Rut 2 : 17 – 19
2:17 Bage
me Rut erdahin i bas juma Boas seh ben, janah kenca ierikna gandum si
nipepulungna ndai menam sada ayan buena.
2:18 Kenca bage ibabana ku rumah, icidahkenna man bibina kuga
buena si nipepulungna e. Pangan si la kerisa ndube pe iberekenna man
bibina.
2:19 Nungkun
Naomi man bana nina, "I ja nari datndu e kerina? I bas juma ise kam ndai
erdahin? Dibatalah si masu-masu kalak si enggo nampati
kam." E maka ituriken Rut man bibina maka gelar empu juma inganna erdahin
ndai e me Boas
Pembukaan
Shaloom senina ras turang ibas kekelengen
Tuhan ta Jesus Kristus. Pernah nge
ukurindu jenis jenis ras pendahin 3 binatang/hewan ?
Kerbau, Manuk ras Biang ? Ula padah
singetkenndu si peempat, Babi hahahahaha.
Kerbau terkenal binatang pekerja. Membajak,
menarik beban, ras pe adi enggo agak metua ipotong guna ikonsumsi dagingna.
Manuk binatang si mengorbankan dagingna ras
telurna guna manusia. Paling banyak dikonsumsi manusia di seluruh dunia
Biang eme binatang si menjadi teman manusia. Mempunyai prinsip human relation paling
tinggi.
Adi kita manusia, kai akapndu tujuan kegeluhen tah pe tujun pendahinta bas doni enda ? Harus jelas man banta senina ras turang...
Sumber photo : https://www.greenfieldchurchofchrist.org/post/kids_4-19-20
Fakta dan Makna
1.
Bage me Rut erdahin i bas juma Boas seh
ben, janah kenca ierikna gandum si nipepulungna ndai menam sada ayan buena Rut ibas konteks enda adalah seorang pekerja
yang sangat fokus dan produktif. Ia
erdahin seh ben (mumahi = memungut) bulir bulir gandum si tercecer, ipersadana
kerina si enggo ipumahina jenari gandum si enggo datna e, ierikna. Tuntas, ras
enggo siap ikonsumsi. Erdahin alu fokus
ras produktif eme si enggo icidahken Rut ibas Nas enda. Erdahin alu tutus, fokus ras produktif (lit
hasil kerja) ipraktekken Ruth sebab bageme pedah Tuhan sanga ia njadiken doni
enda, bagi enggo sioge ndai ibas invoactio Kejadian 2 : 15. Kerina kalak
Kristen harus erdahin, erdahin alu tutus ras terfokus, erdahin harus mengejar
hasil (lit ulihna). Bage pedah perburu,
mela mulih adi la rulih. Harus lit hasil
na. Etos kerja kalak Kristen, harus tutus ras tutus janah erhasil.
2. Kenca
bage ibabana ku rumah, icidahkenna man bibina kuga buena si nipepulungna e. Ibaba Ruth me hasil
pendahinna ndai man kalak si ikelengina kal (sebab lanai kin lit jelma sideban
selain bibina Nomi, siikelengina kal) icidahkenna alu bangga kuga buena
sipepulungna e. Pasti meriah kal ukurna duana, mengatakan bujur pe ibas
pusuhna. Dahin Rut erguna man Nomi
bibina. Eme makna erdahin, bahwa lit
dampak pendahin e man kalak si deban.
Hasil pendahin kalak Kristen erguna man kalak sideban. Labo man bana saja hasil pendahin e. Erdahin alu tutus, fokus ras produktif mbaba
kiniulin man kalak sideban. Ulih
pendahin Rut erguna man Nomi bibina si enggo metua ras enggo lemah daging kula
na. hasil pendahinta erguna man kalak
sideban, enda me makna erdahin man kita kalak si enggo ipilih Tuhan. Emaka adi mbayar pajak pe kita ibahan
pemerintah, sue kin bage pemahaman teologis erdahin bas kita kalak
Kristen. Janah sibereken persembahennta
man gereja ta, sue ras pengajaran imam imam man kalak Jahudi.
Dahin
si membawa makna menjadi kebanggan man kalak sierdahin e. Pendahin Rut erbahanca ia sendiri bangga man
hasil na. Emaka adi arah pendahinndu
banci kam mbayar pajak ras mbereken persembahenndu, bangga lah kam, ras
bersyukur ngataken bujur man Tuhan. Ula
ka kita erbuni buni gelah la mbayar
pajak. Ula ka kita jungut jungut ibas
mbere persembahen e. Amin ?
3. Dibatalah
si masu-masu kalak si enggo nampati kam." E maka ituriken Rut man bibina
maka gelar empu juma inganna erdahin ndai e me Boas. Pendahin
Rut si ilakukenna alu tutus erpenuruh man Nomi jenari Nomi pe notoken ras masu
masu si mbere ingan erdahin e man
Rut. Ikataken Rut pe gelar Boas me si
mbere dahin e man ia. Pendahin si tutus
mengundang doa (toto) pendahin adi
ilakukan alu tutus, turah bas ukur niat guna mpermuliakan Dibata. Enda me sada pemahaman si perlu kal sipebelin
ibas dirinta, bahwa tutus erdahin e
nambahi kininggiten ertoto. Sebalikna
adi perban dahinta maka lanai siinget ertoto, e enggo lepak. Hahahha.
Jadi ula ban tutusna atendu erdahin lanai ka ingetndu ertoto. Tapi, semangatndu erdahin harus lah erbahan
turah niat kalak sideban ertoto bagepe kita sendiri si erdahin e pe ertutusna
ka ertoto. Dungna ibas turin turin enda,
iempoi Boas me Rut (Penafserenku, bageme
toto Nomi) dungna kari kesusurenna me Raja Daud, janah Kesusuren Raja Daud me Jusuf perbulangen Maria, orang tua Jesus Kristus
Tuhan ta si melias e.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Adi
sibandingken ibas jaman si gundari enda melala kal factor si erbahanca kita
banci erdahin. Udara sumber oksigen,
infra struktur jalan raya, kenderaan ras
bahan bakarna kerina, lit si puna usaha/perusahaan tahpe lowongen kerja ibas
pemerintah tah pe BUMN, bagepe UMKM si
banci berlangsung alu berkelanjutan.
Emaka adi lit dahinndu si tetap, kai pe dahin e, harus lah dahiken alu
tutus. Ula tanggung, ula menunda nunda
dahin e, tapi lakukan alu tutus. Nina
ibas pengogennta ndai Kolose 3 : 23 – 24 “ (Kai pe si ibahanndu, dahikenlah
e alu tutus, tempa-tempa kam erdahin guna Tuhan, labo guna manusia. Ingetlah, i bas Tuhan nari kap upahndu.
Ialokenndu me kai si enggo isikapken Tuhan man anak-anakNa. Sabap Kristus nge
Tuanndu si tuhu-tuhu, janah kam budakNa).
Jadi kita kalak Kristen enda sisadari ras siakui min bahwa adi la
ban Tuhan, labo lit dahinta, janah labo
ka lit terpenuhi kebutuhen kebutuhen ta erdahin e. Emaka tutus lah kita kerina erdahin, ula
tanggung tanggungi pendahinta e. Janah
pe harus edahin alu mehuli ras berintegritas,
labo padah kita korupsi sebaba korupsi e seri ras nangko.
2.
Etos
kerja Rut ibas nas ta enda siidah
emekap, tutus, fokus, berhasil (produktif) berguna / bermakna man kalak
sideban, ras pe mendorong guna mengucap sykur ras ertoto man Tuhan. Emaka kita pe kalak Kristen enda, terutam
kita si ersada ibas gereja si beraliran
Calvin ( presbyterial sinodal) similiki lah etos kerja
· Tutus erdahin
· Fokus erdahin (adi edahin she ben, erdahin
lah she ben)
· Mengutamakan hasil (prouduktif dan keratif inovatif)
· Memberi makna pendahin ta e (meriah ukurta
adi kita mbayar pajak man pemertintah
ras pesembahen man Tuhan )
· Ras mendorong kita ertoto ras ngataken
bujur man Tuhan
Penutup
Rut erdahin mumahi gandum aku tutus
Guna panganna ras Nomi bibina
Kita kerina kekelengen Kristus
Tutus erdahin, gelah ermakna hasilna.
. Bujur Ras mejuah juah kita kerina
Pt Analgin Ginting
Komentar