Natal
1: Peringeten Ketubuhen Yesus
Warna Stola
Mbentar
|
Invocatio
|
Nina TUHAN , Tupung Israel
danak-danak denga ngena kal ateKu ia. E maka Kudilo ia i Mesir nari, bali ras
anakKu si dilaki. (Hosea 11:1)
|
|
Ogen
|
Miha
7 : 18-20 (tunggal)
|
|
Khotbah
|
Matius
2 : 19-23 (tunggal)
|
|
Thema
|
Jesus Kalak Nasaret
|
Khotbah
: Matius 2 : 19-23
2:19 Kenca mate Herodes, teridah malekat Tuhan
man Jusup i bas nipina asum ia i Mesir denga.
2:20 Nina malekat e man bana, "Kekeken,
baba Anak e ras nandena mulih ku taneh Israel, sabap kalak si ersura-sura munuh
Anak e enggo mate."
2:21 E maka keke Jusup, ibabana Anak e ras
nandena mulihken ku negeri Israel.
2:22 Tapi kenca ibegi Jusup berita maka
Arkelaus enggo jadi raja i negeri Judea, mbiar ia ku Judea sabap Arkelaus anak
Herodes. Tole perbahan enggo ka ipersingeti Dibata ia kerna si e arah nipina, e
maka lawes ia ku daerah Galilea.
2:23 Kenca seh ia i Galilea ibahanna jabuna i
kuta Nasaret. Kerina enda jadi gelah seh kai si ikataken nabi-nabi nina,
"Ia pagi igelari kalak Nasaret.
Pembukaan/Lead
Syalomm mejuah juah kita
kerina?
Nande bapa turang ras senina. Ibas
gelar TUHAN TA YESUS KRISTUS, selamat wari natal man banta kerina.
Stuhuna kal Natal e pesta kerna anak kota besar, tah pesta anak kuta kuta
?
Uga akapndu ras kai siterjadi adi lit
sekalak perbapan tah pernanden la lit kutana? La itehna
ija kutana, janah ise isungkun la lit si beluh njababsa? Uga me akapndu adi lit jelma sibage rupana?
Yesus si peringeti kita e, lit lah kutana
?
Hahahahha
Mari dage sin en terdauhen ibas renungenta
enda.
Fakta
1. Perikop si nioge kita enda nuriken uga Jusup mulih I
Mesir nari Mbaba Yesus mulihken ku Israel janah tading ia I daerah Galilea, I
sada kuta gelarna Nasaret.
2. Sebelumna atas
petunjuk Malaekat Tuhan man Jusup, maka mengungsi ia ku Mesir gelah ula ia
terdat ras ibunuh Herodes. Kisah enda ituriken ibas Matius 2 : 13 nina Kenca berkat guru-guru Timur e, teridah
malekat Tuhan man Jusup i bas nipina. Nina malekat e man bana, "Kekeken,
baba Anak e ras nandena mengongsi ku Mesir. I jahlah kam lebe seh aku erkata
man bandu, sabap idarami Herodes anak enda janah ibunuhna pe atena.
3. Herodes enggo
mate, Herodes si umpa ras guru guru I Timur nari enggo mate, tapi anakna
nggantiken ia jadi Raja I Judea. Banci saja pesan bapana she ka ku anakna,
emaka menantisipasi se e Jusup la mulih ku daerah Judea, tapi mulih ia ku
daerah Galilea, janah erkuta ia I Nasaret.
Sada kuta si kitik.
4. Kuta Nasaret e
me akhirna jadi identitas Yesus Kristus,
ia igelari I Yesus Kalak Nasaret.
Adi kalak Sebayang, kutana I
Kuala nari tah I Perbesi nari. Labo lit
kalak Sebayang kuta aslina I Mbetong nari. Hahaha.
5. Kepeken Yesus
erkuta ras berasal I Nasaret nari enggo pernah
I nubuatken nabi nabi 700 tahun sebelumna.
Makna
1.
Tuhan mengawal ketubuhen Yesus Kristus
ku doni enda alu sangat tepat. La lit
kai pe masalah si la banci iatasi.
Melalakan masalah si terjadi si ihadapi Jusup ras Maria ibas proses melahirkan Tuhan Yesus. Tapi kerina masalah e banci teratasi kerina
alu pengarak arak TUHAN BAPA I SURGA. (Kam mbarenda uga, teman ma labo melala
masalah sanga kam Tubuh ku doni enda ?
Hahahahahahah)
2.
Tuntunan Tuhan DIbata man Jusup reh ibas nipi. Arah nipi Tuhan ngerana ku Jusup erkelangken
Malaikat Tuhan sir eh kubas Nipina e.
Adi banci ku Jusup, maka ku kita pe (ku kam ras ku aku, TUhan banci
ngerana ibas nipita). Tapi ula paksa,
ula menuntut. Adi perlu kal ngerana ate
Tuhan man bandu, tah man bangku, arah kai pe banci ngerana Tuhan e. Termasuk arah Nipi.
3.
Jusup tek kal
ia bahwa si r eh bas nipi na e Malaekat si isuruh BAPA I Surga, emaka la
ia ertahan. La ia nimbak, la ia mekisat, mis dahikenna bagi kata Malaikat e.
Adi sitik saja min ndai Jusup terlambat ngelakoken kata TUHAN, tah lain min
ndai jadina. Salah sada masalah ta si
galangna kal, MEKISAT DENGA KITA NDAHIKEN PEDAH TUHAN NTA E.
4.
Keberhasilan mengungsi sementara ku Mesir, ras
mulihken I Mesir mbereken sada hal si galangkal makna eme, TUHAN YESUS Kalak
Israel. (la kalak Mesir) . Adi kalak Israel kin Jesus e, ija kuta
na? I Nasaret. Jelas kal bahwa Mbelin
kal makna na Jusup erkuta I Nasaret, sebab ibas e tercipta identitas Yesus anak
Nasaret. Banci bayangkenndu adi lit
sekalak jelma, la ieteh ija kuta na? Tah
mbiar nge kalak ras ia pe.
5.
Kuta ketubuhen tah inganta mbelin e harus si hargai,
si persikap, sebab e pemere Dibata man banta kerina. Sangap kal kita, lit kutanta I Mbetong , I
Kuala, I Bulanjahe, I Simpang empat, I Namorambe. Ija pe kutanta, marilah
sikelengi kutanta e, sipesikap. Si
pekena kena, gelah mehuli ras ermehulina jadina .
6.
Jesus Kalak Nasaret adalah sada nubuat sijandi
kenyataan. Melala kal intrik ras kejadian yang menakutkan, engkai maka Yesus
pindah ku Mesir, ras mulih I Mesir nari. Tapi kerina e akhirnya jadi sada
rangkaian pengalaman si sangat luar biasa, sampai menggenapi sada
nubuatan. Kerina pengalaman geluhndu,
geluhku, pengalaman geluhta kerina, jadi sada rangkaian pengalaman yang sangat
indah ras kesaksian uga kita itegu tegu TUHAN ibas geluhta kerina.
Target / Pengkenaina.
1.
Yesus e jelas kalak Israel, Ku Mesir sempat ia
mengungsi, tapi situhuna kal ia kalak
Israel nge, janah kuta na I Nasaret nari.
Nasaret e kuta kitik kitik, tapi kitik pe kuta e, jadi sada kuta si
terkenalna bas doni enda she asa gundari, she ras lalap pe. Sebab e kuta Tuhan
ta Yesus Kristus. Sangap kita adi lit
kuta kemulihen ta.
2.
Ula kam sangsi kerna Tuhan Yesus e, ia tuhu tuhu
TUHAN, ia Tuhu tuhu kal manusia. Sebab
manusia si tuhu tuhu lit kutana nake.
Jelas sima sima na. Jelas ise sangkep nggeluhna. Kita pe kerina mari sikataken bujur adi
lengkap sangkep geluhta. Ibas suasana
Natal enda, si darami ras si salami ras
si ucapkan selamat natal man kerina sangkep nggeluhta, man kerina kade kadeta. Sebab kade kadenta e kerina memerpejals ise
kita. Ise kam, ise aku.
3.
Natal ibas sada sisi mperjelas bahwa Yesus e anak kuta
kuta. Yesus e anak kuta kitik. Natal
esituhuna pesta iman anak kuta kuta.
Emaka ula kita mela ija pe kutanta. Ula kita malu, uga kitikna pe
kutanta. ULa kita mela jadi anak kuta
bulanjahe enda. Tanda n la kita mela, mari sipsikap kutanta
enda, jadi sada kuta si mehuli, si mejile.
ADI LIT SI NGGANGU KUTA NTA ENDA, LA MENYEBARKAN NARKOBA, JUDI E
tanggung jawaba ras ras guna menanggulangisa.
Ras ras kita, sipindo gegeh man TUHAN.
Respon
1. Yesus e Tuhu
tuhu manusia ras tuhu tuhu TUHAN. Man
tek nge kam bahwa Tuhan Yesus si tubuh e, tuhu tuhu TUHAN si JADI MANUSIA?
2. Ma bangga kita kerina
jadi anak kutanta? Lit kin kita si mela jadi
anak kutannta ? Marilah si tingkatkan kiniulin
kutanta enda.
3. TUHAN sanggup membuat
kuta apai pe jadi terkenal, jadi berprestasi adi nggit kita kerina khusus na anak
kuta e mpesikapsa. Mari kita kerina si tatang tatangen guna mpesikap
kuta nta e.
Power Statement
Ibas Wari Natal enda, wari ketubuhen
Tuhan Ta Yesus e, tangkas man banta maka Yesus e anak kuta kuta. Kita pe anak kuta kuta, mari sitingkatken kiniersadanta
erpalasken kinitekennta man Tuhanta Yesus e. Sijadiken Kuta ta (Sebutken gelar kuta ija kam khotbah _____________ ) enda jadi kuta
kebanggaan kerina kalak si tek man TUHAN Yesus Kristus. Amin,
Bujur Ras mejuah juah kita kerina
.jpg)
Komentar