Efesus 1 ; 22 – 23
Thema : Perpulungen Eme Kula Kristus
Efesus 1 : 22 – 23
Bahasa Karo
.1:22 Dibata
namaken kerina si nasa lit ku teruh tapak-tapak nahe Kristus, janah ibereken
Dibata Ia man perpulungen jadi kepala i bas kai-kai pe.
1:23 Perpulungen
e me kula Kristus, janah kula e me si ngkuhi Ia, janah Kristus me si ngkuhi
kerina si nasa lit subuk i japa pe.
Sumber Photo : https://biblepic.com/50/ephesians_1-23.htm
Fakta Dan Makn
1. Dibata
(BAPA) namaken kerina si nasa lit ku teruh tapak tapak nahe Kristus, janah ibereken Dibata Ia man perpulungen jadi
kepada ibas kai kai pe. Kerina sinasa
lit, kerina si iciptaken Tuhan DIBATA itamaken ku teruh tapak tapak Tuhanta, guna ikuasaiNA. Jadi Kristus ngenca singkuasai kerina si nasa
lit e. Adi bage, kerina siiciptaken TUHAN
ipake Kristus guna ipasu pasuNA gelah kerina bermanfaat man perpulungen, man
kerina jelma siikuasai ras ikelengi TUHAN YESUS e. La lit kai pe sinibas doni enda si la
ikuasai TUHAN YESUS, termasuk pe ije kerina si enggo lit, si nandangi lit, si
mbarenda pernah lit, kerina ikuasai TUHAN YESUS. Masa lalu, masa sekarang, masa depan
kehidupan enda pe ikuasai TUHAN YESUS.
Emaka Yesus Kristus me jadi kepala ibas kai kai pe. Sangap kal kita si tek man TUHAN YESUS, si
erpengendes man TUHAN YESUS, sebab kerina kebutuhen ta ibas geluh enda, ikuasai
TUHAN YESUS, kai pe sipindo man IA banci iberekenNA. Kai pe kebutuhen masa sekarang dan kebutuhen
masa depanta lit ibas kuasa TUHAN YESUS.
Perlu denga nge kita rate ndele ?
2. Perpulungen
eme kula Kristus, janah kula e me singkuhi Ia janah Kristus me singkuhi kerina
si nasa lit subuk siapai pe. Perpulungen e sada “kekayaan”, kerina kalak si
tek, siikut ras aktif kubas perpulungen e. Sebab perpulungen e mekep kula
Kristus. Kristus si erkuasa e, (singkuasai kerina e) lit kulaNA bas doni enda emekap perpulungen. Jadi kuasa Kristus e lit bas perpulungen, kai
pe kebutehen perpulungen e, pasti ibereken Kristus man bana, sebab diri Kristus
kin perpulungen e. Perban perpulungen e
diriNA jine, emaka pasti kal isediakenNA kebutuhen diriNA sendiri. Emaka sangap kal kita si ikut ibas perpulungen TUHAN, janah kita kerina ikelengiNA bagi IA ngekelengi diriNA jine.
Pengkenaina
·
Tek lah man TUhan Yesus, ula nai lit
keraguanndu sitik pe kerna kuasa TUHAN YESUS e nandangi kerina sinasa lit. Sebab kerina si nasa lit e Ia si empuna, emaka bas Kristus lit kerina sini perluken kam, pindo man si empuna emekap Yesus
Kristus Tuhan ta. .
·
IKuti lah perpulungen Tuhan e alu
tutus, total, ras sepenuh hati. Janah Tuhan Yesus ateNA engkelengi kerina mansia. Jadilah perpulungen si tujuanna selaku diri
Tuhan Yesus lako engkelengi kerina sinasa lit.
Kelengilah ise pe, hamati lah kerina jelma, bujur lah man kerina jelma,
sebab kam ras aku kula Kristus kap. Amin?
Bujur ras mejuah juah kita kerina.
Pt. Analgin
Ginting.
Komentar