugapane labo banci, labo ngasup mpesirangken kita ras Tuhan ta e. Emaka adi sikaitken ras Thema Gerejanta ibas Tahun 2023 enda marilah
kerina Jemaat sibuat baginta ibas ngelai man Tuhan. Kita kerina harus jadi subjek si melayani
Tuhan alu la tanggung tanggung. Man kita
serayan Tuhan, mari si dorong jemaata, ula si bully jemaatta, ula sihambat
jematta, ula la siperdiateken jematta ibas sura Surana ikut muat bagin ngelai
Tuhannta. Amin.
PENUTUP
Kekuatan
encadeken ras kekuatan mpehuli bas doni enda apai nge akapndu gegehen ? Ternyata kekuatan mpehuli lebih megegeh,
sebab kekuatan pehuliken e reh ibas Tuha
Jesus nari. Emaka uga sontarna pe
bas jabunta, bas perkade kadenta, bas gerejata, bas sektorta pasti sada masa
mehuli kerina jadina. Sebab Tuhan Jesus
pe em sura suraNa, gelah kerina erhulina.
Amin. Bujur Ras mejuah juah kita kerina
Pt Analgin Ginting
.jpg)
Komentar