Masmur 91 : 16
Thema : Umur Si Gedang
Masmur 91
: 16
91:16 Kubereken umur si gedang jadi upahna, dingen Kukelini ia."
91:16 Dengan panjang umur akan Kukenyangkan dia, dan akan Kuperlihatkan kepadanya
keselamatan dari pada-Ku.
Fakta
1.
Singkatkal, Cuma 1 ayat si jadi pokok
diskusi PJJ nta ibas minggu enda. Ibas
si sada ayat e mbelang kal kepe makna na.
Emaka megermet kita ngantusisa kata Pustaka enda. Sipemena kal lebe banci siidah bahwa umur
gedang e upah man kalak si ikelengi Tuhan.
2.
Sipeduaken siidah faktana bas ogen ta
enda emekap ikatakan pemasmur “dingen Kukelini” (Kukawali) ia.
3.
Ibas ayat sebelumna, emekap ayat 14
“itulis ije … Nina TUHAN , "Kalak
si ngkelengi Aku, Kukelini kap, dingen kalak si ngakui Aku kap TUHAN Kukawali
kap ia.
Sumber photo : https://twitter.com/jesse_duplantis/status/829525226778038272
1.
Tuhan banci mbereken umur si gedang, artina
Tuhan nge simada kegeluhen. Janah ia
berkuasa nandangi waktu, nandangi kerina dampar kegeluhen manusia ibas doni
enda. Emaka arah ayat enda tangkas kal siidah uga belinna kuasa Tuhanta. Waktu pe banci iaturkenNA tah pe ikuasaiNA, janah
semakin jelas kal siantusi bahwa Tuhan nge erbahan waktu e. Adi Tuhan si menciptakan waktu maka payo nge
IA alpha ras omega, ia pemena ras perpudi.
2.
Arah ayat enda pe teridah kal
kesempurnaan kekelengen Tuhan e. Sebab
labo waktu nggeluh si gedang saja ngenca siibereken Tuhan man kerina kalak
siikelingina. Sebab labo bere Tuhan umur
si gedang tapi la lit nakan man pangan, labo ka maksudna gedang geluh tapi
erkai pe la banci perban sakit sakitan, labo labo ibere Tuhan umur singgedang
tapi kerina kalak rate segat nandangi ia.
Emaka Nina Tuhan, “Kukelini” ia.
Enda me pernyataan si menggambarkan kesempurnaan kekelengen Tuhan ta
e. Umur gedang ras kerina keperlun umur gedang
e pe tentu enggo isediaken TUhan.
3.
Janah lit ndai pernyataan "upah". Upah adalah imbalan kepada sebuah perbuatan tah pe
dahin. Emaka man kalak sierdahin mehuli
nge umur si gedang ibereken Tuhan. Payo
kal, kalak si rajin nge erdahin maka daging kulana pe tetap mbaru ras segar
dingen tahan lama. Emaka erdahin lah alu
tutus, ras ngataken bujur ku Tuhan.
Erdahin lah lako ngkelengi kalak sideban. Sekalak Konglemerat si rajin kal erdahin,
ras mehuli ku kerina karyawanna ibereken Tuhan umur 98 tahun. Sada contoh kerna umur si gedang. Gelar
konglomerat e emekap Eka Tjipta Widjaja.
Emaka sanga Ia dilo DIbata, I rumah duka RSPAD Gatot Subroto Jakarta,
kerina karyawan Sinarmas grup reh mbereken penghormatan. Lebih kurang 300.000 pegawai na seluruh
Indonesia, silih berganti reh selama lebih kurang 5 wari ia isemayamken. Payo kal kai situlisken bas Masmur enda,
janah keluarga Pak Eka Tjipta Widjaja enda me salah sada donator tetap untuk
pencetakan Alkitab (LAI). Puji Nama
Tuhan.
Sumber photo : Tribun-bali.com
Pengkenaina
·
Nggeluh bas doni enda labo Ikebiarenken.
Kalak si mbiar rusur bas geluh enda, emekap kalak si langa meteh uga belinna
keleng ate Tuhan si melias e. Emaka
gejapken lah ras antusi alo payo, janah ula naik am mbiar geluh teman. Dahiken lah dahinndu alu tutus, ras ngataken
bujur lah man Tuhan Ta ara anakNA Yesus Kristus.
·
Ukuri, dalanken, ukuri ka, dalanken
ka kerina si mehuli , si erguna bas geluh enda. Mejingkat ras meteruk ukur ras ngataken
bujur man Tuhan, arah e me ibereken
Tuhan umur si gedang e man bandu, man bangku ras man banta kerina. Tuhan Yesus
jadi contoh ta. Keleng kal ate Tuhan adi
ibereNA umur si gedang. Tapi kekelengen
Tuhan e pe teridah ka ibas kematen kalak sindalanken kebenaren, aminna pe
umurna 40 tahun ngenca. Sebab Tuhan
Yesus sendiri pe 33 tahun ngenca umurna secara doni. Amin.
Bujur ras mejuah juah kita kerina.
Pt. Analgin Ginting
Komentar