Heber 10 : 19 – 25
Thema :Tutus Dingen Siiah-iahen
Heber 10 : 19 – 25
Bahasa
Karo
10:19 Dage erkiteken kematen Jesus, o senina-senina, enggo bebas
kita bengket ku bas Ingan Sibadiana kal.
10:20 Enggo
italangi Jesus man banta sada dalan si mbaru, sada dalan si nggeluh, arah
kire-kire, e me kap kulaNa.
10:21 Lit
Imam si Mbelinta; e me si jadi kepala i bas rumah Dibata.
10:22 Dage sirembakkenlah dirinta ku Dibata alu tutus ate dingen
kiniteken si tetap. Alu pusuh peraten si bersih i bas penggejapen ersalah nari,
bage pe alu kula si enggo ibersihken alu lau meciho, sideherilah Ia.
10:23 Tetaplah
si gelem pengarapen si enggo siakui, sabap tek kita maka isehken Dibata nge
padanNa.
10:24 Marilah
kita sisampat-sampaten gelah keke ukurta guna nehken keleng ate ras ndalanken
si mehuli.
10:25 Ola kita la reh ku perpulungen, bagi si ibahan piga-piga
seninanta. Tapi lebih asa si e siiah-iahenlah kita sabap sieteh maka wari
Tuhan, e me wari kerehenNa, reh me.
Sumber photo : https://preachersfolly.wordpress.com/2020/05/18/hebrews-10-19-25-because-of-jesus/
Fakta Dan Makna
1. Dage erkiteken kematen Jesus, o senina-senina,
enggo bebas kita bengket ku bas Ingan Sibadiana kal.Perikop bahan PJJ nta ibas minggu
enda banci sibagi telu ia, emekap teologi, makna teologi e ibas geluhta ras kai
harus sibahan janah sipeteluken komitmen penerapen ibas kegeluhen tep tep wari. Sipertama
emekap teologi na. Kematen Jesu enggo
mbereken kebebasen kita bengket ku bas ingan
si badiana kal. Kematen Jesus erbahanca
kita enggo pasti selamat ras bengket kubas ingan si badiana kal. Ija ingan e, emekap I surga tah pe Jerusalem baru
si enggo isikapken Dibata man banta.
Enda secara Cuma Cuma iberekenNa man kalak si tek ibas pusuhna ras
singaku arah bbahabah. Tek man Tuhan Jesus e ibas pusuh, ngaku bas babah maka IA
me enggo mate ras keke mulihi janah gundari Ia ringan ras BapaNA, emekap DIBATA
BAPA Si RiNGAN I Surga. Kam gia ma tek
nge, ras pang kam ngakuken Tuhan Jesus ijapape ?
2.
Dage
sirembakkenlah dirinta ku Dibata alu tutus ate dingen kiniteken si tetap. Alu
pusuh peraten si bersih i bas penggejapen ersalah nari, bage pe alu kula si
enggo ibersihken alu lau meciho, sideherilah Ia. Ug akita merespon teologi e? Ug
akita menyikapi kekebasen ras keselamatan si enggo ibereken
Tuhan ta e man banta ? Si rembkakken
dirinta alu tutus, dingen kiniteken sitetap, alu pusuh peraten si bersih ibas
penggejapen kita iburihi TUHAN ibas si salah nari, bagepe alu kula si enggo
ibersihkenna alu meciho. Ertina adi tek kita
bas pusuh simbages na kal, janah ngaku kita arah babahta (ngaku e termasuk
rajin ersaksi ras mbereken penggejapen kerna Kata Dibata) maka lit kap telu hal
tercipta ibas dirinta. Kai e ? Mari
sinen
· Rembak ateta rusue ras Tuhan Dibata.
· Tetap kinitekenta nandangi Ia, aminna melala pe
pencubaan.
· Bersih pusuh peratenta. Sigejap kita kai pe labo,
sebab ibas si salah dingen erdosa nari nge kita iangkap ras iselamatken Tuhan tea
e.
Emaka payo kal bagi ituriken penulis kita Heber enda, bahwa kita si tek ras singaku kerna Tuhan e
berbeda kin mis penggejapen ta. Kalak si
ngataken ia tek ras ngaku, tapi labo lit kerincuhenna rembak rusur ras Dibata,
e labo tuhu e. Ma payo dage
? Kalak si tek man Tuhan Jesus, ras
ngaku ia ibas babahna, nggit ia lawes ku ingan sindauhna kal pe, lako
mberitaken kerna kematen Jesus e. Kam kuja
enggo pernah dahi ndu ingan si ndauhna
kal lako mberitaken kerna kematen Jesus e ?
Ma enggo me ndauh e ? hehehehe.
3.
Ola kita
la reh ku perpulungen, bagi si ibahan piga-piga seninanta. Tapi lebih asa si e
siiah-iahenlah kita sabap sieteh maka wari Tuhan, e me wari kerehenNa, reh me. Hal si paling sederhana si ilakoken kalak si tek
man Tuhan Jesus ras nggejap makai a enggo ndatken hadiah si mbelinna kal,
bengkel ku ingan sibadiana kal emekap, reh ia ku perpulungen. Meriah akapna ngiahken temanna, janah sanga
ia iiahken e pe meriah ukur na. Sebab
adi la kalak segat atena iahken temanna, e lang abo payo e. Tahpe sisada atena usur pulung, sinik sinik
ia la pernah ngiahken, epe labo sempurna,
Sebab adi la pernah iahkenndu temanndu, berarti riahen akapndu kam si
sada je pulung. E gelar na ngerana
ngerana la radum. Hahahahha. a
Pengkenaina
·
Tek lah ulanai la tek nandangi Tuhan
ta Jesus e. Inti na kali bas kitab Heber
enda emekap kiniteken si paguh nandangi Tuhan.
Iman percaya. Beriman lah secara
kekal dan konsisten nandangi Tuhan Jesus si enggo keke ibas si mate nari.
·
Merincuhlah rusur katawari pe rembak
ras Tuhan e, arah persekutuan (koinonia) arah ersaksi (marturia) bagepe arah
erdiakonia nampati kerina kalak si membuttuhken. Sangap kal kalak siisampatindu, tapi sangapen
nge kalak si nampati e.
·
Siiah iahen ras saling mendorong,
saling meneyemangati kita kerina ndahi perpulungen ta e. Sebab ije kita jumpa
ras dat kemalemen ate bas Tuhanta nari. Amin?
Bujur ras mejuah juah kita kerina.
Pt. Analgin
Ginting.
.jpg)
Komentar