Minggu Paskah / HUT 132 GBKP/Sehna
Berita Simeriah KuKalak Karo / HUT KAKR 132 Tahun/ HUT SAITUNpe-7-ken
17 April 2022
|
Invocatio
|
Markus 16 : 12
|
|
Ogen
|
Masmur 103 : 1 -5 ( Antiphonal )
|
|
Khotbah
|
Lukas 24 : 1 – 12 ( Tunggal )
|
|
Thema
|
“ Jesus Enggo
Keke ”
|
Lukas 24 : 1 – 12
24:1 Erpagi-pagi
si lampas i bas wari Minggu, berkat diberu-diberu e ku kuburen. Ibabana
rempah-rempah si merim si enggo isikapkenna.
24:2 Idapetina
batu si nutupi lubang kuburen e enggo igulingken.
24:3 E
maka bengket ia ku bas; tapi lanai i je mait Tuhan Jesus.
24:4 Asum
kalak e tedis i je dingen mamang atena, rempet tedis i deherna dua kalak
dilaki, uisna terang ersinalsal.
24:5 Mbiar
kal diberu-diberu e, e maka nembah mungkuk ia seh ku taneh. Tapi nina si dua
kalak e man bana, "Engkai maka idaramindu Kalak si nggeluh i tengah-tengah
kalak si enggo mate?
24:6 Ia
lanai i jenda; Ia enggo ipekeke. Ingetlah kai si enggo
ikatakenNa man bandu asum Ia i Galilea denga, e me,
24:7 'Anak Manusia si isuruh Dibata la banci lang iendesken man
kalak perdosa, ipakuken ku kayu persilang janah i bas wari peteluken nggeluh
mulihi.' "
24:8 Kenca
bage i inget diberu-diberu e kai si enggo ikataken Jesus.
24:9 Jenari
mulihken ia i kuburen nari e maka iturikenna kerina kejadin enda man ajar-ajar
si sepuluh sada bage pe man ajar-ajar si deban.
24:10 Gelar
diberu-diberu e: Maria Magdalena, Johana ras Maria
nande Jakup. Bage pe diberu-diberu si deban si ikut ras kalak enda nurikenca
man rasul-rasul e.
24:11 Tapi
la tek rasul-rasul e. Iakapna maka kai si ikataken diberu-diberu e guak saja.
24:12 Tapi
keke Petrus jenari kiam ia ku kuburen. Asum itungkirna ku bas, uis mbentar
balut mait e nari ngenca idahna, lain si e kai pe la lit. E maka mulih ia ku
rumah dingen mamang atena kerna kai si enggo jadi e.
Fakta (info paling penting dari Nas)
1.
Piga
piga diberu berkat ku kuburen Tuhan
Yesus, ibas erpagi pagi silampas. Tujunna berkat emekap lako “ngkuningi” mayat
Tuhan Yesus alu rempah rempah simerim si enggo isikapken, sebab bageme adat
ibas kalak Yahudi. Seh i kuburen
idapetina batu sinutup kuburen e enggo igulingken, emaka kubas diberu diberu e
tapi lanai lit ije mayat Tuhan Yesus. Asum ia kerina terheran heran rempet tedis deherna dua kalak dilaki
alu baju mbentar ersinalsal. Mbiar kal
diberu diberu e, emaka secara otomatis nembah mungkuk ia kerina seh ku taneh.
2.
Jenari ngerana si dua kalak e man diberu diberu e “ engkai maka
idaramindu kalak singgeluh itengah tengah kalak si enggo mate ? Ia lanai
ijenda, Ia enggo ipekeke. Ingetlah kai
si enggo ikatakenNa man bandu asum Ia i Galilea denga. 'Anak
Manusia si isuruh Dibata la banci lang iendesken man kalak perdosa, ipakuken ku
kayu persilang janah i bas wari peteluken nggeluh mulihi.'
3.
Kenca
ngerana si dua kalak ndai, inget diberu diberu e kai si enggo pernah ikataken
Yesus. Emaka mulih ia, iturikenna kerina
kai sienggo ialamina ras iidah, ibegikenna bagepe si igejapkenna man ajar ajar
si sepuluh sada, bagepe man ajar ajar sideban.
Gelar gelar diberu e emekap Maria
Magdalena, Johana ras Maria nande Jakup. Bage pe diberu-diberu si deban si
ikut ras kalak enda nurikenca man rasul-rasul e.
4.
Tapi
ajar ajar si mbegi info enda la tek, janah akapna kai si ikataken diberu e guak
saja. Tapi Petrus proaktif, kiam ia ku
kuburen, tungkirna kubas kuburen. Idahna
uis mbentar balut /kafan Tuhan Yesus, lain si e kai pe la lit. Mamang atena,
jenari mulihken ia ku rumah ras bergabung mulihi ras ajar ajar kerina.
Sumber photo : https://commons.wikimedia.org/
Makna (magna
atau kerugma dari nas yang seemasmur suai dalam segala jaman)
1. Kekeken Yesus harus iberitaken, gelah ieteh kalak sienterem kerina rencana
Tuhan e bagepe kerina keleng ate Tuhan
si sempurna e . Tapi ise harus
sipemena kal mberitaken kekeken Tuhan Yesus ? Dilaki tah diberu. Janah ia sendiri tek kin Jesus enggo keke? Emaka
ipilih me diberu. Piga piga diberu si
mempunyai rencana untuk membasuh mayat Tuhan alu rempah rempah reh ku kuburen,
ibas wari peteluken kenca Yesus mate.
Tapi sesuatu yang sangat heran dan spektakuler idapeti diberu e. Kuburen enggo talang. Langa lit pengakap
kalak enda Tuhan Yesus enggo keke. Emaka
isuruh Tuhan me 2 kalak dilaki alu baju si ersinalsal njumpai diberu diberu
enda. Mbiar diberu ndai, tapi erkiteken ngerana si dua kalak enda (adi menurut
aku Malaekat si isuruh Tuhan) alu medate ras mehuli, emaka mulai ertenang na diberu
diberu e. Jenari ibelasken sidua kalak
ndai me kai si enggo pernah ikatakan Yesus tupung ia nggeluh. Muncul ingatan bas benak diberu diberu e, “payo
pernah ikataken Yesus bage, nina bas pusuhna”. Tek me diberu diberu ndai bahwa Yesus e enggo
keke. Mulih ia ku rumah. Diberu ipilih
Tuhan,
2. Itegasken si dua kalak alu baju mbentar siersinalsal
ndai man diberu diberu e sada hal sipaling penting kerna kekeken Tuhan Yesus. 'Anak Manusia si isuruh Dibata la banci lang
iendesken man kalak perdosa, ipakuken ku kayu persilang janah i bas wari
peteluken nggeluh mulihi.' Ikataken Anak Manusia si isuruh
Dibata la banci lang iendesken man kalak perdosa. Pemilihan istilah “Anak Manusia” tentu untuk menegaskan bahwa
Yesus e manusia 100%, sekaligus Anak Dibata untuk menegaskan bahwa Yesus e 100%
Dibata. Tapi Yesus si (banci) mate,
emekap Yesus si manusia e. Emaka tupung
Yesus mate, tuhu tuhu kal IA mate seri ras manusia si deban. Tupung Yesus keke, Ia me manusia si paling
pertama ipekeke Tuhan Dibata. Tuhan
Yesus keke, erkiteken Ia ipekeke DIBATA BAPA.
Emaka kemanusiaan Tuhan Yesus enggo itadingken tupung Yesus e keke,
janah tubuh/kula Yesus si keke e lanai
kula si mbarenda. Em sebabna lanai iidah diberu
diberu e mayat Tuhan Yesus, bagepe Petrus uis mbentar nari ngenca idahna. Kita si tek man Tuhan Yesus pe ipekeke ka
pagi ibas si mate nari, paskal bagi Tuhan Yesus e enggo keke ibas si mate
nari. Janah kerina kalak si ipekeke ibas
si mate nari, ras ras pagi ras Tuhan Yesus seh rasa lalap. Kula nta si ipekeke e bagi kula Tuhan Yesus si enggo keke e. Em makna terpenting Kekeken Tuhan Yesus. Em belinna Keleng ate Tuhan Yesus e man bandu,
man aku, man banta kerina. Sada nari si
harus siantusi kerina, kekeken Tuhan
Yesus labo demonstrasi kehebatan Tuhan Yesus.
Tapi kekeken Tuhan Yesus emekap
puncak keleng ate si tuhu tuhu mbelin.
Siperingeti wari Paskah Enda, alu nggejapken keleng ate Tuhan Yesus si seh
kal belinna si iberekenNA man kerina kalak si ipilih Tuhan guna ipekeke. Gejapkenlah maka kam enggo ipilih Tuhan, guna
ipekeke pagi mulihi aminna pe enggo mate. Amin senina ras turang ?
3. Diberu ipilih pertama kali naksiken kekeken
Tuhan Yesus, kai sebab na? Mungkin diberu lebih tulus, ras lebih patuh mbegiken kerina pengajaren
Tuhan e. La ia berdebat, la ia ragu
sanga ijelasken dua kalak (malaikat) ndai, bahkan mungkuk ras nembah ia janah masuk kal kubas pusuhna. Patuh lah, nembah lah adi ibegindu berita kerna
keleng ate Tuhan Yesus. Emaka isuratken
gelar diberu ndai, Maria Magdalena, Johana, Maria Nd Yakub… ras pe piga piga
diberu sideban si la tersurat gelarna.
Pusuh ras Patuh, dua hal kebiasan si perlukal siterapkan/sidalanken bas dirinta mulai ibas wari Paskah enda.
4. Pemberitaan kerna Tuhan Yesus ternyata i respon
alu la tek, janah
menuduh kalak simberitakensa guak. Murid
murid sendiri pe labo tek mbegi penuriken diberu e. Jadi wajar, adi jaman sigundari enda pe, leben
kalak la tek nandangi kekeken Tuhan Yesus e.
Tapi demi kebenaren Tuhan beritaken lah, IA sendiri kari reh nampati. Sebab Kebenaren Tuhan e sendalanen ras Keleng
Ate. Kebenaren adalah keleng ate Tuhan. Jadi kebenaren e tidak hilang aminna pe kalak
la tek. Janah kalak si la tek la dat
keleng ate.
Pengkenaina/Target Prioritas ,
(Pemahaman minimal yang harus didapat jemaat setelah mendengar
Firman yang dikhotbahkan)
1.
Tuhan
Jesus enggo keke, eme jaminen kita enggo menang. Sada buah ngenca nai tangtangna erbahan Adam
ras Hawa erdosa. Tapi dosa e menyebar
lebih cepat asangakan virus, emaka la lit jelma si la erdosa, termasuk kam ras
aku, kita kerina enggo erdosa. Akibat
dosa e kita enggo mate, kam enggo mate aku enggo mate ibas pertendin, si
memisahkan kita ras Tuhan, terlempar dari Peken Eden rasa lalap, rasa
lalap kali rasa lalap. La lit ngadina kinisuin ibas neraka man kalak
sierdosa. Tapi Jesus enggo keke, enggo
membasuh ras mbersihken dosa dosa nta kerina.
Emaka keke Jesus, nggeluh kita kerina, itarikNA kita ibas api kinisuin
nari. Bengket ku Jerusalem si Mbaru si sehh kal jilena. Bujur o Tuhan. Ngataken bujur lah ibas
kekeken Tuhan Jesus e.
2.
Adi
erberita kam kerna Tuhan Yesus e, ula sengget adi respon kalak la tek janah ikatakenna
kam perguak. Sebab diberu si ngidah
langsung kuburen Tuhan Yesus e keke pe ikataken kalak perbual, la tuhu. Adi diberu si ngerana si latek dilaki ras diberu. Tapi ula kam mbiar sekalipun kam diberu si mpeseh keleng ate Tuhan Yesus si enggo keke e
itulak kalak. Tah dilaki kita mpeseh keleng ate Tuhan Yesus si enggo keke e
itulak kalak, janah ifitnah kalak, bahkan iasingken kalak… Tuhan Yesus e tetap
nemani ras mbereken kedamaian. Sebab kebenaren
e rumah keleng ate. Tuhan Yesus benar
erkiteken keleng kal ateNA nandangi kerina manusia si enggo man buah kayu
ndai. Janah adi kebenaren e iturikenndu,
rikut bas keleng ate Tuhan ndai. Kalak
si nolak kebenaren, emekap kalak si nolak keleng ate. Tolakna keleng ate, uga me akapndu e ma mekuah
kal ateta. Adi mekuah ateta, beritaken
lalap kebenaren e alu dem keleng ate.
Kebenaren ras keleng ate lit bas kekeken Jesus Kristus Tuhan. Ia me alpha
ras omega. Amin.
Bujur Ras mejuah juah kita kerina
Pt Analgin Ginting
.jpg)
Komentar