Nehemia 5 : 14 – 19
Thema : Melumbar Nambahi Kesangapen
Nehemia 5 : 14 – 19
Bahasa
Karo
5:14 Kidekah si sepuluh dua tahun aku jadi gubernur Juda, i
bas tahun si pedua puluhken seh tahun si petelu puluh duaken pemerentahen Raja
Artaserses, aku ras kade-kadengku la man pangan si jadi hakku selaku sekalak
gubernur.
5:15 Tiap
gubernur si ertugas ope denga aku, ia jadi baban si mberat man jelma si nterem,
janah ituntutna empat puluh duit pirak tiap wari man penukur pangan ras anggur.
Suruh-suruhenna pe nindih jelma si nterem. Tapi aku la bage perbahanenku, sabap
mbiar aku Dibata.
5:16 Kerina gegehku kupake lako pekena tembok e, janah selambar
juma pe la lit kubuat man bangku. Janah kerina kalak si erdahin ras aku kusuruh
ikut i bas dahin pekena tembok e.
5:17 Temue si man berenken nakan tetap lit seratus lima puluh
kalak Jahudi ras pengulu-penguluna, tambah-tambah kerina kalak si reh ndahi aku
i bas negeri-negeri sekelewet Juda nari.
5:18 Bengkau si man pekenan tep-tep wari e me sada lembu, enem
biri-biri si mejilena, ras melala manuk janah sepuluh wari sekali kusikapken
anggur si mbaru. Tapi kueteh uga beratna tanggungen jelma si nterem, e maka
la kubuat belanja si arusna kin jadi sikerajangen gubernur.
5:19 O Dibatangku, erkiteken kasa kai si enggo kubahan man bangsa
enda, ingetlah min aku, gelah tambah kesangapenku.
Sumber photo : https://pelitakaki.com/ya-allahku-ingatlah/
Fakta Dan Makna
1. Kidekah si sepuluh dua tahun aku jadi gubernur
Juda, i bas tahun si pedua puluhken seh tahun si petelu puluh duaken
pemerentahen Raja Artaserses, aku ras kade-kadengku la man pangan si jadi hakku
selaku sekalak gubernur. Enda sada turin turin si sehak kal menarik na ras
inspiratif kal sebab enda me pengalamen Nehemia si iangkat jadi gubernur Yudea,
janah sepulh dua tahun dekahna ia jadi pemimpin/gubernur e nina, ia la man
pangan si jadi hakna selaku gubernur. Adi
sada bulan, tah dua bulan lit pejabat la man gajina enggo usur kal si begi,
tapi Nehemia she 12 tahun berate sekitar 144 bulan. La ipanna gaji gubernur si jadi hak na
e. Jadi arah enda banci si maknai bahwa menjadi pejabat labo guna ndatken gaji. Si mamang ateta, la pe Nehemia muat gajina, tetap nge ia sejahtera, la
kurang kai pe, bahkan isampatina ka kalak kalak Jahudi lebih 100 kalak tiap
wari isediakenna Nakanna. Iooh, uga maka
banci bage karakter Nehemia ndia ? Ope dengan si darami jawaban na, mari lebe
si maknai bahwa “pangan manusia labo situhuna gegehna ndatkensa, tapi pasu pasu
Tuhan nge man bana maka banci ia tetap lit nakan panganna, aminna pe gajina la
ibuatna.
2.
Kerina
gegehku kupake lako pekena tembok e, janah selambar juma pe la lit kubuat man
bangku. Janah kerina kalak si erdahin ras aku kusuruh ikut i bas dahin pekena
tembok e. Penting kal proyek sinidahiken Nehemia,
emekap erbahan tembok, sehingga aman man eksistensi Jahudi, janah itekankenna
mulihi bahwa la sada lembar juma pe buatna, bahkan kerina kalak Jahudi siikut
erdahin erbahan tembok enda ipindona gelah man ras ia I rumahNa… Arah teruh enda
ijelasken dua point bahwa :
· Temue si man berenken nakan tetap lit seratus
lima puluh kalak Jahudi ras pengulu-penguluna, tambah-tambah kerina kalak
si reh ndahi aku i bas negeri-negeri sekelewet Juda nari
· Bengkau si man pekenan tep-tep wari e me sada
lembu, enem biri-biri si mejilena, ras melala manuk janah sepuluh wari sekali
kusikapken anggur si mbaru
Menarik
kal adi sipelajari kebiasaan tah pe
karakter Nehemia enda, uga maka kiniulin ngenca idalankenna segedang geluhna. Gaji/hakna la ibuatna, iajakna kalak gelah man ras ia sekitar 150
kalak tiap berngi, janah sis sitikna itasakenna gulen lembu biri biri, manuk ras rubia sidebanna lako jadi pangan. Adi
siringkas maka Nehemia, la muat gaji, tapi isediakenna nakan pangan man kerina kalak
Jahudia iserdahin ras ia. Ijemda me si
datken kesimpulan ras pola pikir kalak si
melumbar bahwa
· Ia la meduit, la mengklaim har tana, tapi sebalikna
ngataken bujur ia man Tuhan.
· La ia pelit, tapi alu la tanggung tanggung
iajakna teman teman Jahudina lako man I tengah jabuna.
Emaka
kalak si melumbar emekap kalak sindatken hartana alu kinibujuren ras la ia
nggit mpengatuhi ise pe lako ndatken rejekina , tapi ia dem pengataken bujur
man Tuhan. Emaka kalak si melumbar,
kalak si ipelihara Tuhan bas doni enda.
Melumbar lah, maka Tuhan sinjagai geliuhndu. Amin.
3. O Dibatangku, erkiteken kasa kai si enggo kubahan
man bangsa edna, ingetlah min aku, gelah tambah kesangapenku.. Kai
upah kalak melumbar ? Upahna emekap lit
turah keyedehen ibas pusuhna lako ertoto ngataken bujur man Tuhan Dibata. Kalak si melumbar eme kalak si ndatken pasu pasu
TUhan. Melumbarlah, maka rejekindu
semakin bereken Tuhan i
Pengkenaina
·
Syarat pertama guna jadi kalak
melumbar eme la ia ndatken sent ah rejekina alu cara cara si la mehuli. Tapi sebalikna kalak si melumbar emekap kalak
si tetap ipasu pasu Tuhan ras nggit ia peduli,
erkemalangan man Tuhan Dibata ras gemar ya mbere man kalak sideban. Paradigma kekelengen man teman manusia nge si
mendorong sekalak jelma lako semakin meumbar.
·
Kebahigian paling tinggi muncul ibas
kita mere man kalak sideban. Emaka
kalak si melumbar mere, eme kalak si paling Bahagia bas kegeluhen enda. Kalak pelit labo Bahagia, yakinlah kam . Tapi adi bahagia atendu melumbar lah man
kalak sideban. Janah si lebih
penting ka, melumbar mere erbahanca kam ndatken
kesangapen ?
Bujur ras mejuah juah kita kerina.
Pt. Analgin
Ginting.
.jpg)
Komentar