|
Invocatio
|
Kolose 1 : 20b
|
|
Ogen
|
Matius 21 : 1 – 9 (tunggal)
|
|
Khotbah
|
Masmur 118 : 19 – 29 ( Anthiponal)
|
|
Thema
|
“Ketuahen
Kalak Reh I Bas Gelar Tuhan”
|
Khotbah Masmur
118 : 19 – 29
118:19 Pulka
man bangku pintu gerbang Rumah Pertoton, maka aku bengket janah ngataken bujur
man TUHAN .
118:20 Enda
me pintu gerbang TUHAN , kalak bujur ngenca banci bengket ku bas.
118:21 Kupuji
Kam TUHAN , erkiteken idengkehkenNdu pertotonku, enggo iberekenNdu kemenangen
man bangku.
118:22 Batu
si iambekken tukang, e me jadi batu palas si la banci lang.
118:23 E
me peraten TUHAN , tuhu mekelek rejin siakap ngidahsa.
118:24 Enda
me wari kemenangen TUHAN , marilah si rayaken alu meriah ukur.
118:25 Kelini
kami TUHAN , kelini kami, bereken kemenangen man kami.
118:26 Ketuahen
kalak reh i bas gelar TUHAN i bas Rumah Pertoton nari ipasu-pasu kami kam.
118:27 TUHAN
kap Dibata; gelgel nari mehuli perbahanenNa man banta alu encikep dahan-dahan,
mulailah erpesta, jenari keleweti batar-batar ingan persembahen.
118:28 Kam
kap Dibatangku, e maka kukataken bujur baNdu, kumomoken kemulianNdu.
118:29 Katakenlah
bujur man TUHAN sabap mehuli kal kap Ia, kekelengenNa tetap rasa lalap
Fakta (info paling penting dari Nas)
1.
Luar
biasakal Masmur si jadi renungenta ibas minggu passion si pepituken enda,
melala kal informasi si bernilai teologis banci siidah ras sipahami.arah kai situriken pemasmur. Sipemena lebe iturikenna pulka (terbuka) man
bana pintun gerbang rumah pertoton, maka bengket ia kubas lako ngataken bujur
man Tuhan. Jenari nina kalak bujur ngenca banci bengket kubas
gerbang rumah pertoton e. Emaka nina tole pemasmur ngataken bujur ia man Tuhan,
erkiteken ibegiken Tuhan pertotonna, janah pe ibereken Tuhan kemenangan man
bana.
2.
Jenari
ibelasken Pemasmur maka batu siambekken tukang, la banci lang jadi batu palas.
Sebab eme peraten Tuhan, janah tuhu rejin siakap ngidahsa.
3.
Selanjutna
nina pemasmur, enda me wari kemenangen Tuhan, janah iajak pemasmur kita gelah
ermeriah ukur. Erbelas ka pe ia tole ku Tuhan nina “Kelini kam Tuhan, janah
bereken kami kemenangan”. Ibas ayat 26 tole
isaksiken pemasmur bahwa Ketuahen kalak reh I bas gelar Tuhan, ibas rumah
pertoton nari ipasu pasu kami kam.
4.
Info
selanjutna ikatakan/isaksiken pemasmur Tuhan kap Dibata, janah mehuli
perbahanenna nai nai nari. Ia si nerangi dalan geluhta. Nginget si e emaka ipindo pemasmur gelah
kerina ermeriah ukur, alu ncikep dahan dahan/bulung bulung keleweti batar batar
persembahen.
Sumber Photo : https://biblia.com/
Makna (magna
atau kerugma dari nas yang seemasmur suai dalam segala jaman)
1. Adi si renungken tuhu tuhu kitab Masmur,
khususna ibas perikop enda turah penungkunen ibas pusuhta, kai kin situhuna kal
Masmur e? Apakah Masmur sora pusuh manusia kerna kiniulin ras kekelengen Tuhan
atau Sora pusuh Tuhan siitamakenNa kubas pusuh manusia kerna pujin man
Tuhan? Apai pilihenndu, duana tempa payo
ras benar. Tapi khusus ibas perikop
sijadi bahan khotbahta enda, tempa sora pusuh Tuhan siitamakenNa bas pusuh
manusia, si gunana gelah manusia e ngantusi kerna makna kerehen Tuhan Yesus ku
doni enda. Luar biasa kal. Lit ahli
teologi si ngatakensa bahwa Masmur enda berisi sora Yesus Kristus. emaka adi sibaca janah
sirenungken maka Pemasmur e (penulis masmur e) Tuhan Yesus sendiri.
2. Enggo terbuka Rumah Pertoton, jenari
banci ia bengket kubas. Erkai ia kubas
? Ngataken bujur man Tuhan, ras labo kerina kalak banci sembarangan masuk
kubas Ruman Pertoton e, tapi kalak bujur ngenca banci kubas. Rumah Pertoton ingan Tuhan, janah si banci
masuk kubas Rumah Pertoton tentu jumpa ia petala tala ras Tuhan. Janah adi jumpa ras Tuhan si pentingna kal
ibelasken manusia e iadep adepen Tuhan emekap Ngataken bujur man IA. Labo berkeluh kesah, labo mindo pemindon si
la iangka kai gunana, tapi ngataken BUJUR.
Gereja ta sigundari e eme Rumah Pertoton, janah sipentingna kal
silakoken I gereja e tentu jumpa ras Tuhan dingen ngataken bujur man BANA. Ngataken bujur lah ras Tuhan. Ngataken bujur lah kita I Gereja.
3. Enda me wari kemenangan maksudna terbuka Rumah Pertoton e me kemenangan, sebab
manusia e enggo banci petala tala ras Tuhan.
Janah adi siinget, maka sanga Tuhan Yesus I pakuken ku Kayu Silang, ije
me tirai Bait Suci (Rumah Pertoton ) e rigat idatas nari she kuteruh. Jadi arah kematen Yesus Kristus nge maka
Ruman Pertoton e banci terbuka ras kalak bujur nge ngenca si banci masuk kubas.
4. Pemasmur pe mengajak kerina kalak ermeriah
ukur ibas wari kemenangan e, janah ikatakenna cikep dahan dahan e alu ersurak ngelewati batar
batar persembahan. Kerehen Tuhan Yesus
ku Yerusalem menjadi symbol bahwa Rumah Pertoton enggo terbuka, enggo
talang. Janah Yesus sendiri sipertama
bengket kubas Rumah Pertoton. Reh Ia
ndahi Rumah Pertoton. Jenari me thema ta
enda itarik ras iendesken ku kita kerina, “Ketuahen Kalak Reh I Bas Gelar Tuhan”. Kita pe kerina ermeriah ukur, sebab kita pe
enggo iatanken Reh Bas Gelar Tuhan. Amin.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Memperingati
minggu Lambe la hanya ngingetkin kita sangana Tuhan Yesus reh ku Jerusalem ras
isambut alu ncikep lambe. Tapi makna
silebih penting, emekap ibas minggu lambe pe itegasken man banta, maka Rumah
Pertoton enggo terbuka man jelma sienterem.
Janah kita kerina, kam ras aku enggo ibenarken ras ilayakken Tuhan banci bengket kubas rumah pertoton e. Sangap kal kita.
2.
Harus
kal siinget erkai kin kita ku bas Rumah Pertoton e. Tujuan si paling utama kita masuk kubas Rumah
Pertoton emekap lako ngataken bujur man Tuhan.
Ngerana ras Tuhan si pentingna kal sinubahan kita emekap ngataken bujur
man Ia. Sebab adi sekali kita ngataken
bujur seri ras mpeseh 1000 pemindon man Tuhan.
3.
Adi
enggo kita ngataken bujur man Tuhan i Rumah Pertotonna, emaka selanjutna ku ja
pe kita lawes Gelar Tuhan sinemani kita. Emaka ikataken Ketuahen Kal Kalak SI
Reh I Bas Tuhan. USurlah kita ngataken
Bujur Man Tuhan I Rumah Pertoton, jenari ku ja pe kita reh kita dat ketuahen.
Sebab kita Reh Ibas Gelar Tuhan.
Bujur Ras mejuah juah kita kerina
Pt Analgin Ginting
Komentar