Thema : Kekeken Jesus Mereken Pengarapen
1 Petrus 1 : 3 – 5
Bahasa Karo
3. Sikatakenlah
bujur man Dibata, Bapa Tuhanta Jesus Kristus! Erdandanken perkuah AteNa si
mbelin, IberekenNa man banta kegeluhen si mbaru, alu mpekeke Jesus Kristus i
bas si mate nari. Si enda mereken pengarapen si nggeluh man banta.
4. Erkiteken si enda me maka siarapken pasu-pasu si mbelin
jadi sikerajangenta, si isikapken Dibata man anak-AnakNa. Pasu-pasu si man
bandu e ibuniken Dibata i surga, i ja pasu-pasu e la banci ceda, macik, ntah pe
luntur.
5. Pasu-pasu e man bandu, e me kam si arah kiniteken ikawali
kuasa Dibata guna keselamaten si nggo sikap guna ipetangkas Dibata i bas
paksa pendungi pagi.
Fakta Dan Makna
1. IberekenNa
man banta kegeluhen si mbaru, alu mpekeke Jesus Kristus ibas si mate nari. Menarik kal untuk kita simak
perikop PJJ ta minggu enda, sebab kita ibabai ngenanami sada fakta teologis si she
kal payona. Penulis kitab Petrus enda ngataken
alasan tah pe tujuan Dibata Bapa mpegeluh mulihi anakNa Jesus Kristus ibas si mate
nari, emekap lako mbereken kegeluhen si mbaru man kerina manusia sitek Bana,
kam ras aku, bagepe kerina manusia.
Jesus e enggo keke ibas si mate nari, janah enggo nangkih ku Surga, alu
isaksiken murid muridNa. Fakta bahwa
Jesus enggo keke, Fakta bahwa Ia I Surga, emaka kegeluhen simbaru e pe jadi
sada Fakta situhu tuhu. Jadi kita enggo
fakta ipekeke ka pagi ibas si mate
nari. Alu bage dage, enda me
pengarapenta. Kai nari kebiarenta?
2. Erkiteken si enda me maka siarapken pasu-pasu si
mbelin jadi sikerajangenta, si isikapken Dibata man anak-AnakNa. Pasu-pasu si
man bandu e ibuniken Dibata i surga, i ja pasu-pasu e la banci ceda, macik,
ntah pe luntur. Ijelasken penulis kitab Petrus e, alu bahasa
sideban atau alu istilah/pengertian sideban kai kin ertina Jesus e enggo
nggeluh ibas si mate nari man manusia sitek Bana.ahan Bahwa kekeken Jesus jadi
pengarapen si mbelin man manusia lako ndatken pasu pasu si mbelin. Pasu pasu si seh kal belinna, sehh kal tahanna,
la banci luntur, la banci ceda sebab pasu pasu ibuniken I Surga. Ertina pasu pasu sada kepastian. Bahkan la lit si lebih pasti bas doni enda
selain pasu pasu Tuhan e, ibas kekeken Tuhan Jesus e. Sangap kal kalak si tek, man Tuhan Jesus
sebab enggo datna pasu pasu si pasti, pasu pasu si mbelin, si la banci
ceda. Muliakal Tuhan ta simbereken pasu
pasu si si la banci ceda man kita. Amin ?
3. Pasu-pasu e man bandu, e me kam si arah kiniteken
ikawali kuasa Dibata guna keselamaten. Jadi
ise dage si ndatken pasu pasu e ? Sindatken pasu pasu eme kam, si arah
kiniteken ikawali kuasa Dibata guna keselamatan. Kam sitek Bana, Kam sitek man Tuhan Jesus,
janah kalak sideban si tek man Tuhan
Jesus eme sidatken pasu pasu e. Pasu pasu e labo banci situkur tapi ibereken
Tuhan arah kinitekenta man Bana. Emaka
kalak si langa tek man Tuhan Yesus, situhuna mekuah kal ateta, sebab langa ia
dat bagin ibas pasu pasu Tuhan e. Emaka
perlu kali a sibabai ras sijari gelah tek ia Tuhan Jesus, ras sterusna ia
ndatken pasu pasu e. Emaka kalak si
katawari pe optimis ia bas geluh enda, sebab nggejapkan ia maka Tuhan Jesus
simbereken pasu pasu man Bana.
Pengkenaina
·
Kai nge banndu selama enda sumber
pengarappen ndu bas geluh enda? Harta?
Sen ? Kinibayaken ? Titel tah pangkat ?
Adi e ngenca sumber pengarapenndu, lesap me kerina tiknari. Pengarapen si mbelinna, si la banci ceda, la
banci lutur emekap pasu pasu bas Tuhan Yesus nari. E nge sumber pengarapen situhu situhuna kal
bas geluh enda.
·
Uga ndatken pasu pasu e ? Labanci
darami, labanci itangko tapi sada ngenca syaratna eme, Tek man Tuhan Yesus si enggo ipekeke ibas si
mate nari. Tek lah man man Tuhan Yesus
e Ia etenggo mate lako nebus dosa dosa kerina manusia, tapi Ia enggo ipekeke
ibas si mate nari. Ia nggeluh, Ia
gundari ringan I Surga. Tapi kehadirenNa
I doni enda tetap lit ibas Kesah Si Badia. Amin?
Bujur ras mejuah juah kita kerina.
Pt. Analgin Ginting
.jpg)
Komentar