Catatan Tambahan Khotbah Minggu 8 Mei 2022 Minggu Jubilate : Ersuraklah

Invocatio	Matius 19 : 2
Ogen	1 Raja Raja 17 : 17 - 24 ( Tunggal )
Khotbah	Perb Rasul Rasul 9 : 36 - 43 ( Tunggal )
Thema	“ Enterem Kalak Si Tek Man Tuhan ”

Perb. Rasul 9 : 36 -43

9:36 I Jope lit sekalak diberu si enggo tek, gelarna Tabita (I bas cakap Junani: Dorkas, ertina belkih beru-beru). Melala kal perbahanenna si mehuli janah isampatina kalak si musil.

9:37 Paksa si e sakit ia jenari mate. Kenca maitna iperidi kalak, iamparkenna i bas ruangen si i datas loteng.

9:38 Kuta Jope la ndauhsa i Lida nari. Kenca ajar-ajar si i Jope megi berita maka Petrus paksa si e lit i Lida, isuruhna dua kalak ndahi Petrus alu pemindon maka pedas min ia reh.

9:39 E maka ersikap Petrus, jenari berkat ia ras si erlegi e. Kenca seh ia i Jope, ibaba kalak ia ku ruangen si i datas loteng. Kerina kalak si enggo mbalu pulung engkeleweti ia, dingen janahna tangis icidahkenna man Petrus uis ras baju si enggo ibahan Tabita asum ia nggeluh denga.

9:40 Kenca bage isuruh Petrus kerina ndarat, jenari erjimpuh ia dingen ertoto. Kenca bage ialekenna kempak mait e, janah nina, "O Tabita, kekekenlah!" Imedakken Tabita matana, janah kenca idahna Petrus minter ia kundul.

9:41 Jenari ijemak Petrus tanna, isampatina ia tedis. Kenca bage idilo Petrus kerina kalak si tek ras diberu-diberu si enggo mbalu e. Iendeskenna man bana Tabita si enggo nggeluh mulihi e.

9:42 Mbar kejadin enda ku belang-belang Jope. Perbahan si e nterem kalak tek man Tuhan.

9:43 Piga-piga wari dekahna Petrus ringan i Jope, i rumah sekalak tukang kulit, gelarna Simon.

Fakta (info paling penting dari Nas)

1. Sada Kisah si sangat menarik ituriken bas perikop enda. Kisah mengenai mujijat siilakoken Kesah Si Badia arah Petrus. Kisah enda mengenai Tabita, sekalak diberu si tek man Tuhan Jesus janah mehuli kal jelmana nggit nampati kalak si musil. Tabita sakit, janah la ndekahsa ia mate. Iperidi ras ibersihkan teman temanna maitna jenari itamakenna I datas loteng rumah I Jope, melala kalak si musil si pernah sampatina ngurus maitna.

2. Paksa si e Petrus sanga i Lida si la naduh I Jope nari. Mbegi berita Petrus I Lida, isuruh ajar ajar si tading I Jope dua kalak ku Lida gelah Petrus pedas reh ku Jope. Emaka reh Petrus ras dua kalak si ngelegi ia. Seh ia i Jope mis ia ku Loteng ingan mait Tabita I semayamken. Melala diberu balu balu ngandung, janah icidahkenna pe baju si pernah ibahan Tabita, tanda keleng atena man kalak si perlu.

3. Jenari I suruh Petrus kerina kalak si je ndarat. Emaka erjimpuh Petrus ras ertoto. Kenca bage ialakenna kempak mait e, emaka erlebuh ia “o Tabita kekenlah” I medakken Tabita matana, idahna Petrus emaka kundul ia. Tabita si enggo mate medak mulihi.

4. Jenari I jemak Petrus tanna, isampatina ia tedis. Emaka ilebuh Petrus kerina kalak si tek ras diberu si engga mbalu e, iendesken Petrus Tabita diberu si enggo nggeluh mulihi man ia. Mbar kal berita enda ku belang belang Jope, janah melala kal kalak si tek man Tuhan. Petrus pe tading piga piga dekah nari I Jope.

Petrus Mpekeke Si Tabita (Dorkas) ibas mate nari. Sumber photo https://gardenofpraise.com/

Makna (magna atau kerugma dari nas yang seemasmur suai dalam segala jaman)loten

1. Megogo ka ate adi kalak mehuli lawes ku kematen, lawes nadingken kerina kalak si pernah sampatina. Bagema pe si Tabita, sekalak diberu I Jope si bas geluhna nampati kalak si musil. Melala teman teman na, melala ajar ajar pe tupung si e ngarapken ia itambari min ibas penakitna nari. Emaka kenca mate ia, sepakat teman temanna ndilo Petrus gelah reh ko Jope lako ngenen, ras notoken Tabita. Lit pegarapan teman temanna, maka adi reh Petrus (Rasul) banci nge terjadi mujijat ras Kuasa Tuhan. Em sebabna iutusna dua kalak ngelegi Petrus ku Jope. “Pengarapen lit bas kerina kalak si idemi Kesah Si Badia”. Tapi putus asa melanda kalak si la lit ibas ia Kesah Si Badia e. Kam usur putus asa tah tetap erpengarapan? Kekristenan ras kinitekenta nandangi Tuhan Yesus erbahanca mbelin pengarapenta bas geluh enda, aminna pe melala tantangan ras kesulitan. Termasuk pe ibas menghadapi kematen kalak sinikelengi kita.

2. Petrus mis kal ia ersikap bage jumpa ras si ngelegi ia I Jope nari. La lit kai pe alasanna, la lit kai pe singambati ia lako berkat mis ku Jope. Bageme situhuna Rasul, bageme situhuna sikap, kebiasaan ras karakter sekalak serayan. Bahwa waktu terpenting, waktu termahal, waktu na si paling utama emekap ndahi kerina kalak si mengharapkan ras membutuhken kehadiranna. La lit kai pe banna alasan gelah la suruh reh ku Jope I Lida nari. Kita usur kal siban ban alasan ta ibas ndahi perpulungen ta. Alasan adalah bukti kita kurang komitmen, kurang menghargai panggilannta, kurang menghargai Tuhan Yesus, kurang menghormati Kesah Sibadi. Marilah sikutken Petrus, bagepe kerina kalak situtus ndahiken tugas tugas pelayananna.

3. She I Jope, mis Petrus ku Loteng idahna ije enterem kalak si ngadungi Mait Tabita. Jneri isuruh Petrus kerina kalak ndarat, emaka erjimpuh ia ras ertoto ku Tuhan si mada kinigeluhen. Jenari ialakenna mait Tabita si terbujur kaku… Alu kata kata siajari Kesah Sibadia, ilebuh Petrus ia… O Tabita kekenlah… Begi Tabita sora Petrus? Banci kin kalak si enggo mate erpemegi ? Banci adi kelang kelangna Kesah Sibadi. Buka Tabita matana, idahna Petrus jenari kundul ia. Wooow luar biasa… kuasa kesah si Badia mpegeluh Tabita. Labo Petrus si mpegeluh Tabita. Tapi Petrus mindo gegeh ras ijin man Tuhan lako mpekeke Tabita… Kalak si mate nggeluh mulihi. Kam tek nge maka kalak si mate banci nggeluh mulihi ? Adi la kam tek… wajar sebab lakin banci manusia mpegeluh kalak si enggo mate. Tapi la lit si metahat bas Jesus Tuhan ta. Amin?

4. Jenari itegu Petrus Tabita tedis, sekaligus membuktikn bahwa Tabita si nggeluh e Tabita si sehat, ngasup kundul ras ngasup tedis, erpenandai man kerina kalak… Emaka ilebuh Petrus kerina kalak si tek, ras diberu simbalu ndai kerina janah nina enda Tabita ndai. Tabita enggo nngeluh mulihi, mbar beritana belang belang Jope, enterem kal kalak si tek man Tuhan Yesus. Em si pentingna kal, gelar Tuhan Yesus ipermuliakan ras iteki kalak I belang belang Jope, janah melala kal jerlma singaloken Jesus jadi juruselamatna. Sangap kal kalak si tek man Tuhan Yesus. Keliahen kalak si ndaram ndarami kekurangan ras kesalahan Tuhan Yesus. Haleluya

Pengkenaina/Target Prioritas ,

(Pemahaman minimal yang harus didapat jemaat setelah mendengar Firman yang dikhotbahkan)

1. La lit si la mungkin terjadi adi ras Tuhan Yesus, adi ras Kesah Sibadia. Kalak simhuli si enggo mate pe banci nggeluh mulihi. Sebab memang Yesus Kristus kin nge si mada kegeluhen e. Emaka kita pe adi tek man Tuhan Yesus e, sangap kal kita janah siatur lah geluhta selaku kalak si sangap si ikelengi Tuhan Yesus.

2. Dahin Tabita njarumi erbahan baju kalak si musil, dahin ta si penting na kal ngkelengi kalak sideban. Kai pe si hasilken arah dahinta, arah jumata situhuna simehulina nampati kalak sideban. Adi tersampat kalak si deban arah dahinta, arah geluhta berarti kita sekalak pelayan Tuhan. IpegeluhNA ka kita pagi sue ras janji ras keleng atena.

3. Arah kisah Tabita enda ndai erteremna kalak si tek man Tuhan Yesus. Kam arah geluhndu selama enda, erteremna nge kalak si Tek man Tuhan? Atau ersitek na kalak si tek man Tuhan? Jadi misi geluhta sipentingna kal reh ku doni enda emekap, mbabai gelah erteremna kalak si tek man Tuhan. Kam gia sibayakna, kam si ganjangna pendidikenndu, kam si gedangna geluh, kam si berwibawa na ras kam sinomor satuna, tapi labo lit kalak sibaba ndu tek man Tuhan, ma labo lit erina e? Emaka marilah kerina kita, sada pe la lit si kecuali, sibahanlah gelah erteremna kalak si tek man Tuhan ta Jesus Kristus ras Kesah Si Badia. Amin.