Rut 4 : 1 – 12
Thema :Runggu Kerna Kegeluhen
Rut 4 : 1 – 12
Bahasa
Karo
4:1 Ingan runggu i bas kuta e biasana deher kerabangen. E maka
lawes Boas ku je kundul. Tupung si e mentas si biak senina Elimelek ndube.
Idilo Boas nina, "Mari kundul i jenda, senina." Reh ia, e maka ras ia
kundul.
4:2 Kenca bage ipepulung Boas sepuluh
kalak nari pertua-pertua kuta e.
4:3 Enggo kenca ia
kundul kerina nina Boas man si biak seninana ndai, "Erkite-kiteken Naomi
enggo mulih i taneh Moap nari, idayakenna atena taneh seninanta Elimelek ndube.
4:4 Kerna si enda kuakap enggo iangkandu.
Adi bage atendu, tukurlah genduari, gelah kerina kalak si pulung enda banci
jadi saksi. Sabap leben kap lit hakndu nukur taneh e asa aku. Tapi adi la
atendu bage, katakenlah." Nina si biak senina Elimelek ndai, "Banci,
aku nukursa."
4:5 Nina Boas, "Merandal
adi bage. Tapi adi itukurndu juma e i bas si Naomi nari, e maka si Rut, beru
Moap si enggo mbalu e pe arus ikut man bandu. Alu bage juma e tetap i bas
keluarga si enggo mate ndube."
4:6 Nina seninana ndai ngaloi, "Adi
bagena kin kepe, ola gia aku sinukursa, sabap bicara kutukur pe kari labo banci
kubahan jadi tading-tadingen man anakku. Kamlah nukursa, aku la padah."
4:7 Tupung paksa si e nai, adi lit kalak
si erdaya ntah nukarken barang i Israel, biasana si erdaya e nangtangi sepatuna
jenari iberekenna man sinukur. Alu bage icidahken man si nterem maka barang
ndai enggo esah idayaken tah itukarken.
4:8 Dage tupung ikataken kalak ndai man
Boas, "Kamlah nukursa," itangtangi kalak ndai sepatuna, jenari
iberekenna man Boas.
4:9 E maka nina Boas man pertua-pertua
ras kerina kalak si deban si ni je, "Kam kap kerina sendah jadi saksina
maka enggo kutukur i bas Naomi nari kerina sikerajangen Elimelek, Kilyon ras
Mahlon.
4:10 Tambah si e Rut, beru Moap, ndehara si
Mahlon ndube, jadi ndeharangku. Alu bagenda maka erta kalak si enggo mate
ndube, bage pe gelarna ola masap i tengah-tengah bangsa ras kutana nari. Kam me
kerina saksina sendah."
4:11 Nina
pertua-pertua ras kalak si deban, si i je, "Ue kami jadi saksina. TUHANlah
si mahanca maka ndeharandu e bagi Rahel ras Lea si mupusken nterem anak man
Jakup. Ertuah bayaklah kam i bas terpuk Eprata janah terberita i Betlehem.
4:12 TUHANlah si mahanca maka keluargandu arah
anak-anak si nipupus diberu e bali ras keluarga Peres, anak si nipupus Juda ras
Tamar.".
Sumber photo : https://www.youtube.com/watch?v=IshoqCoE_ig
Fakta Dan Makna
1. Enggo kenca ia kundul kerina nina Boas man si biak
seninana ndai, "Erkite-kiteken Naomi enggo mulih i taneh Moap nari,
idayakenna atena taneh seninanta Elimelek ndube Kalak Israel lit kebiasenna runggu guna menyelesaikan erbagai bagei
persoalen geluh. Bas nas enda siidah uga
penyelesaian situasi sini ihadapi Nomi radu ras permainna Rut. Ipesehna me sura sura Nomi ndayaken taneh na, erkiteken
ia enggo metua ras pe gelah lit penukur nakan pangan na ras Rut permainna, ndehara
anak na si Mahlon si enggo mate. Tupung
si e, la kepeken mesunah ndayaken taneh, sebab la kin banci idayaken taneh sue
ras Pedah Tuhan. Irancang si Boas me runggu ras senina
Abimelek perbulangen Nomi, janah pe iundangna sepulu dua kalak pertua kubas acara
rapat e (runggu). Emaka dungna persoalan si cukup rumit e banci
iselesaiken alu mehuli janah pe erjelas na kegeluhen Rut ras Nomi ku lebe,
kenca dung runggu e.
2.
"Merandal
adi bage. Tapi adi itukurndu juma e i bas si Naomi nari, e maka si Rut, beru
Moap si enggo mbalu e pe arus ikut man bandu. Alu bage juma e tetap i bas
keluarga si enggo mate ndube." Situhuna bagi enggo kusingetken bahwa la banci erdaya juma/erdaya
taneh kalak Israel, hanya banci ipepinjamken.
Tapia di terpaksa kal, maka kalak si erdaya taneh e, harus mbuka
sepatuna ras iberekenna man kalak si nukursa.
Bas situasi enda pe teridah senina abimelek si erdaya e, nangtangi
sepatuna ras iberekenna man Boijakas sepatu e, sebagai symbol bahwa tuhu tuhu kali
a asa ndigan pe lanai nuntut taneh si enggo idayakenna. Janah lit sada nari si pentingna kal, bahwa
kalak si nukur taneh e pe harus bersedia njadiken Rut jadi ndeharana, gelah
gelar abimelek tetap ibadiken ibas taneh e. Nai si Mahlon dilaki Rut sebagai ahli
waris taneh e, janah kenca itukur Boas taneh e ras pe ijadikenna Rut jadi
ndeharana, maka gelar abimelek tetap nge kari si pemilik taneh e. Rumit tapi win win solution. Emaka sada hal banci siidah ijenda, maka seh
kal ergana makna tahpe nilai taneh man kalak Israel. Janah proses jual beli taneh banci
ilaksanaken adi tujunna erbahan si mehuli bas kegeluhen enda. Labo hanya cari untung saja. Ula mesunah akapndu erdaya taneh, terutama
ula dayaken alu murah murah ras mesunah akapndu ndayaken tanah e khususna man
kalak asing. Adi kalak Karo erdaya
taneh, banci pagi she ku situasi Kalak Karo newa taneh man kalak bukan Karo
. Ma mela kal kita ari ?
3.
Nina
pertua-pertua ras kalak si deban, si i je, "Ue kami jadi saksina. TUHANlah
si mahanca maka ndeharandu e bagi Rahel ras Lea si mupusken nterem anak man
Jakup. Ertuah bayaklah kam i bas terpuk Eprata janah terberita i Betlehem.Perjabun Rut ras Boas ipasu pasu tua tua siikut
ibas runggu e, janah itotokenna pe gelah ertuah baya kia, merih anakna bagi Lea
ras Rahel si mupus anak anak Jakub. Erbage bage kal cara Tuhan menemukan jodoh
anak anak si ikelengina. Proses jual
beli taneh akhirna mpejabuken Rut ras Boas, janah kerina si ikut runggu e pe
meriah ukurna. Dungna pagi arah
kesusuren Rut ras Boas me tubuh Daud, jenari Daud she ku Jakub, perbulangen
Maria Nande Jesus Kristus. Runggu si
mehuli maba keriahen ukur, ras penyelsaian paling baik. Runggu si la mehuli, erbahan stress kerina
siikut runggu e. hahahaha. Emaka adi runggu bas runggun e, ula min
stress. Dewasa lah kerina ibas
berkmunikasi janah mumpuni lah min kerina siikut runggu e, termasuk pe
mengundang orang orang tua si lebih berpengalaman. Runggu banci siban lako menyelesaikan kerina
persoalan kai pe ibas geluh enda. Amin ?
Pengkenaina
·
La lit persoalan si la banci
iselesaikan bas geluh enda . Persoalan
kai pe, tah persoalan warisan, persoalan tengah jabu, persoalan kantor ingan
erdahin bagepe persoalan I tengah tengah elayanan gereja banci iselesaikan alu
runggu. Kalak Israel pe ndungi
persoalanna alu runggu, emaka kita pe yakin kita maka persoalan geluh si
selesaikan alninu runggu.
·
Keterampilan tah pe kemampuan runggu
banci itingkatken dari waktu waktu.
Berbeda nge kemampuan kalak si beluh mimpin runggu ras si jadi peserta
runggu e. Emaka sitingkatken lah
kemampuan tah pe keterampilan (skill) ta ibas runggu. Ula mis tersinggung, ula kita siakap si
payona, ula ka kita siakap si motuna ibas runggu e. Radu erlajar lah kita. Janah runggu labo tujuanna gelah idah kalak
kita si beluhna, tapi runggu si pake guna ndungi persoalan persoalan kegeluhen
enda. Sekalak ahli filsafat I Jerman
nari si tergelar Heisenberg lit pendapatna kerna runggu nina. Ilmu Pengetahuan berkembang karena Dialog
(runggu). Emaka erjagolah kita kerina
adi runggu, ula ka kita ermotuna adi runggu. Hahahaha (sentabi teman). Janah ulanai min sada pe stress ibas runggu
entahpe bas musyawarah musyawarah I tengah tengah gereja ta. Amin ?
Bujur ras mejuah juah kita kerina.
Pt. Analgin
Ginting.
Komentar