Thema : Meritaken Kebenaren Berita Si Meriah
Galatia 2 : 4 – 7
Bahasa Karo
Aminna pe lit piga-piga kalak si pekulah-kulah jadi senina, bengket ku bas perpulungen e, janah ersura-sura nunatken ia. Ipepayona kami alu nangko-nangko, atena guna meteh kerna kebebasen si ialoken kami erkiteken persadan kami ras Kristus Jesus. Ibahanna atena kami jadi juak-juak.
Tapi sitik pe kami la surut, gelah kebenaren Berita Si Mehuli e banci ijaga kami guna kam.
Tapi lit kalak si ipetempa-tempa peminpin. Maka bage ningku, sabap labo pangkatna kunehen. I bas Dibata la erpendobahen kerna pangkat manusia. Pangkat la nambahi kai pe nandangi Berita Si Mehuli si kuberitaken e.
Tapi iakuina maka aku nggo isuruh Dibata guna meritaken Berita Si Mehuli e man kalak si labo Jahudi, bali ras Petrus nggo isuruh Dibata guna meritaken Berita Si Mehuli man kalak Jahudi.
.
Fakta Dan Makna
1. Aminna pe lit piga-piga kalak si pekulah-kulah jadi senina, bengket ku bas perpulungen e, janah ersura-sura nunatken ia. Ipepayona kami alu nangko-nangko, atena guna meteh kerna kebebasen si ialoken kami erkiteken persadan kami ras Kristus Jesus. Ibahanna atena kami jadi juak-juak.
Lit nge lalap kalak si make pelayanan guna kinihagaan dirina saja. Tempa ia meritaken Berita Si Meriah, tempa ia aktif nyusun program pelayanan, tapi mandangi ia, protes ia, daram daramina kesalahen kesalahen. Kai tujuanna ? Labo gelah erhulina program pelayanen e, tapi gelah ia je simaka. Bagi sinituriken Paulus ibas ayat enda, ija nina lit piga piga kalak si pekulah kulah .... sia atena njadiken Paulus ras teman temanna si tulus jadi juak juak na. Keinginan untuk mencari kinihagaan diri tidak habis hanya karena banyak mengikuti program, hanya karena sudah menjadi pengurus kategorial, hanya karena sudah menjadi serayan, pendeta, pertua, diaken pe belum bebas untuk tidak mencari kebanggaan diri. Gelah aku je. Megermetlah lah senina ras turang. Penelitian Disertasi Doktor Ministri kami, menginformasiken bahwa presbiter di GBKP masih berjuang untuk mencari kemegahan pribadi. Ertinya ada persoalan psikologis yang masih mengikat sebagian besar presbiter, sehingga dalam pelayanan pun masih mecari yang aman aman, yang ringan ringan saja. Pelayanan yang tulus bagi Paulus, hanya bisa kita miliki jika sudah ada pengakuan jujur kepada Tuhan dan berjanji untuk melayani Tuhan lebih dari motif motif yang lain.
2. Tapi sitik pe kami la surut, gelah kebenaren Berita Si Mehuli e banci ijaga kami guna kam.
Tapi sitik pe kami la surut nina Paulus. Perlu sipahami ijenda bahwa iajari Kesah Si Badia e Paulus, maka ia metenget, maka banci idahna motf motif kalak si pekulah kulah e. Jika ada persoalah palyanan, mindo penampat man Tuhan saja, berkomunikasi dengan Tuhan melalui toto ras penampat kesah Si Badia. Janah harus tetap berkomitmen untuk mberitaken Berita Si Meriah e. Amin ?
3. Tapi lit kalak si ipetempa-tempa peminpin. Maka bage ningku, sabap labo pangkatna kunehen. I bas Dibata la erpendobahen kerna pangkat manusia. Pangkat la nambahi kai pe nandangi Berita Si Mehuli si kuberitaken e.
Lit kalak si petempa tempa pemimpin. Labo erkiteken pangkatna nina Paulus. Tentu ibas si enda idah Paulus, maka tempa ia singeteh seluk beluk dahin dahin mberitaken berita si meriah e. Enda banci igejapken Paulus, sebab nai ia mengalami ras ndalanken si enda sanga ia jadi Guru Besar Agama Jahudi denga. Naluri “aku yang benar, aku yang lebih tahu, aku yang lebih berpengalaman” lit bas kalak si tujunna labo meritaken berita si mehuli/meriah. Tapi gelah ia simehagana, ia pemimpin e, ia perlu ibegiken. Tentu enda ialami ras igejapken Paulus, bertahun tahun ope denga ia jumpa ras Tuhan Yesus. La lit si lebih hebat asangken ise pe iadep adepen Dibata. Ibas Dibata La Erpendobahen kerna pangkat manusia.
4. Tapi iakuina maka aku nggo isuruh Dibata guna meritaken Berita Si Mehuli e man kalak si labo Jahudi, bali ras Petrus nggo isuruh Dibata guna meritaken Berita Si Mehuli man kalak Jahudi.
Tapi sada pe la pang nogan dahin siibere Dibata man Paulus, emaka iakuina bahwa Paulus isuruh Dibata guna meritaken Berita Si Mehuli. Bukti bahwa Kedaulatan Tuhan tidak bisa dibatasi oleh semua akal licik manusia. Ada batas nya. Emaka adi enggo lit ketutusen ndu ibas meritaken Berita Si Mehuli, Berita Injil, harus lebe ipindo ndu secara personal peneguhan ibas Tuhan Dibata nari. Jenari kari maka ia nge singajari kam lako ndatken strategi siperlu idalankenndu.
Enda me sada contoh strategi Tuhan. Paulus Nehken Berita SI Mehuli man kalak si non Jahudi, Petrus Nehken Berita Si Mehuli man Kalak Jahudi. La bolak balik. Uga maka bage ? Enda me buah kecerdasen Kesah Si Badia e.
Kam ku komunitas apai kam si paling cocok nehken Berita Si Mehuli e ? Adi langa jelas, pindo man Tuhan alu mesiksik seh maka yakin kal kam bahwa e me sura sura Tuhan. Seriuslah dingen tutus lah Erberita Si Meriah e teman.
Pengkenaina
• Seluruh rangkaian Pekan Penatalayanenta tahun 2024 enda simpulken ibas berngi si pepituken enda. Emekap lit min sada gambaren si sangat jelas man banta sekalak sekalak lako ndatken kepastian kerna komitmenta ngelakoken Meritaken Kebenaran Berita SI Meriah. Beda ia Meritaken Berita Si Meriah ras Meritaken Kebenaren Berita Si Meriah. Ma enggo datndu ia bedana ?
Meritaken Berita Si meriah melala denga je motif motif sideban.
Meritaken Kebenaren Berita Si Meriah, tuhu tuhu pengabdianta tah pe komitmen ta nandangi pemindon Tuhan Dibata. Ma enggo erjelas na ?
• Kerina kita berhak ras berpotensi guna meritaken kebenaren Berita Si Meriah, labo itentuken pangkat, keduduken, pengalaman, pendidikan, kinibayaken, ras sidebanna. Sebab iadep adepen Dibata seri nge kita kerina. Saja adi lit kesepakatan (aturen) sierbahanca lebih teratur ras lebih tertib siikutilah e. Kesah Si Badia menginginkan keteraturen ibas kita ngikutken Tuhan Yesus e. Amin ?
Bujur ras mejuah juah kita kerina.
Pt. Analgin Ginting.
.jpg)
Komentar