Minggu Ephipanias V/
Warna Stola Mbentar
Invocatio : “ (Heber 13 : 12 )
Ogen : Markus 8 : 31 – 38 (Tunggal )
Khotbah : Jesaya 53 : 7 – 12 (Responsoria)
Thema : Kiniseraan E Labo Sia sia
Khotbah : Jesaya 53 : 7 – 12
Seh kal kejamna perbahanen man bana, tapi igengkenna, janah sinik saja ia. Bali ras anak biri-biri si nandangi igeleh, bali ras biri-biri si nandangi iguntingi mbuluna, la sitik pe ia sumekah.
Ia itangkap, idabuhken ukumenna, jenari ibaba gelah iukum mate ia. Tapi la ise pe mperdiateken nasipna, aminna pe ia mate erkiteken dosa-dosa bangsanta.
Ia ikuburken sada lubang ras kalak jahat, itanemken ras kalak bayak, aminna pe la ia pernah ngelakoken si jahat, tah melasken kata guak."
Nina TUHAN, "PeratenKu kap maka ia ndatken kiniseran; ia mate guna persembahen pengalemi dosa. Erkiteken si e nggedang umurna, janah idahna kesusurenna. Arah ia jadi me bagi si Kusura.
Kenca kiniseranna, idatca me keriahen; itehna me maka kiniseranna e labo sia-sia. Suruh-suruhenKu si tutus e, nterem kalak ibahanna benar, janah ia me simersan ukumen nterem jelma.
Erdandanken si e Kubereken man bana ingan si mulia, i tengah-tengah kalak si mbelin ras si erkuasa. Sabap nggit ia ngendesken kesahna seh mate, ngenanami kiniseran bagi kalak jahat. Tapi si tuhuna ipersanna dosa nterem jelma, janah itotokenna gelah kalak jahat ialemi kerina."
Fakta Dan Makna
1. Seh kal kejamna perbahanen man bana, tapi igengkenna, janah sinik saja ia. Bali ras anak biri-biri si nandangi igeleh, bali ras biri-biri si nandangi iguntingi mbuluna, la sitik pe ia sumekah
Enda me sada nubuaten kerna Mesias si bakal reh 600 – 700 tahun si reh, nubuat sinibelasken Nabi Jesaya, ija inspirasina reh ibas Dibata nari. Jesaya pagi leben nge mate asangken nubuaten enda terjadi. Pas kal jadi bagi sikatakenna e, tapi ia labo idahna bage terjadi. Kita ras kerina manusia si lahir sanga bas jaman Jesus, ras pe selanjutna ngidah nubuaten enda terjadi.
Seh kal kejam na hukumen man bana.
Ia itangkap, idabuhken ukumenna, jenari ibaba gelah iukum mate ia. Tapi la ise pe mperdiateken nasipna, aminna pe ia mate erkiteken dosa-dosa bangsanta.
Ia ikuburken sada lubang ras kalak jahat, itanemken ras kalak bayak, aminna pe la ia pernah ngelakoken si jahat, tah melasken kata guak."
Hukumen si labo arusna ia ngenanamisa, ukumen si menyiksa fisik ras batin alu teramat sadis, enda dungna siidah inanamin Mesias e, sinitandai kita bas diri Jesus Kristus. Simenarik kal emekap, aminna pe kejam kal hukumen e, tapi igengkenna, janah na sinik saja. Bali ras anak anak biri biri sinandangi geleh, bali ras biri biri si nandangi igunting mbuluna. La sitik pe ia sumekah. Dua fakta si sangat nyata tapi bertentangan, hanya terjadi bas diri si mempunyai misi si sangat mulia. Amin senina ras turang.
Fakta 1 = Seh kal kejamna perbahanen man bana (ukumen)
Fakta 2 = Sinik saja ia bali ras anak anak biri.
2. Nina TUHAN, "PeratenKu kap maka ia ndatken kiniseran; ia mate guna persembahen pengalemi dosa. Erkiteken si e nggedang umurna, janah idahna kesusurenna. Arah ia jadi me bagi si Kusura.
Nina Tuhan , “Peratenku kap maka ia ndatken kiniseraan, ia mate guna persembahen pengalemi dosa. Erkiteken si e nggedang umurna, janah idahna kesusurenna. Wah wah enda tole piga piga logika si terbalik balik ndai.
Peratenku kap maka ia ndatken kiniseraan. Adi kalak mehuli ndatken kiniseraan ibas geluhna, maka jadi peraten Dibata ibas ia. Berarti sangap kal kalak si ndatken kniseraan ibas geluhna, erkiketeken perbahanenna si mehuli.
Ia mate guna persembahen pengalemi dosa.
Erkiteken si e(mate ia) nggedang umurna, janah idahna kesusurenna. Woooow
Arah ia jadi me bagi si Kusura. Arah kiniseraan kalak si mehuli, jadi kai siniisura Tuhan. Luar biasa kal.
Sura sura ise atendu jadi arah geluhndu ? Ula kal la ukurken ya. Tapi coba renungken mbages mbages...
3. Erdandanken si e Kubereken man bana ingan si mulia, i tengah-tengah kalak si mbelin ras si erkuasa. Sabap nggit ia ngendesken kesahna seh mate, ngenanami kiniseran bagi kalak jahat. Tapi si tuhuna ipersanna dosa nterem jelma, janah itotokenna gelah kalak jahat ialemi kerina."
Erdandanken si e Kubereken man bana ingan si mulia, i tengah tengah kalak si mbelin ras si erkuasa. Kemuliaan nggeluh reh na ibas Dibata nari nge, labo pemere manusia. Labo bas hadiah Nobel nari, labo ibas menang lotere nari.
Sabab Nggit ia ngendesken kesahna seh mate, ngenanami kiniseraan bagi kalak jahat.
Tapi situhuna ipersanna dosa sinterem, janah itotokenna gelah kalak jahat ialemi kerina.
Luar biasa kal kekelengen Mesias si reh pagi. Ia nggeluh melawan logika ras pengalaman manusia, sebab memang ia labo reh guna erteori, labo guna erteologi, tapi Mesias sinubuatken Nabi Jesaya e reh guna ngkelengi, arah kiniseraan siinanamina. Luar biasa Tuhan ta Jesus e.
Pengkenaina
1. Lalit hukumen si belinen asangken kekelengen, ertina uga kejamna pe hukumen ras penyiksaan e, maka ia kehilangan makna, ia kehilangen sengat perban kekekelngen. Emaka ula mbiar nandangi hukumen, adi lit bas kita kekelengen e. Misalna, adi perban keleng ate maka musil geluhta, ras ndatken kiniseraan kita, labo banci lit gegeh kiniseraan e ibas menghambat prestasi kegeluhennta. Amin?
2. Kerina kalak si datken kiniseraan ibas ia erbahan simehulie, eme tandana peraten Dibata jadi ibas Ia. Adi peraten Dibata jadi ibas geluhta, ma enggo pasti Tuhan Dibata nge si ngerancang kai si jadi bas geluhta e. Sangap kal kalak adi bas geluhna jadi peraten Dibata. Melala kalak la sadar adi peraten si jahat usuren jadi ibas geluhna. Ula mbiar kiniseraan, ula elakkan adi kiniseraan e harus iananami perban ndalinken simehuli si sue ras peraten Dibata. Kiniseraan kal ndube danlanta ku sijore nina syair lagu karo. Amin
3. Kalak si terbiasa nggeluh ibas kiniseraan erkiteken mpertahanken kebujuren, ternyata lebih bijak, lebih nothing to loose, ibas geluh enda. Janah e me gaya hidup si lebih memberikan kegunaan ras makna man geluh kalak sideban. Marilah sipake geluhta gelah erguna man kalak sideban.
Bujur ras mejuah juah kita kerina.
Pt Em Analgin Ginting
.jpg)
Komentar