Catatan Tambahan PJJ 17-23 April 2022

  Kuan-kuanen 15 : 23, 28

Thema : Ukuri Lebe Maka Belasken

Masmur 91 : 16

 15:23    Seh kal riahna ukur adi terbelasken, kata si payo i bas paksa si payo.

15:28    Kalak si mehuli, iukurina lebe maka ibelaskenna jabapna, kalak jahat pedas ijabapna, tapi ipeturahna kesusahen

Fakta

1.         Mehulikal pedah/persinget si tersurat ibas kita Kuankuanen sijadi bahan PJJ ta ibas minggu enda. Perlebe itulisken maka seh kal riah na ukur adi terbelasken kata sipayo ibas paksa sipayo.  Adi Bahasa Indonesia “alangkah baiknya perkataan yang tepat pada waktunya”

2.         Kalak simehuli, iukurina lebe maka ibelaskenna jabapna.

3.         Kalak jahat pedas ia njabap, tapi ipeturahna kesusahen.

Sumber photo : https://dailyverses.net/

Makna

1.         Kata kata ulu keriahen ukur.  Sebab meriah kal ukur adi terbelasken kata si payo ibas paksa si payo.  Perlu kita megermet berarti lit kata kata si la payo banci terbelas,  lit ka waktu si la payo guna erbelas. Kata kata adi banci payo  banci ka la payo  berarti kata kata sini pake kita hasil dari pemilihen ta.  Kita milih sa kata kata kai sibanci belasken kita ibas paksa paksa sipayo (paksa paksa si spesifik, paksa si spesifik). Ertina, ibas kita erbelas, labo situhuna sada e ngenca cara ta erbelas.  Lit kemungkinen kata kata sideban sipake guna erbelas.  Alu bage perlu kap sieteh ija uluna kata kata ta e.  Sekalak ahli ngatakensa “ kata adalah ungkapan hati”. Berarti bas pusuh nari nge sumberna kerina kata kata sibelasken kita.  Luar biasa… adi pusuh ta sangana meriah, adi pusuhta sangana sedih ras kecewa, adi pusuhta sangat sakit hati tadi pusuhta sangana patah semangat,  maka kata kata si ndarat ibas babahta nari sue ras suasana pusuh ta, bage pe suasana batin ta.  Pusuh sidem pengataken bujur man Tuhan,  pasti melahirkan kata kata si dem pengatakaten bujur ras dem kedamen.

2.         Emaka ikataken ibas ayat selajutna bahwa arah pengerana banci itandai kalak mehuli tah kalak jahat.  Kalak mehuli iukurina lebe jawabna, emaka ijawabna. Ibas ia ngukuri e, terjadi me secara batiniah pemilihen kata kata ndai. Piga dekah ia rukur tentu berbeda antara sekalak ras sidebanna. Enda sada contoh pilihen sibanci ipilih ibas kita erbelas.

·       Sekali paksa mulih kam ku rumah, man atendu. Bage dahupndu sendahup mis kal masinsa akapndu gulen.  Jenari reh nande I tengah jabu si erdakan ndai.  Apai nge kata kata sipakendu ngerespon gulen simasin e ?

                                                              i.     Masin kal kam lalap erdakan mak e.

                                                            ii.     Kai nge sangana perukurenndu sanga kam erdakan ndai, lalah tuangkenndu kerina sira kubas gulen si tanggerkenndu e ?

                                                          iii.      Kuakap selfi selfi kam sanga erdakan, pagi aku lanai padah man rumah… masin masin masin sa…

                                                          iv.     Kai nge dia salahku man bandu nande karo, maka masin kal gulen e bandu man aku.

                                                            v.     Kuakap la seri dilahta kerina, aku masinsa  kuakap sekale nda  gulen ta e bandu.

3.         Kalak Jahat ternyata beda ras kalak mehuli.  Adi kalak jahat pedas ia njabab.  Tapi sungna arah jabab na turah kesusahen ras sinanggel.  Adi kalak jahat lanai kin ipilihna kata kata na.  Adi kecewa ia sangana, pasti kata kata sindarat ibas babahna nari kata kata kekecewaan.  Adi sangana ia sakit hati, pasti ibas kata kata na si lanai ukurina muncul kata kata si sakit hati entahpe dendam.  Kalak si lanai iukurina jawabna, maka ia sangat ikendaliken suasana egois  entahpe pusuhna.  Uga carana gelah lepas bas kalak jahat nari, uga  carana gelah ulanai pedas ngerespon?  Lit mbaredan pepatah si pernah kubegi nina, “Pikir itu pelita hati”.  Jadi uga carana ula pedas njabap, sada ngenca solusina ula pedas njabap.  Hahaha.  Ertina ukuri lah lebe maka njabab. Adi nina nini nta sinai,  sik sik lebe maka tindes. Kai nina nininta e, kepeken seri kal ras kai sinikataken Steven Covey.  Dengarkan lah untuk memahami, pahami lebe kai sinikataken kalak maka belas ken.   Nina tole Steven Covey ibas kita rukur memilih respon ta, sipake lah 4 si lit bas dirinta, sienggo iebreken Tuhan ta man kerina manusia emekap

·       Kesadaran diri

·       Imaginasi

·       Suara hati

·       Kehendak bebas.

Pengkenaina penuh

·            Si ingetlah lalap maka kita kalak siterpilih ndatken kekelengen Tuhanta Yesus Kristus. Ertina istimewa kal kita nggeluh bas doni enda.  Emaka ibas kita mbereken jabap, tah respon, siberekenlah katawari pe respon si payo ibas paksa sipayo.  Gelah turah riah ukur bas kerina kalak simbegi jabab ta.  Ma payo akapndu senina impal, bage turang kami ?

·            Ibas paksa gundari enda, arah medsos ras pe media sideban tempa ipaksa kita lalap gelah merawa ras mbereken jabapen si la payo.  Piga piga contoh siidah bahwa erkiteken sada kalimat situliskenna bas medsos na, mis ia itangkap ras ipenjaraken.  Banci banci imasukken ia ku hotel prodeo (penjara) piga piga tahun dekahna.  Emaka pakailah kesadaran dirinta, pakelah imaginasi guna membayangken kai kari jadi adi bage jabapku,  dengkehken uga sora pusuhndu (em sora kesah Si Badia e, jenari buat keputusen si mehuli na.  Kam bebas milih kai keputusenndu.  Amin.

Bujur ras mejuah juah kita kerina.

Pt. Analgin Ginting