Roma 15 ; 14 - 21
Thema : Mediate Nandangi Sekelewet/Peduli Terhadap Sekitar
Roma 15 : 14 – 21
Bahasa Karo
O seninang-seninangku, kugejap tuhu-tuhu maka melala kal si mehuli i bas kam. Kam pe dem alu erbage-bage pemeteh maka kam ngasup siajar-ajaren.
Tapi i bas surat enda nggo kusuratken piga-piga persoalen man bandu alu terus terang gelah mpersingeti kam mulihken. Pang aku nurutkenca erdandanken lias ate Dibata si nggo IberekenNa man bangku.
Lias AteNa e nggo ngangkat aku jadi pejabat Kristus Jesus guna kalak si labo Jahudi. Aku erdahin selaku imam si meritaken Berita Si Mehuli si rehna i bas Dibata nari, gelah kalak si labo Jahudi e banci desken sada persembahen si ngena ate Dibata si ikhususken Kesah Si Badia man Dibata.
Dage megah kuakap i bas persadanku ras Jesus Kristus erkiteken pendahinku guna Dibata.
Kai si ibahan Kristus arah aku, e ngenca aku pang ngatakenca, eme mabai kalak si labo Jahudi e patuh man Dibata. Patuh ia man Dibata arah kata si kubelasken ras arah perbahanen si kubahan.
Arah gegeh tanda-tanda sengget si mbelin, bage pe arah gegeh Kesah Si Badia. Bage me i bas aku niari daerah-daerah mulai i Jerusalem nari seh ku propinsi Iliria nggo serser kuberitaken Berita Si Mehuli kerna Kristus.
Sura-surangku si mbelinna eme meritaken Berita Si Mehuli ku ingan i ja langa pernah ibegi kalak kerna gelar Kristus, gelah ula aku tempa-tempa majekken rumah i babo palas si nggo ipajekken kalak si deban.
Bagi lit tersurat i bas Pustaka Si Badia, "Kalak si man bana langa iberitaken kerna Ia, idahna me pagi, janah kalak si langa pernah megi, iangkana me pagi."
Fakta Dan Makna
1. Paulus menegasken maka ia iangkat jadi Pejabat Jesus Kristus guna kalak si labo Jahudi. Pembahasan PJJ nta ibas minggu enda mengandung makna teologis yang sangat mendalam senina ras turang. Paulus mengetahui dan merasa pasti bahwa tugasna iangkat jadi Pejabat Jesus Kristus emekap guna kalak si labo Jahudi. (Paksa si e terutama emekap kalak Yunani, Kalak Asia, ras sidebanna). Erkiteken yakin kal Paulus, emaka fokus kal ia ndahiken dahinna e. Kalak si la fokus, kalak si usur gonta ganti pelayanan, gonta ganti gereja, gonta ganti pasangan pe deba, salah sada sebabna emekap la ia yakin bana, la ia yakin pelayanenna, la iya yakin man Yesus Kristus. Emaka kunci maka kita banci fokus kubas pelayanennta emekap harus kita yakin kai kin talentata ras kai bidangta. Aku yakin kal maka tugas ku selaku pertua, labo diaken misalna. Emaka fokus kal aku ndahiken dahin pertua, seh maka enggo emeritus gundari Puji Tuhan.
2. Dage megah kuakap i bas persadanku ras Jesus Kristus erkiteken pendahinku guna Dibata. Cuba siperdiateken ras sigejapken pernyataan Paulus enda, tek nge kam kai sikatakenna e , bahwa megah kuakap ibas persadanku ras Jesus Krstus erkiteken pendahinku guna Dibata. Coba simak, bas siapai situhuna kemegahen Paulus e pendahin guna Dibata tah persadan ras Jesus Kristus ? Enda penting kal si ukuri mbages mbages sebab ope dengan ia jera pe situhuna Paulus enggo merasa bahwa ia erdahin guna Dibata, selaku guru besar agama Yahudi. Janah tugas Paulus tupung e, ngayak ngayak kalak Jahudi si la melakukan Taurat. Emaka segat kal ate Paulus kerina kalak kristen.
Emaka banci sisimpulken bahwa inti kemegahen Paulus emekap persadaan ras Jesus Kristus Tuhan e. Erkiteken ia ersada ras Jesus Kristus nge maka turah ketutusenna erdahin guna Dibata. Perlu kita metenget, kita ndahiken tugas tugas gereja tah ersada ras Jesus Kristus ? Kam serayan sektor tah SahabatTuhan Jesus. Reh kam ku PJJ gelah jumpa ras teman teman (sosial) tah tedeh atendu jumpa ras Tuhan Jesus.
Kerina kita perlu kal merasakan ras menemukan kiniersadaan ras Tuhan Jesus kristus Tuhan e, gelah dungna kita pe fokus ras tutus bagi Paulus, terlebih erguna/erdampak man sekelewetta. Amin ?
3. Paulus naksiken maka kai siibahan Kristus arah dirina ngenca ia pang ngatakenca, eme maba kalak si labo Jahudi patuh man Dibata. Enda pe sangat sangat penting, Paulus menegaskan man kalak i Roma bahwa, soal pang ras la pang ngelayani Tuhan. Nina ia la pang ngataken si la pernah inanamina. Tapi kai siibahan Kristus kempak dirina ngenca ia pang ngatakenca man kalak si labo Jahudi e. Jadi kai siiakateken Paulus adalah kebenaran Tuhan sebab reh ibas pengalamenna ersada ras Tuha Jesus Kristus. Payo kal enda me si payona. Hampir seri ras Nabi nabi. Adi Nabi kai sikataken Tuhan man bana nge si pesehna man Bangsa Pilihen Tuhan e. Adi lit nabi katakenna la bagi siikataken Tuhan berarti e nabi Palsu.
Emaka kam pe, aku pe harus lah seri ras Paulus. Adi la kin siibahan Kristus man dirinta labo perlu sipeseh man kalak sideban. Tapi kai siharus sibelasken, kai siharus sikataken, emekap si pernah ibas Jesus Kristus man banta. Em si payona senina ras turang.
Emaka perlu sipindo man Tuhan sada penindon sipentingna emekap “pengalaman ersada ras Tu”an". Pengalaman ndatken mujijat Tuhan, pengalaman itegu tegu Tuhan, gelah e ka sipeseh man kerina sekelewetta.
4. Sura sura Paulus si mbelinna eme mberitaken Berita si Mehuli ku ingan ija langa pernah ibegi kalak kerna Gelar Kristus. Em sura sura Paulus si mbelinna kal nina, mberitaken berita si mehuli/Injil ku ingan ija langa pernah ibegi kalak kerna gelar Kristus. Em ka kudat ibas perenungenku, bahwa sumber motivasi paling besar dalam diri misionaris emekap ipake Tuhan ia lako meritaken berita si mehuli ku kalak si langa pernah mbegi gelar Kristus e. Em sumber semangat HC Kruyt ku Buluh Awar sebagai contoh. Kita pe langa bo si dat keriahen ukur si mbelinna adi langa ka kita ikut meritaken berita si Meriah e. Berita Simeriah, iberitaken Berita si meriah e, tentu si mberitaken sa enge si meriahna kal ukurna. Sura sura Paulus, ikuti ribuan tah puluhan juta kalak setiap tahun. Emaka lit lalap kalak si ersura sura jadi pendeta, jadi pastor, jadi biara wati, jadi perberita si meriah. La terbendung. Melala nge kubegi pendeta gundari, iterima nge ia i fakultas kedokteran USU, tah IPB Bogor tapi pilihna jadi pendeta.. Tapi lit kange si merasa terpaksa jadi pendeta, ija pa pe ia la dat kuliah selain i STT. Tapi dungna teridah ka nge bedana.
Point na kal, keriahen ukur si mbelin min siakap adi ipilih kita jadi serayan Tuhan bagepe adi ipake kita jadi panitia tas pengurus kategorial. Amin ?
Pengkenaina
• Peru kal kita fokus ibas dahin pelayanennta kerina. Gelahna kita fokus perlu kal sitandai banta, ras sidalanken pelayanen e alu nggejapken bahwa e ibas Tuhan Jesus nari.
• Perlu kal sidatken pengalaman nyata ras Tuhan Jesus gelahna ula nai lit sitik pe kesangsinta nandangi Tuhan Jesus e. Janah ku sekelewetta pe sigejapkenlah bahwa e kerina erkiteken kita isusurh Tuhan Jesus. Amin ?
Bujur ras mejuah juah kita kerina.
Pt. Analgin Ginting.
.jpg)
Komentar