Catatan Khotbah Kamis Si Badia 28 Maret 2024 Kamis Sibadia

 

Invocatio        :  “(Kuankuanen 22 : 4)”

Ogen                 :  1 Samuel 25 : 39 - 42 (Tunggal )    

Khotbah           :      Roma 13 : 8 – 14     (Tunggal )    

Thema               :   Encidahken Biak Kristus ibas Nggeluh              

Khotbah : Roma 13 : 8 – 14  

Ula kam rutang man ise pe--seakatan rutang sikeleng-kelenglah sapih-sapih kam. Kalak si erkeleng ate nandangi kalak si deban, ia nggo ne hken Undang-undang.

Sabap pedah "Ula erlua-lua; ula munuh; ula nangko; ula mengga ate; "--kerina si enda ras pedah-pedah si debanna ipersada i bas pedah si sada enda, eme, "Kelengilah temanndu manusia bagi kam engkelengi dirindu."

Kalak si erkeleng ate man temanna manusia asa ndigan pe labo ibahanna si jahat. Dage alu nehken kekelengen nggo kap bali ras nehken kerina Undang-undang.

Si enda arus idalankenndu, sabap ietehndu maka enda me paksa si menentuken man bandu. Nggo seh jamna maka kam medak. Sabap warina kita ikelini Dibata deheren genduari asangken asum tangtangna kita tek nai.

Sabap berngi lawes ku siangna me, janah nandangi terang me wari. Emaka sitangtangilah perbahanen si gelap, janah sipakelah senjata guna erperang i bas terang.

Mehulilah min lagu langkahta, bagi kalak si nggeluh i bas terang wari; ula erpesta minem-minem mabuk-mabuk; ula erlua-lua ntah la meteh mela; ula rubat ntah pe mecimberu.

Tapi cidahkenlah biak Jesus Kristus i bas geluhndu. Janah ula asuhi i bas ukurndu sura-sura guna ngikutken dingen pepuasken biakndu si erdosa.

Pembukaan

 Syalom mejuah juah kita kerina nande bapa turang ras senina, ibas gelar Tuhanta Jesus Kristus. 

Apai nge pentingen ibas  geluhndu Undang Undang tah kekelengen.  Apai nge leben idalankenndu tah pe iprioritaskenndu ?  

Undang Undang lebe tah kekelengen ?

Kekelengen lebe tah Undang Undang ?

Ibas kebaktian Kamis si Badia enda, iajak kita ngukuri sa.  Agak mberat memang, tapi banci seh kal simpelna.  Mari si nen terdauhen. 

Fakta Dan Makna I

1. Ula kam rutang man ise pe--seakatan rutang sikeleng-kelenglah sapih-sapih kam. Kalak si erkeleng ate nandangi kalak si deban, ia nggo nehken Undang-undang. Ise nge kita nggit rutang ?  Ise ka nge jelma si la rutang?  Menarik sidiskusiken.  Sada pe jelma la nggit rutang, tapi faktana hampir kerina jelma rutang.  Janah bentuk ras cara rutang e pe berubah terus, she ma ka paksa gundari enda lit istilah Pinjol.  Pinjaman On Line.  Harus kal kita hati hati, janah adi perlu ula padah melakukan Pinjol ya teman… hahahha.   Rasul Paulus pe mindo man jemaat I Roma, gelah ula rutang, man ise pe.  Memang pangen kin memberi daripada rutang.  Tapi lis sada si perlu kita rutang, emekap rutang sikeleng kelengen sapih sapih kita.  Kai maksudna, rutang min siakap banta lako ngekelengi senina / ras turangta si sada kiniteken (sesama jemaat jahudi Kristen, I Roma).  Ertina adi langa lit kubahan perbahanen si mehuli man bandu si berdsasarkan sikeleng kelengen, rutang denga aku man bandu.   Sipeduaken, adi lit perbahanenndu si mehuli man bangku, maka aku pe rutang erbahan simehuli man bandu, alu palas sikeleng kelengen.  She kal payona pengajaren Tuhan ta enda si iliterasiken Rasul Paulus alu mehuli kal. 

Janah itegasken Paulus makna behavior / prilaku/ tabiat sibagenda alu ngataken nina : Kalak si erkeleng ate nandangi kalak sideban, enggo nehken Undang Undang.  Itegasken Paulus enda, sebab kalak Jahudi i Roma, nai agama jahudi dengan ope lenga ngaloken Tuhan Jesus sebagai kalak Kristen.   Kalak jahudi nggeluh alu ndalanken Undang Undang Taurat.  Emaka ijelasken Paulus, bahwa ibas ngkelengi teman sideban, situhuna enggo ndalanken Undang Undang.  Menarik sinen terdauhen konsep / teologi enda.  

Bangsa 

2. Kalak si erkeleng ate man temanna manusia asa ndigan pe labo ibahanna si jahat. Dage alu nehken kekelengen nggo kap bali ras nehken kerina Undang-undang.  Sebuah pernyataan iman yang menjadi landasan semua moralitas bas nggeluh enda, bahwa Kalak si erkeleng ate man temanna manusia asa ndigan pe labo ibahanna si jahat.   Sangat bertentangan ras politik siidah sigundari enda.  Keleng ate memang berkebalikan ras egoisme.   Sebab egoisme mementikan diri sendiri, tapi keleng ate bahkan mengorbankan kai si lit ibas ia, demi temanna manusia siikelingina.  Jadi pernyataan enda me, siutama bas doni inganta nggeluh enda.  Kerina filsafat, kerina ajaran ras teori moral, kerina ilmu psikologi, kerina sinipelajari manusia erpalas ku bas pernyataan Firman sini tulisken Rasul Paulus enda.  Emaka isimpulken Paulus kubas sada pernyataan bahwa "Alu nehken kekelengen enggo bali ras nehken kerina Undang Undang”.  Sederhana bagenda ia 

a. Kai kin perluna kita ndalanken Undang Undang, eme gelah lit keteraturan ibas inganta nggeluh e.  

b. Kai perluna keteraturen ? Gelah kerina jelma si lit ibas ingan e, ndatken kebutuhenna ras keperlunna alu merata ras kalak sideban.  

c. Kai makna na adi ia ndatken kerina kebutuhenna ?  Ingetna erbahan simehuli ras ikatakenna bujur man Tuhan. 

     Jadi enggo jelas kal bahwa tujun Undang Undang gelah kerina kalak erbahan simehuli ras ngataken bujur man si Mada si nasana. Eme kekelengen e.  Jadi nehken kekelengen = nehken undang ndang.  Ise contoh jelma sindalanken si e kerina ?  Lit eme Jesus Kristus.  Jesus e eme sindalanken Undang Undang si terpentingna kal, ngkelengi Tuhan Dibata ras Ngkelengi Manusia.  Kai pe siidalanken Tuhan Jesus, dua sisina.  Undang Undang ras Kekelengen.  Undang Undang e me kekelengen bas diri Tuhan Jesus.  Kekelengen e me Undang Undang bas perbahanen Tuhan Jesus.  Haleluya Puji Tuhan. 

3. Tapi cidahkenlah biak Jesus Kristus i bas geluhndu. Janah ula asuhi i bas ukurndu sura-sura guna ngikutken dingen pepuasken biakndu si erdosa. Emaka Kristus nge si jadi model atau sumber pembelajaran Paulus ibas ia ngataken Nehken Kekelengen emkap nehken Undang Undang.  Sebab bas diri Tuhan Jesus nge kelengen ersada Undang Undang e.  jadi adi ateta pe nehken kekelengen lako nehken undang undang, Tuhan Jesus nge model (contoh) tahpe teladan, sekaligus guru ras sumber gegehta.  Sicidahken biak Jesus Kristus ibas cara nta rukur, caranta erbelas, bagepe caranta erbahan perbahanen (prilaku) si mehuli e.  Jesus Kristus jadi sumber inspirasi, ras pe fokus kerina gegeh, waktu, semangatta bas geluh enda.  Ulanai siasuhi bas ukurta sura sura guna ngikutken dingen pepuasken biak erdosa.  Ula egoisme.  Jadi enda me siperlunakal siukuri ibas Kamis Si Badia enda.  Banci nge kita megegeh ras semangat adi perbahanen geluhta melulu ngusih Tuhan Jesus.  Banci nge ego ta sibeneken ibas kerina interaksita, mari si jawab pertanyaan enda sekaligus nginget nginget perbahanenNa si nandangi (Pagi Jumat Agung)  ipakuken ku Kayu Persilang. 

           Pengkenaina

1. Lit nge nanamna nggeluh enda adi labo pernah kita ndalanken Undang Undang ?  Lit kinihagaanta bas nggeluh enda adi dirinta ngenca lalap siukuri ?  Pernah nge ukurindu, adi enggo pas pagi keri waktundu,  uga nge cara ndu mate ?  Usahaken lah ibas kita mate e, kam ras aku, pas kal paksana ibas kita nehken kekelengen e.  Si sampati kalak, sibereken beras ta misalna, je nari mis kita nadingken doni enda.  Eme si pentingna.  Janah ula kal min kita nadingken doni enda sanga kita nangko, tah pe sanga kita korupsi.  Ma payo akapndu ?  Amin ? 

2. Kristus eme Imam (sumber Undang Undang) ras Ia ka me juru selamat manusia (ngasamken kesahNa) si dem alu keleng ate.  La lit cacatan Tuhan Yesus mementingkan ego na.   Emaka Ia nge contoh ras teladan, model sekaligus penampat ibas kita memilih Ngikutken Ia.  Siikutken lah Tuhanta Jesus  e ibas kita ngeluhken geluhta.  Sicidahken lah biak (karakter) ta nggeluh bas doni enda.  Kebaktian ta bas Kamis Si Badia enda siarapken kal gelah terjadi sada revolusi pemikiran ras tabiat bas geluhta.  Amin. 

Bujur ras mejuah juah  kita kerina

Pt Em Analgin Ginting.