Wari/ Berngi 4 Catatan Tambahan Pekan Penatalayanan 2024

 Thema : Mehamat  Man Tuhan     

Kuankuanen 3 : 5 – 10 

Bahasa Karo 

Ernalemlah man Dibata alu bulat ukurndu. Ndigan pe ula ernalem man pemetehndu jine.

Ingetlah Dibata i bas kerina si idahikenndu emaka Ia si nuduhken dalan si payo man bandu.

Ula iakapndu pentar kam lebih asa patutna; patuhlah man Dibata janah ula kam nggit ngelakoken si jahat.

Adi bage pengelakondu, perbahanenndu e desken tambar si pepalem penakit ras si mesuindu.

Mehamatlah man TUHAN alu mpersembahken ulih jumandu si mehulina kal man BaNa.

Adi bage perbahanenndu la banci lang dem lumbungndu alu gandum dingen lau anggurndu sampur, seh maka lanai siat ingan munikenca pe.

 

Fakta Dan Makna 

1. Ernalemlah man Dibata alu bulat ukurndu. Ndigan pe ula ernalem man pemetehndu jine. Ingetlah Dibata i bas kerina si idahikenndu emaka Ia si nuduhken dalan si payo man bandu.

Ernalem man Tuhan labo banci idalanken alu setengah setengah, tapi harus sepenuh hati tahpe alu bulat ukur.  Ernalem man Tuhan labo ka reh ibas pertimbangan untung rugi, pertimbangan logika, pertimbang ilmu pengetahuan.  Tapi ernalem man Tuhan banci terjadi adi lit pemahaman  ras pengakuan bas sekalak jelma bahwa, ia tubuh ku doni enda erkiteken perkuah ate Tuhan nge.   Emaka penulis kitab kuankuanen enda pe menegaskan sada basis / fundamen bahwa ernalem ku Tuhan e harus alu bulat ukur.    Mari siukuri banta sekalak sekalak,  enggo me keikut sertaan ta bas gereja GBKP enda erkiteken GBKP enda me inganta sicocokna ernalem ku Tuhan alu sepenuh hati dan segenap jiwa ta, tah pe alu bulat ukurta?   Adi daram darami ndu denga lalap kekurangan GBKP enda, berarti ipakenndu pikiran logikandu,  adi aku la kupake pikiran logis ku.  Tapi kugejap kel tuhu tuhu aku nandai Tuhan, bertumbuh bas Tuhan, berprestasi bas Tuhan arah GBKP enda.  Emaka aku pe bulatkal ukurndu nembah Tuhan ibas GBKP enda senina ras Turang.  Kam gia ma bagenge padan ndu, tah pe komitmenndu ? A

Adi enggo kita erkemalangan alu ukur si bulat, emaka kerina situasi ras permasalahan geluhta man Tuhan siendesken Bana, janah janah IA me singaturken kerina pengalaman pengalaman kegeluhenta.  Oh Haleluya. 

2. Ula iakapndu pentar kam lebih asa patutna; patuhlah man Dibata janah ula kam nggit ngelakoken si jahat. Adi bage pengelakondu, perbahanenndu e desken tambar si pepalem penakit ras si mesuindu.

Erkemalangan man Tuhan idalanken alu meteruk ukur, mempraktekken ukur meteruk eme ciri ciri kalak si enggo tuhu tuhu nandai Tuhan ta e.  Emaka ibahasaken alu mehuli bas kuan kuanen enda nina :

• Ula iakapndu pentar kam lebih asa patutna

• Patuh man Dibata, ula kam nggit ngelakoken si jahat.

• Adi bage pengelako, maka perbahanenndu e desken tambar si pepalem penakit ras si mesuindu.

Kepeken kerina si mesui ta  tahpe penakitta muncul erkiteken kesombongen  ras pe pemikiren si ngakap ia me si beluhna ras si jagona,  janah sekali sekali idalankenna ka si jahat tapi akapna ise pe la ngetehsa.  Padahal mata Dibata emekap malaikatNa singidah kerina si nasa lit bas doni enda.

3. Mehamatlah man TUHAN alu mpersembahken ulih jumandu si mehulina kal man BaNa.  Adi bage perbahanenndu la banci lang dem lumbungndu alu gandum dingen lau anggurndu sampur, seh maka lanai siat ingan munikenca pe.

Ternyata adi lit hasil jumanta si mehulina, gelah melala untung na kepeken labo idayaken ku Tiga Berastagi tah Pajak Singa, tapi alu mpersembahken si mehulina man Bana.  Buah simehulina bas jumata  nari sipersembahken man Tuhan, hasilna/dampakna emekap : dem lumbungndu alu gandum, dingen lau anggurndu sampur, seh maka lanai siat inganna munikenca.  Kepeken hasil produksita labo sianalisa secara ekonomi sipentingna, tapi sianalisa alu teologis.  Emaka sibereken simehulina man Tuhan, maka IA jadi konsumenta, IA si jadi sinukur ulih jumata e.  Dampakna pe teologis ka, jadi si la terpikirken kita. 

Kalak Jahudi seh asa gundari ersada ia bas sada Kibutz, semacam kelompok tani.  Emaka kibutz ibas sada kuta banci mengeskpor Melon tah Semangka ku sada negara Eropah.  Tapi lit sada kebiasaan kerina Kibutz e, bahwa 10% ulih jumana bas kibutz e harus iberekenna man kerina kalak si musil i sekitar kibutz e.  Janah enda jelas kal pembukuanna banna.  Kai hasilna ?  Pas kal bagi situlisken bas kitab Kuankuanen enda, la ngadi ngadi produksina.  Erbuena ras erlalana. 

Ibas kita merdang usurkal kita eroto mindo pasu pasu ku Tuhan.  Tapi ibas kita rani sihamati nge IA alu mbereken ulih simehulina man Bana ?   Mari sikuri ras ras, kalak si mehamat ku Tuhan mau memberikan yang terbaik dalam hidupnya. Amin ? 

Pengkenaina

• Perlukal kita kerina mengevaluasi dirinta sekalak sekalak, enggo me bulatkal ukurta ibas kita ngikut, erkemalangan ras mehamat ku Tuhan ? Adi lit dengan ragundu, adi lit denga elem elem ndu, adi lit dengan pandangenndu si la ersolusi banci jadi langa bulat, tapi gepeng dengan ia.    Perjuanganndu sekalak sekalak, emekap uga gelah mehamat ku Tuhan alu ukur bulat. 

• Ula siakap kita si beluhna lebih asa patutna, ula kita erbahan si jahat, ula kita erbuni buni iadep adepen Tuhan.  Tapi kai si mehulina ulih pendahinndu eme ibereken ku Tuhan.  Janah hasilna labo banci kam tulpak, tapi sebalikna erbuena isi lumbung ndu janah anggurndu pe kurang iangan munikensa.  Kalak si melumbar ku Tuhan, maka ia dat kemalemen ate ras kinibayaken. Amin ? 

Bujur ras mejuah juah kita kerina.  

Pt. Analgin Ginting.